Filipai 1:12 - Ka Lamana'a Monoꞌi Lu Mu Tifiꞌehina Ka Yabe

¹² Nalalu'nigita, nani kumu keheli'ahana ka lu hokolo hu nolepube. Nanitoga nasana keta'a hiti huto hu'ehina yanauba ka lamana'a fi hetofa hiligopa ka lamana'auba bu baga ito buto lilibe luto huto hu'ehina.

Filipai 1:12 Referans Kwoze

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

Romu 8:37

Ya'ma huto hu letalana asaga'namofihi Yesu be ligi'ehigo bati huto minalune. Yesu ai sipi ginaga fi limito kaba hu letago aitoga ule'ale huto minolata nohune.

Aposolo 8:4

Enali Yesutoga komopa'ani emi'ahanamagi tili tele hite bite minela minela hi'ahana hepatoga ka lamana'a lu yege he'ahana.

Luku 21:13

Ya'ma lenali kapotini hokolo hinogo ka'ni lu yege halana kana'a huto hilina'mu yabe.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Filipai 2:22

Timotiu ai minoto lito nohinamofihi hapa'a bati hu'ehigo akeheli'ahanamo ni'ibe. Ai pana'i moneuba afo'afi he'malata suhi luto ka lamana'amofihi foya'a nehe'moto li'ehina yabe.

Filipai 4:3

To foyalo bo nalalu'nigita, lamana'a lenali ya'ma ana'ate loemo ya'ma etele'mo bati hubo. Etali hiti Kelemeto hiti to nalalu'nigi luga'a hiti ka lamana'amofihi ginaga fise foyamu'i fi hetofa hi nete'ahanamo ni'ibe. Hu'mau ya'ma enali hiti enubuto bi'ehigo minoba minoba huse bona'i enali kumu enigi'ani mone ai'a bukugu fayahi koyo'ehina yabe.

Filipai 4:15

Filipai hepatoga bona'ise, lenali keheli'ahabe. Nani ka lamana'amu foya hapi huna kanalo ya'ma Filipai hepalugu Masetonia metogati he'mito nobugo Yesuhi bona'a luga'amagi fa'mene neago lenali'i nani lenele'mo hetofa hugo lenalisigo efahi nimigo oto mino'ohutamo ni'ina akeheli'ahabe.

1 Timoti 2:8

Ya higo noto noto bona'i enali enita bigo luba sabo mehise minete bona'i komopa'ani gulu gulu linogo minete enayahi li saga hite Hu'mamofitoga lite fokehi lilabe luto nolube.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.