Filipai 1:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To lenali ya hiletetini kaga hapa'a kehelite i be ligi'ehinana kehelilete to Yesu Kilisito nehetilina kanagu komopatini kolota mehuse gulu gulu linogo mone ka lepekilina'a meni'ibe.

Filipai 1:10 Referans Kwoze

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

1 Tesalonika 3:13

To Sipi Botiuba komopatini le'mo hetofa hulenogo Sipi Boti Yesu hiti to ai le'mo'ehina bona'a asaga'i hiti nehetilina yupahi lenali ya'ma Hu'ma afotifihi gobisalo minete komopatini bati hinogo hetofa lenemehi hiti minalabe.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

Romu 2:18

To kai hetofana hiti foipana hiti ni'igo fuku luto foipana li he'mito ya hilata ni'ifihe? To kai Hu'mau laga besi'ehina'amofihi kehelito to keya kaluguti bebe sose hapa'a kehelito hulata nohapihe?

Efeso 5:10

Ya'ma ana'ina lolo hilune luto lilana ya'ma Sipi Bouba kehelinogo bati hilina'muko sa hilo.

1 Yoni 4:1

Komopa'ni nolepuna bona'ise. Sikalafu'uba lele'mo babahi higo lulata nohune lite lilata nehana bona'i asaga'magitoga ka'a ya'ma sibigopa mekehelilo. Kaga'a mone ya'ma Hu'mamofitogati ni'ifi meni'ifi keheli fotogo hilune lite kaba hilo. Ka'a leli'ali bona'i fagamofihi silaga'i huto hilete babu li'ahana ni'ibe.

Filipai 1:6

To ya'ma luto ma luto keheli sepa ito keheli'ohube: Foya lamana'a lenalitoga hapi fi'ehina bo Hu'mau lelito buto li baga neinogo Yesu Kilisitou henetilina kana'a li etalube'mu hibe.

1 Tesalonika 5:21

Ka'ya asaga'i ya'ma keheliya ite li kehelite lite minalo. Lama'na ka ni'ifi foipa ka ni'ifi lite ana kaga fi taga hite kehelitetini to lamana'a ni'inogo yamofihi li pili kete minalabe.

1 Koliti 1:8

Ai ya'ma Sipi Boti Yesu Kilisito henetilina kanalo foipanatini meminenogo to lufusatini amuya malago minalabe luto kaba hu lepoloba lepoloba nohinogo kanatini su halibe.

Huto Hilina Ka 2:2

Nani lolo hite melete nehanamofihi hapa'a to foya'animofihi hapa'a kosele'i melenahago amuya melelata nehana yanamofihi hapa'a keheli'ohube. Lenali foipa bona'i laga mehana'a bu neenagagomu'i lenipa holata nohigo he'mi epele'ahana. To bona'i luga'a lenali hiti aposolo yabe lilete faga hiti lilago faga'animofihi hapa'a fi taga hi etete faga nelabe lite akeheli'ahabe.

Yoni 1:47

Natanieliu Yesu nohinalo nobigo bu goloto ai kumu ma luto lu'ehina: Bu galo. Ma bo lusi Isilaeli meto bo faga faga menina bo nohinagihe.

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

Romu 12:9

Lenali leniginaga fise'namu fato bona'mofihi leniginaga fi emite lusiga lite komopatini emilo. Foipa faipa huse'namofihi hapa'a lagati melebesibe lite lenemegesa hu emilo. Ya hite, asaga lamana huse'namofihi li pili kete mineme bite minalo.

Romu 8:7

To bona'i enugufa'aniuba laga besise'nalo mege'i nemalanamagi nehago kehelise'na'aniuba kaba hu epalago enali Hu'mamofihi fateha'a nehana yabe. Henabe lutobe? Enali Hu'mau kaga lu molo'ehina'amofihi keheli he'mite pelesa i'ahana. Ya'ma Hu'mamofihi kaga'a amuya'anitu mekehelite to analo mege'i memelelata nehabe.

Matiu 26:33

Ya luto Yesu noligo Pitau ma luto Yesu lu emi'ehina: Luga'amagi he'mi ketete koli hi su halanaya nani ma'naka he'mi ketoto mebiluna'mu yabe.

Filipai 1:16

Enali yamofihi kehelilete komopa'ani nimite Hu'mau maga minoto ka lamana fi hetofa hilane luto luloto nele'mo molo'ehinamo ni'ibe lite kehelilata nehanamo ni'ibe.

