Efeso 6:9 - Ka Lamana'a Monoꞌi Lu Mu Tifiꞌehina Ka Yabe

⁹ To lenali hiti bona'i lenali koko yagapanatinimagihi ana hite keheli bati hi epelete ana suhi hite enehe'mete luba ka lu meepilo. Ya nehite ma lite kehelilo. Koko yagapanatini hiti to lenali hiti ya'ma kokulumagu Sipi Bo afotinigu moneko'i nohibe. Ai enigihiti bona'i to enigi menina bona'i moneko legege nehabe luto kehelito bona'i silaga'i kaba hulata nohibe.

Efeso 6:9 Referans Kwoze

Kolose 3:25

To Hu'mau kegeiyo nehana bona'magihi ana huto sibi nona'a epilina'mu yabe. Ai bu'alo yege yege bona'i moneko'na nehabe luto nokehelibe. Ai keheli fotogo huto epilina'mu yabe.

Aposolo 10:34

Pitau hapi fito kaga lu'ehina: Yatai keheli fotogo nohuto ma'naka luto Hu'mau bona'i moneko legege hite nehabe luto kehelilata nohibe.

Romu 2:11

Hu'mau Yuta bona'i hiti fegutoga bona'i hiti bu'alo moneko babeyafa hi'ahago bu golata huto mino'ehibe.

Luku 6:31

To bona'magi suhi mone hu epalalube luto nokehelilata suhi kalalukagi enalitoga hubo.

Matiu 7:12

Nanitoga ya suhi hu netalo luto kekesa noyigilata suhi enali fato bonatoga ana suhi hu epolobo. Ya'ma ai Mosehi keya ka'amofihi hapa'a koyapa'i ninamolo to lu yege hose bona'magihi kaga enelepise'na'ani hiti mana'a ni'ibe.

Yemesi 2:13

Bo mone'maka kai kiginaga mefinogo bona'i enele'mo bati mehilata ya'ma Hu'mau ana huto ginaga mefinogo enele'mo bati mehinogo ana bomofihi ka foya li etalune'mu nehabe. Kiginaga finogo keke'i luto enele'mo bati hilata bona'i ya'ma Hu'mau ana suhi huto ginaga finogo enele'mo bati hilube'mu nohibe. To ginaga fise nasanauba ka foya lilatanamofihi be ligilina'mu yabe.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

Yoni 13:13

Lenali nani kumu Babafio lite to Sipi Botio nigi hana ma'naka lite nigi habe. Ya'ma nohube.

Yemesi 5:4

Lenali foyagu lili'nalo bomagi enogobi foya lite kifi'a laga hilago meetana suhi lite mina'a meepigo foya lelite bite yibi hafili hago amuya bo, Hu'mau ya'ma foipana'ani ekesaguti keheliloto ya'ma luto nolibe.

1 Koliti 7:22

Kai kele kele yagapana'i nohatogo Sipi Bouba elesa molo kimi'ehina'a kai Sipi Bouba foipanaguti pa so ketoto gulu ho keto'ehina bomo nohata kehelibo. To kai ya'ma fa'mene nohatogo Sipi Bouba elesa molo kimi'ehina'a kai Kilisitohi kele kele yagapana'a lolo huto nohata kehelibo.

Matiu 24:51

Ya huto nohinogo sipi bo'auba naga osatu ana pana'i bi yigiloto le'moto buto fagalo bona enayanuga bilina'mu yabe. Ya hinogo enali ya'managa nehite sipi yibi bena nehite enagabu kumu usegi asegi ise hepato buto minalina'mu yabe.

Matiu 24:48

To ai bati mehina lili'nalo pana'i nohutomo ai ma luto lilibe: Sipi bo'ni mele'isi i behe huto meabe.

Matiu 22:10

Ya luto lu epigo ana koko pana'amagi kapolo kapolo bite mine baga i'ehite bona'i mana'afi to sibina hana'afi kapolo huto hana kehe i nupa nupa hite enele'mete ago enali ana kata nehana nohi li bai tete mine'ahana.

Matiu 22:8

Ya huloto gihiti bouba koko pana'a kehe iloto ma luto lu epi'ehina: Ana kata huse nose'naya laita huto li loloba hu'ohuta ma ninaya to bona'i kehe uta bona'magi hapa'ani bati mehigo meabe.

Kolose 4:1

To lenali kaba bo nehanamagita kele kele panatini enele'mo hetofana hite to bebe sose hapa hite enele'mo bati hilo. Lenali Kaba Botini mone kokulumalugu nohinamofihi lenekesu meheno.