Efeso 5:21 - Ka Lamana'a Monoꞌi Lu Mu Tifiꞌehina Ka Yabe

²¹ Lenali Kilisito kumu keheli emite minete ai agoya hu emigo ai agoya hu emigo hite minalo.

Efeso 5:21 Referans Kwoze

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

Efeso 5:24

Ya'mu Hu'mamofihi naga'i lali'i Kilisitohi agoya hu emilata nohunogo ana suhi hite ana'i enali baha'animagihi agoya hu epilata hilabe.

Efeso 5:22

Ana'i lenali bahatinimagihi agoya hu epite minalana yauba Sipi Bomofihi agoya hu emi'ahana ya lolo hilina'mu yabe.

1 Pita 5:5

To neheya kola bo lenali ana hite olopa bomagihi agoya hu epite limite minalabe luto lu nolepube. Ya nehite lenali asaga'i lili'namofihi kibi bite ai agoya hu eminogo ai agoya hu eminogo hite minalana nasana lite kele kele pana'a suhi hite minalabe. Yamofihi mono bukugu kaga mone fayahi keye'ahanamo ma huto ni'ibe: Hu'mamofihi ai enugufa'ani lelite tilata nehana bona'i enali lukesa'ani sigilata nohibe. To bona'i limite minana'amagihi ya'ma enele'mo hetofa huto enehe'molata nohibe.

Hibulu 13:17

Kaba botinimagihi ka'ani kehelite agoya hu epite enali enigi'aluga limite minalo. Enali ya'ma lenemehatinimofihi nasana'mu kehelite babeyafalo kaba hi lepelete le'mo fu lite neminete enabasu mebilata nehabe. Ya'ma foya'animofihi hapa'amu alihi kanalo ya'ma foya lilatana Hu'mamofihi bulo li huto hilana'mu yabe. Ya hu'ehina'mu foya'ani komopa'a le'mo bati hite lilabe linogomo agoya hi epelete ya suhi ma suhi li epalalo. To lenali pelesa ilenogomo enali keke'i nelite foya lilabe. Ya hinogo ya'ma lenele'mo bati hilina nasana lenalitoga huto mehilina'mu yabe.

1 Pita 2:17

Lenali silaga bona kumu keheli bati hite keheli epilo. To Hu'mamofihi ka keheli nehanamagitoga komopatini epilo. To Hu'mamofi kumu koli hite aitoga agoya hi emilo. To ma metoga gihiti bo'mu keheli bati hite minalo.

1 Timoti 3:4

Ai'a liha'a hiti yagapana'amo hiti legeso huto mino bati huto kaba hu epoloto enegekesa lito enele'mo bati hinogo enali kaga'a kehelite minete agoya hi emilabe.

Galesia 5:13

Nalalu'nigita, anamofihi nagalugu mone meminalabe luto elesa molo lepi'ehinamo ni'ibe. To nagalugu meminana'mu yabe lite lenugufamofihi bita hulata nohina nasanamofihi kele kele'i mehi etalo. Komopatini epilete ai he'menogo ai he'menogo hite minalabe.

1 Timoti 2:11

Ana'i enali enugufa lelite metise legeso hite minete enegekesa keheli bebe sete minete kaga kehelilabe.

1 Koliti 16:16

Ya'ma lenali ya suhi nehana bona'i hiti to enali hiti Hu'mamofihi foya lite nehana bona'i luga'a hiti enemege'i malalo.

1 Pita 2:13

Lenaliya, ma metoga nehana kaba bo fato fato'mofihi nehabe. Ya'mu lenali Sipi Bomofi kumu yabe lite koko'i hi epite minalo. Mone sipi gihiti bouba ai asaga kaba bomagihi enebege ligito minomo tito nohibe. Aimo agoya hi emilo.

2 Koliti 7:1

Nemehi lepi'ohuna nalalu'nigitabe. Hu'mau ya'ma ka lali kumu lu molo'ehina yabe. Ya'mu lali komopati to lugufati le'mo sibina hulata nasana asaga'i li he'milototi komopati gulu gulu linogo Hu'mamofitoga koli'a hiti minalune.

2 Koliti 5:11

Sipi Bomo lelesa nolinogo nohuta ni'ibe. Yamofihi keheli'ohutoti bona'magihi enegekesa lito ka lamana'a keheli emilo lu epilata nohune. Hu'mau ai hapati asaga'i bu golata nohibe. To lenali ana suhi hite hapa'ni ya'ma komopatinitu kehelilata nehafihe luto nokehelube.