Filipai 1:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To luga'amagi faga hiti pebisa hete bite enali'ani enigi'ani lelite netite Kilisitohi gi'a helata nehana yamagi enali naga nonugu nominona yamofihi gupisalo keke'i luse foya nimilune'mu ya hilata nehabe.

Filipai 1:17 Referans Kwoze

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

2 Timoti 4:16

To Yuta bona'magi nifisa i'ahana'mu ka foya nolugo yata'a hapi huto nani'i hapa'ni lu noepugo bona'i moneuba nele'mo bati huto nele'mo memolo'ehinamo ni'ibe. Yamofihi sibina'a ya'ma Hu'mau nona'a li epololata mehino.

1 Timoti 2:7

Ya'ma kaga lu hokolo hilane luto Hu'mau aposolo bo nele'mo malago nohube. Fegutoga bona'i enalitoga buto ka lamana lu epilago enali keheli ule'ale huse ka'amofihi hapa'a giyaka lite minalabe luto ana foya'mu nele'mo eto hu'ehina. Ya'ma ka faga hiti menolube. Lama'naka luto nolube.

Aposolo 26:24

Polu ya luto kaga noligo Fesitasiu bunepa ito amuya kaga ma luto lu emi'ehina: Poluo. Kai negi nohane. Kehelise'nakauba kekesagu bai toto kele'mo negi nonago negi kaga nolane.

Aposolo 26:1

Ya luto ligo Agilipau Poluhi ma luto lu emi'ehina: Kai nani nubulo kagaka alubo. Ya ligo Polu yaha'a li saga huloto ma luto lu epi'ehina:

Aposolo 22:1

Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

Luku 21:14

Ya hu'ehinagi lenali ya'ma ka foyalo kaga mone ete nelilete nogo lu epiluta kaga yabe lite kaga lenekesagu li gehe lite loloba hite meminalo.

Romu 2:8

To bona'i luga'amagi enali ana'ina'animu kaba hite fato bona'i meenehe'mete'ani ka lamana'amofihi keheli he'mite foipa kapogu melelata nehago Hu'mau sipi ka epekito enipakafa enahalibe.

Filipai 1:18

To ya suhi ma suhi huto mono ka ya'ma faga hiti komopatiguti lilina ka hiti melilune, lamana kasigo li melete lilana yamofihi luba sabo mehilune. Fa'mene Kilisitohi kaga'auba ifu tili hilube'mu hibe. Yamofihi lamana'a huto nohigo komopa'nigu bati nohibe.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.