Efeso 6:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ya nehite nani kumu ya'ma nelesa melinogo Hu'mamo nabaga'ni le'mo babahi hulenogo hetofa ka lamana'a suguna'i ni'ina yamofihi nabaga li gelehe hinogo babahi hulenogo lu huto hilibe lite lenali Hu'mamofitoga lilo.

Efeso 6:19 Referans Kwoze

Kolose 4:3

To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.

Aposolo 4:29

Oho, Sipi Bo, amuya kaga asaga'i li'ahanamofito kai yatai kehelibo, ya huloto lali kai koko pananaka lehe'mobo. Ya hu'ehitogo lali amuya moloto koli mehuse kai kagaka lu yege ho ketalune.

2 Tesalonika 3:1

Lalalutigita, ka mone lu su hoto lu lepilugi kehelilo. Sipi Bomofihi ka'a mele'isi pulu tito bilibe luto to ana kaga'amofihi lenalitoga huto hu'ehinamofihi ana suko huto huto ho lito bilibe luto ya'ma lali kumu lite Hu'mamofitoga loka heno.

1 Tesalonika 5:25

Lalalutigita, lali kumu yabe lite kehelite Hu'mamofitoga nunumu lite minalo.

Hibulu 13:18

Lenali lali kumu yabe lite Hu'mamofitoga kaga lite minalo. Lali eto huloto legekesa kehelise komopatigu bati higo keta huse'na meni'igo keheliya ito asaga yupahi eto huloto lito moloto hilune luto amuya mololata nohune.

Aposolo 4:31

Enali ya hite nunumu ahilago li nupa hite nehana nonugu imima'i li'ehina. Ya huloto enali to Sikalafu'uba tito bai tolago enali Hu'mamofihi kaga'a lu yege homofa'na hi'ahana yabe.

1 Tesalonika 2:2

To Filipai hepatoga lele'mo sibina to huli ka lu limite hilata hi'ahago yalo lenali Tesalonika bona'magita bu'ohuta akeheli'ahabe. Ya hi'ahanaya to bona'i luga'amagihi luba limilune'mu nehago Hu'mau lukesa fi hetofa hu leto'ehigo babahi huto nohuto lenalitoga Hu'mamofihi ka lamana'a lu huto huto lu lepi'ohuta.

2 Koliti 8:7

To keheli ule'ale hise'natini to Hu'mamofihi ka lu yege hose'natini to mono'i hapa'a keheli fe lite kehelise'natini to mono'mofihi foya'amu amuya molose'natini to lenemehatini epite lehe'mose'natini limilata nohina ya nasanamofihi legeya'a babu luto huto hu'ehina'mu yabe luto komopatigu keheli bati huse foya lilete kefahi li nupa hilana'mu ana hite keta mehuse hilabe luto nolube.

Efeso 1:9

To ai'a keheliya ito ya'mamofihi legekesa lu hokolo hu leto'ehina to ya huto ai'a suguna huto molo'ehina ka alihi Kilisitou le'mo huto hilina'a komopa'aguti ma luto lu hokolo hu leto'ehina.

1 Koliti 4:1

Lenali lali kumu kehelinogo Kilisitohi lili'nalo bo'a to Hu'mamofihi suguna ka'a kaba huto leli'ali bo lolo nohuta kehelilo.

Aposolo 28:31

Ai Hu'mamofihi kapo'amofihi kaga'a lu yege ho epito Sipi Bo Yesu Kilisitohi kaga'a enelepito amuya kaga lu epilata higo bo moneuba kaga'a mone i laga mehu'ehigo Polu anaga mino'ehina yabe.

Aposolo 19:8

Polu Yuta bona'magi mone kaga lu keheli fa keheli hilata nehana nonugu tiloto amuya moloto ka lamana'a lu epito ikahi loebe monebe mino'ehina. Ai enali hiti kenasabo bi enohoto Hu'mamofihi Kapo'alo bilabe luto amuya kaga lu epi'ehina yabe.

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Filemoni 1:22

To mone kaga hiti lu nokumube. Lenali ya'ma nani kumu Hu'mamofitoga lilata nehana'mu yabe luto Hu'mau nele'mo gelehe hulenogo lenalitoga bilube luto fifa noube. Ya nehago kai hasa mone noha'ni li bati hu netalane.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

2 Koliti 3:12

Lifita ilata nohuta nasana ya suhi huto ni'inaya mono ka keta mehuse huto lu aku toto lu yege hoto epilata nohune.