Efeso 6:24

Sipi Boti Yesu Kilisitotoga i hepinogo komopatini emilata nehana bona'i lenalitoga Hu'mamofihi lenehe'mose'na'a yamofihi minomo buto minalibe.

Efeso 4:15

Aku'i lali liginaga fi epito Hu'mamofihi kaga ma'naka luto ai lu eminogo ai lu eminogo hutoti ai latahati lolo huto nohina bo Kilisitotoga mino kikipa holototi fato fato suhi huto aitoga hofa talune.

Galesia 5:11

Nalalu'nigita, nani bona'magihi enugufalo Hu'mamofihi keya kamofihi laga huse'na keya'a hiti minalabe luto fi lehe toto bu'ohuna ni'itita kalana'i lenugufalo minalibe luto lu epito minotita ya'ma Yesuhi malipu yafalo fili'ehina yamofihi ka'a lu nolepuna'mu mu lenipa hulata nohinamofihi su hatita'mu yabe.

2 Koliti 8:8

Nani lenogo'na bito melu'ohube. Mono ka nekehelina bona'magihi luga'aga ana foya'mu babahi hi'ahabe. Yamofihi lu lepinogo'ni lenali enehe'mose'na legege hite ya'ma huto ni'inamofihi hapa'a huto hilibe luto nolube.

2 Koliti 6:3

Lali ana huto bona'magitoga foya lilata nohuta'mu kosele ka li lalabe luto yamofihi mono kaga behelefe limi lalabe luto ya mehu'ohune.

2 Koliti 2:17

Lali bona'i luga'amagi hite melete nehana'a nehana ya suhi lolo hulata menohune. Bona'i luga'a asagatoga Hu'mamofihi ka'amu kehelilago kefahi li huto hu epilina nasana lolo hulago foya'a li etelata nehanaya lali ya'ma komopati lamana hinogo minaluta Hu'mamofihi bulo buto Kilisitotoga i hepiloto mono ka'a lulata nohune.

1 Koliti 10:32

Lenali Yuta bona'i nehana to fegutoga bona'a nehana to Hu'mamofihi bona'a naga'i enali enubulo keheli sibina hi'ehilana nasana yamofihi li huto mehilo.

1 Koliti 8:13

Ya hu'ehina'mu nani lugefa nasanamofihi seba'a nenenogo nalalu'nifu ya nasana'mu yabe luto keheli sibina hu lalibe luto ai kumu kehelugo keta hu lalifihe luto lugefanamofihi seba'a mo sito nohuto minomo buto minalube.

Romu 16:17

Nalalu'nigitabe, lenegekesa lito'ni lu nolepube. Bona'i mone'amagi Yesuhi naga'a loko hilune'mu to keheli ule'ale hise'namu li sibina nehanamofihi kaba hu bati hilo. Nani kaga lepi'ohunanamofihi le'mo sibi saba hilata to hetofa mono kaga keheli he'milata nehana yabe. Lenemegesa hi epilo.

Romu 7:22

Nani Hu'mamofihi keya ka'amu komopa'nigu laga hina ni'ibe luto negelo nobube.

Romu 7:16

To nani foipanamofi kumu laga'ni menebesibe luto aku'i yanamofihi mege'i mololatamo ni'inogo yanauba keya kamoya lamana ka ni'ina'mu yabe luto nelepigo anamofihi anokehelube.

Aposolo 24:16

Ya'mu luto asaga yupahi Hu'mamofihi bulofi to boana'magi enubulofi foipana mone li huto hu lalugi luto komopa'ni bati suhi huto minalube'mu keheli amuya moloto minolata nohuna.

Yoni 3:20

To bo moneuba foipa faipana lito minoto fana mehenamofihi ipakafa halina fana tose kapogu mebilina'mu yabe. Hena'mugope foipa faipa suha'a asaga bona enubugu hu yege mefilube'mu yabe.

Filipai 2:16

Fi fana telenogo amuya lenemehi hite minolatanamofihi ka'a li huto hite molo epelete minalabe. Ya nehinogo Kilisitou henetilenogo ya'ma lenali kumu yabe luto bula ola hu'ohuna to foya'alo keta'a hite li'ohuna yamofihi fa'mene'mu meni'ibe. Yamofihi hapa'a huto hilenogo negelo bito komopa'nigu bati nohinogo kehelilube.