Filipai 1:21 - Ka Lamana'a Monoꞌi Lu Mu Tifiꞌehina Ka Yabe

²¹ Kilisito ai mino hepito minoto ho tito hiluna nasana'ni lolo nohibe. To filise'na yanauba tito mino'ehina nasana li huto huto molo netalibe.

Filipai 1:21 Referans Kwoze

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

2 Koliti 5:8

Ya nohutoti sibi komopati le'mo hetofa huto nohinogoti lugufatu kame hepato nominotamofihi ya'ma he'mito koto hepatoga Sipi Bo hiti minolata'a yamofihi laga'a kehelilata nohune.

2 Koliti 5:1

Lali ma luto kehelilata nohune. Ya'ma me lugufamo fulupa ilina nohi legita ni'ina to tele bilenogo Hu'mau kokulumagu minoba minoba nohi mone li huto huto molo leto'ehina yamofihi bona'magi enayatu megi'ahana fa'mene Hu'mau ai amuya moloto minalina nohi hepa'a gi'ehinamo ni'ibe.

Filipai 1:23

To loe lae nasana'mu ni'igo hena'ni hilube? Nani mone'namufi mone'namu laga nebesilata nohibe. Metogati Kilisitou nele'mo hulenogo ai hiti minose'na hiluna laga'ni nebesilago yanauba ya'ma nasana tito ni'ibe.

Kolose 3:4

To alihi Kilisitou lali minose bihati nohina bouba fana meha'a hiti aku oto nehetilenogo lenali ana hite fana meha'agu nehetilabe.

2 Koliti 5:6

Lali yamofi kumu keheli eminogo komopati le'mo hetofa hu letelenogo koli mehuse minalune. Ya nohutoti ya suhi huto yamofihi kehelilune. Me lugufa hiti minolata nohuta kana'a ya'ma Sipi Bomo sa huloto kame hepato nominone.

Filipai 1:20

To minoba minoba'namufi to fililatanamufi komopa'ni keta mehuse honogo nugufa komopa'ni hiti Kilisitohi keheli eminogo'ni yanauba ule'alena'a lolo hu netalibe luto buto mino'ohunamo ni'ibe. To ya holito buto minalube luto nubuya hulatana li huto mehuse keheli lamana huloto Yesu Kilisitohi gi'a liyafa huto minalube'mu hube.

Huto Hilina Ka 14:13

Ya hulago kokulumaguti nogo moneuba ma luto limigo keheli'ohuna: Kai kaga ya'ma fayahi akoyobo. Ya'ma kana yupahi ifo'aga Sipi Bomofitoga foya'a lilete ise gite fililana'a enali komopa'anigu lamana'a kehelilana enali kumu bati hi epalalina'mu yabe. Ya luto ligo Sikalafu'uba ai ka nona'a ma luto emi'ehina: Lama'naka. Enali ya'ma sipi foya'animofihi molo legege hite melete enabasu bite mino fulu hilana'mu yabe. Ya hilete nebinogo minete lite hi'ahanamofihi lamana'a enemege'i moloto bilina'mu yabe.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.

1 Koliti 1:30

Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.

Filipai 2:21

Bona'i luga'a enali'anigo kehelite Yesu Kilisitohi lili'na'amu mone kehelilana'a mehabe.

1 Koliti 3:22

Nani Poluita to Apolosi to Pita lali ya'ma lenali kumu yabe luto kaba he'mi letago nohune. To melugu nasana silaga'i to minolatanafi fililatana to yatai ni'ina nasana alihi huto hilina nasanamofihi silaga'i lenali nasana ni'ibe.

Filipai 1:22

To metoga molo emito minaluna yanauba foyamofihi lamana'a aku li huto hilibe. Yamofihi henana'mu keta mehuse hilube luto negekesagu loe lae hu'ehibe.