Efeso 5:9 - Ka Lamana'a Monoꞌi Lu Mu Tifiꞌehina Ka Yabe

⁹ Fana mehenamofihi legeya lamana'a ya huto hulata nohibe. Komopatini lamana'a hiti minose'na to fotogo huto minolatana to ka lamana'a lulatana yabe.

Efeso 5:9 Referans Kwoze

3 Yoni 1:11

Nalalu'niga, nemehi nokumuna bose, kai bona'magi enali foipana lolo nehinogomo analo enemege'i memolobo. Ana'ina lamana'a lolo nehinogomo enemege'i malalane. Luga'amagi enali nasana lamana'a lelite nebinogomo enali kumu Hu'mamofitogati huto hi'ahana yabe luto kehelilune. Luga'amagi enali foipa nasana lelite nebinogomo Hu'mamofihi hapa'a bu go fe lite bu mege'ahabe luto ya'ma kehelilune.

Romu 15:14

Nalalu'nigitabe, lenali lamana bona'i nehite to mono ka keheli fe lite to mono kaga ai lu emigo ai lu emigo hilana bati hite ya nehago yamofihi keheli ule'ale nohube.

Efeso 6:14

Lenali ya hite ho ti kibi kibi hite minalo. To gimi bona'i nehepilata gu kata legi huto lenali Hu'mamofihi hetofa kaga'a gilimitini lolo hinogo gu katatini ho bite minete to ai'a bebe sose hapa'a kefe gutini lolo hinogo bite fonokotini kaba hinogo minalo.

1 Timoti 6:11

Timotio, Hu'mamofihi foyalo pana'ase. Kai ana'ina laga mehina'a kemegesa hu emibo. Ya nohuto ya'ma mino lamana huto bati huto minoto lito huse'namofihi mono ka'a hiti minolatana, keheli ule'ale hulatana, komopaka epilata nasana, kalana'i mele ketalana nasana huto nohinogo amanapa huto minose'na enele'mo baba ise'na ya'ma molo emito minalube luto amuya malalatagihe.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

1 Yoni 2:29

Hu'mau bebe salata nohinalo nohibe lite lenali keheli'ehilanamo ya'ma to enali fotogo suhi hite minalata nehana bona'i enali Hu'mamofihi yagapana'a nehana yabe luto anokehelune.

Hibulu 11:33

Enali keheli ule'ale nehana bona'i asaga'i nehabe lite luga'amagi melugu bona'i asaga'naloga enele'mete limite enebe ligi'ahana ya'ma enegekesa lise foya lite enele'mo fotoga hite Hu'mau mina'a epilube luto lu epolo'ehina yanamofihi legeya'a li'ahana. To luga'amagi lopi kalamagi heni letalabe lite ana kalamagihi enabagalo fi hekini le'ahana ya nehago,

Efeso 4:15

Aku'i lali liginaga fi epito Hu'mamofihi kaga ma'naka luto ai lu eminogo ai lu eminogo hutoti ai latahati lolo huto nohina bo Kilisitotoga mino kikipa holototi fato fato suhi huto aitoga hofa talune.

Romu 2:4

Hu'mau bona'magihi hetofa hu epalalina hiti eniginaga filata nohina hiti ni'ina'mu kai o'e luto kemegesa hu emito nominane ya huto ni'ifihe? Hu'mau kai kumu keke'i nolu ketoto komopa'a i gelehe hilibe luto noluna yamofihi kegeba huba huba nohinaya menokehelipi? Komopaka i gelehe huse'naka yamofihi geba huto yatama kana nominabe.

Hibulu 1:8

To ya hu'ehinaya pana'amu ya'ma ma luto lu'ehinamo fayahi keye'ahanamo ni'ibe: Oho, Hu'mao. Kai kefa hisa amuya'a hiti ya'ma minomo buto minalina'mu yabe. To enali amuya'amofihi fatusa'a lito minoto enali foya hapa'alo le'mo fotogo huto kaba hulata nohane.

Efeso 4:25

To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

Yoni 1:47

Natanieliu Yesu nohinalo nobigo bu goloto ai kumu ma luto lu'ehina: Bu galo. Ma bo lusi Isilaeli meto bo faga faga menina bo nohinagihe.

Matiu 3:8

Lenali komopatini i gelehe hilete yalo etonaguti mineme binogo buto komopatini i gelehe i baga ilibe.

Kolose 3:18

Lenali ana'magita bahatinimagihi keheli epilo. Ya'ma Yesu Kilisitohi naga'i neminana ana'magi ana suhi lite nehana yabe.