1 Koliti 1:5

Ai Hu'mau ka keta mehuse lu huto hulatana to kehelise'na fato fato nasanatu lenele'mo hetofa hu'ehigo mono'mofihi mina'a babu luto li'ahana'a ya'ma ni'ibe.

Aposolo 14:3

Polugo Banabasiugo yatama kana'a Ikoniu hepato nehite amuya melete Sipi Bomofihi ka'a lu yege he'aha'ina. Ya ha'igo Sipi Bouba babeyafana lumofihi lumofihi fato fato'i topa hose nasana hiti li etayato higo li huto hi'aha'ina. To ya'mananauba ai fulu kaga'a lamana'a ni'ibe luto boana'i enelepilibe luto yabe.

Aposolo 9:27

Ya hago Banabasiu oto he'moto aposolo bona'i nehanalo le'moto bu'ehina. Banabasiu Solitoga Sipi Bouba kapogu bulo hu'ehina hiti to Sipi Bouba kaga lu emi'ehinamofihi hapa'a lu hokolo hu epi'ehina. To ana huto Soliu Tamasiko hepatoga asaga kaga Yesu kumu amuya luto lu yege ho epi'ehinamofi hiti Banabasiu lu epi'ehina.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

2 Koliti 7:4

Lenali Hu'mamofitoga ule'ale hite neminana komopa'nitu keheli'ohuto lenofokehi nolube. Lenali komopa'ni le'mo fulu nehago keke'i luse'namofihi gupisalo nominoto'ni bati huto minoto negelo'ni sipi nobube.

2 Koliti 1:11

To lenali Hu'mamofitoga lilana yanauba bati nohigo Hu'mamofihi ai'a komopa'a lamana huto yabe luto nolu etenogo lito lubuto bilenogo bona'a asaga'magihi enabagaguti lali kumu Hu'mamofihi fokehi hete enegelo bite minalabe.

1 Koliti 2:7

O'e, nani keheli bati huto lulata nohuna'a Hu'mau koyapa'i komopa'agu suguna huto keheli molo'ehina yamofihi lu huto hulata nohube. Keheli molo'ehina ka'a ya'ma bona'magita lali Hu'mamofihi fana meha'agu minalune luto koyapa'i ana'ina li huto mehina yupahi Hu'mau le'mo keta mehuse huto molo leto'ehina.

Romu 15:30

Nalalu'nigitabe, nani lenogo'na bito Sipi Boti Yesu Kilisito kumu yabe luto to ai'a Sikalafu'uba ginaga fi limise'namu yabe luto kehelilo. Lenali hiti nani hiti moneka nohune luto Hu'mamofitoga nunumu hite nani kumu le'mo amuya molobo lite yamofihi loka he netalo.

Aposolo 18:26

To ai hapi fito Yuta bona'magi kaga nupa hite lite minelata nehana noha'anigu tito ka lu hokolo huto lu epi'ehina. Ya higo Pilisilaugo Akuilaugo ka'a kehelilete noha'atitiluga le'mete bite Hu'mamofihi kapo'amu mone'a hiti lepi bati hi'aha'ina yabe.

Aposolo 4:13

Pitaugo Yoniugo etali koli mehise amuya melete kaga lu yege ha'ina enali bu ge'ahana. To etali babafi bomale'i memina'ina fa'mene bole neha'ibe lite kanisole bomagi akeheli'ahana. Ya'mu lite enali kaba kanisole bomagi enekesa yigi babu lilete ma lite akeheli'ahana, koyapa'i etali Yesuhi mege'i melete moneka mine'ahana yabe.

Aposolo 2:4

To Sikalafu'uba asaga aposolo pana enalitoga bai tago enali fato fato kaga li'ahana, ai Sikalafu'uba li enabagalo malana kaga li'ahana yabe.

Aposolo 9:29

Yuta bona'i Giliki nogo nehana bona'i hiti Soliu kaga lu noepito enali hiti kenasabo bi'ahana. Ya nohigo enali ho fililune lilete hi'ahana.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

2 Koliti 6:11

Oho, Koliti bona'ise. Komopa'ni ya'ma lenalitoga babu luto ni'ibe. To labaguti lusiga luto lu nolepune.

Efeso 3:9

To Hu'mau suguna kamofihi hapa'a ai foya'a lito li su halinamofihi hapa'a ya'ma nani'ni lu huto huto nohugo bona'i kehelilabe luto nele'mo'ehinamo ni'ibe. Ya'ma Hu'mau ana'ina silaga'i li huto hulata nohina bouba koyapa koyapa'i ana suguna ka hapa'a ai'a komopa'agu fala kito minomo buto mino'ehibe.