Efeso 6:23 - Ka Lamana'a Monoꞌi Lu Mu Tifiꞌehina Ka Yabe

²³ Afotifu Hu'mau to Sipi Bo Yesu Kilisito ai nigibo nalalu'nigita lenali fuluna li huto huto molo lepoloto keheli amuya melelatanatini li futili hu lepelenogo komopatini ai eminogo ai eminogo hite minalabe.

Efeso 6:23 Referans Kwoze

Galesia 6:16

Yagu'ya mineme bite mine'ahana'a lenalitoga Hu'mamofitogati fuluna'a to keke'i luse'na'a lenele'mo bebe sese'na minomo tito minalibe. Ya nehinogo Hu'mamofihi yagapana'a silagatoga ya'ma minalibe.

1 Pita 5:14

Lenali Kilisito kumu yabe luto enebe tigite minete ai soso hu etenogo ai soso hu etenogo mino bati hite minalo. Kilisitohi li pili kete lite neminana'a lenalitoga Hu'mamofihi fuluna'auba minomo tito mineno.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

1 Timoti 1:14

Ya hu'ehigo Sipi Botiuba mehi nimito to nehe'mose'na'a babu luto nimito keheli nele'mo amuya moloto to Yesu Kilisitou buto i ke'moto yabe luto komopa'ni emi'ohuna yana'mu nele'mo ule'ale hu neto'ehibe.

Huto Hilina Ka 1:4

Yonita nani'i Esia metoga Hu'mamofihi bona'a li gehesa 7 nehana lenali'i fayaha nasana ya'ma koyoto nolepube. Hu'ma koyapa mino'ehina bo to minoto nohina bo to koyapa koyapa minalina bo aitoga ni'ina to sekele mamu'a hiti kefa hisa gobisa'alo hetofa kene'i 7 enalitogati ni'ina,

1 Timoti 1:3

Nani ya'ma Masetonia metoga bilube'mu nohuto kegekesa lito lu kimi'ohuna ana suhi hubo. Ya nohuto ya'ma Efeso hepatoga ya'ma aku'i molo emito minobo. Nohuto bona'i hapi fite faga faga mono kaga lu nepina yamofihi he'milo luto lu epibo.

2 Tesalonika 3:16

Sipi Boti ai'a fuluna afo'afu ya'ma asaga yupahi fato fato suhi luto fuluna'a li huto hu lepeleno. Sipi Bouba lenali asagatoga minomo buto mineno.

2 Tesalonika 1:3

Lalalutigita, lali asaga yupahi lenali kumu yabe luto Hu'mamofitoga fokehi lito minolata nohune. Lenali Hu'mamofitoga keheli amuya melelata nehanamofihi hofa tana'mu luto komopatini ai eminogo ai eminogo hilana hofa tana'mu luto bati huto fokehi nolune.

1 Tesalonika 5:8

To lali fana mehenamofihi naga'i lolo hu'ohuta ya'ma komopati kaba huto minalune. Ya nohuto Yesutoga keheli amuya malaluta to komopati asaga bonatoga epiluta yanauba heleguti lolo hilibe. To Hu'mau lubuto bilina keheli'ohutanauba lali latahati li sibina hu lalina kakiliti lolo hu letalibe.

1 Koliti 1:3

Afotifu Hu'mamofihi aitogati to Sipi Boti Yesu Kilisitohi aitogati lenehe'mose'na to fuluna'a lenalitoga mino moloto mineno.

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Yoni 14:27

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

1 Timoti 5:8

Luga'amagi enali bona'ani kaba lamana'a hi epelete enemehi meepilana yamofihi ka lamana'amofihi kapoguti ali he'mite to mono ka ya'ma mekehelise bona'i melugu bona'i enalitogati mine tegi hite ana foipana'aniuba enebe ligi'ehilina'mu minalabe. Ya higo keto a'mofihi bona'amagi kaba hu etalana'mu yabe.

Romu 15:33

To Hu'mau, fuluna hapa'a nohina bouba lenali hiti minalina'mu yabe. Ma'naka.

2 Koliti 13:11

To nalalu'nimagita, kaga lu su hoto ma luto lilube. Lenali lenipagu keheli bati hite minalo. To lipoti lu lepito kaga ya'ma noluna kehelite komopatini le'mo hetofa hite le'mo lamana hilanagihe. Ya nehite lenalitini komopatini le'mo moneko hilete fulunagu minalo. Ya hilenogo Hu'mamofihi mehi lepise'na to fulunamofihi afo'afu lenalitoga minalina'mu yabe.

Efeso 6:24

Sipi Boti Yesu Kilisitotoga i hepinogo komopatini emilata nehana bona'i lenalitoga Hu'mamofihi lenehe'mose'na'a yamofihi minomo buto minalibe.

3 Yoni 1:14

Nani kaitoga bilube luto nolube. Buto nehetilenogo le'abagaguti lu keheli fa keheli huto kehelilu'ibe.