Efeso 5:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ya'mu lenali minete ho hite hilana ka ya'ma kaba lamana'a hite minalo. To negi nagi nete meminalo. Keheli fe hite yanagu minalo.

Efeso 5:15 Referans Kwoze

Kolose 4:5

Enali Kilisitohi naga'i menehana bona'magihi fulu hite kehelilete bebe sana hapa'a hi epalalo. Ya hite, asaga yupahi ka lamana'a lu epise'namofihi kapo'a sa sa hite mone fa'mene meminese enehe'mete Yesuhi hapa'a enelepilo.

Yemesi 3:13

Folagahatiniguti bo moneuba keheliya ise bo to asaga hapa'a keheli su ho'ehina bo nohilina ai agoya bo minoto hapa'a lamana'a li huto hilinamofihi keheli'ehilina yamofihi hapa'a li huto hilina'mu yabe.

Filipai 1:27

Moneko'i lenali Kilisitohi ka lamana'a mege'i melete hetofa suhi lite minenogo hepite komopatini moneko hinogo hetofa kagamofihi foya'a amuya amuya melete nelinogo nani lenalitoga bu nehetilufi mebilufi lenali kumu bati ka nelinogo kehelilube.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

1 Timoti 6:9

Yogo fe'nohi babu lutobe enumu fililata bona'i enali Satau enimi'i melenogo bite Satahi kelefugu halana'mu. Ya nehite fa'menena enele'mo lolo hinogo negi nelana nasana fato fato nasana'mu enumu filinogo yanalo nuki faki nehite logo hepalugu limite naga'i lolo hilune'mu habe.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

Matiu 10:16

Lenali kehelilo. Nani lenali'i sipisipi yaga legi huto lopi kalamagihi folagaha'anigu lenoho lufube. Ya hu'ehinagi lenali ka keheliya ise osifa legi hite ana'ina lolo hilune'mu nehitemo yata'a lenekesa yigi fe liletebe. To lenali lufu namamofihi hapa'a agoya'a nina suhi lite minalo.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

Luku 24:25

Ya luto lulago Yesu ma luto lu etimi'ehina: Letaliya negi ne'aha'ibe. Koyapa'i lu huto huto bona'magi ge'ahana ka'animu letali keheli fulu hite li latahatitigu mele'aha'ibe.

Galesia 3:3

Hena'mu negi nete mine'ahana ni'ibe? Hu'mamofihi Sikalafu'mofihi kapo'alo hapi hite lelite tite bi'ahanamo yabe. Ya'ma yatai he'mite tafa kapomogu bite nehetilafihe?

Hibulu 12:25

Lenali ka'a lu lepilata nohina ya'ma keheli mehe'mise kaba hite minalo. Koyapa'i Moseu ya'ma metoga minoto Hu'mamofihi ka'a mone lu epigo ka futu'a yabe lite he'mi ete'ahana bona'i enalitoga ana'ina enoho fililabe noligo koli'a hiti huto hu epi'ehinamo ni'ibe. Ya hu'ehinago yatai ya'ma kokulumagu minoto ka'a lipoti lu nolimina bo ai ya'ma lemegesa hu emitoti hena hena hinogoti lemehi mebinogo minalune?

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Efeso 5:33

Ya hu'ehinaya ya'mu bona'i lenali silagatoga yamofihi lenugufatini'mu kehelilata nehana ya suhi hite lihatinimagi kumu kehelite leniginaga fi epilo. To ana'i lenali silaga'i ya'ma bahatinimagihi enigi'ani le'mo saga hite minalo.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Galesia 3:1

Oho, Galesia bona'ise. Negi nagi'a lenali ya'ma ki'afu lenele'mo gopa napa hu'ehigo Kilisitohi ka lamana'alo ahe'mi'ahabe? Nani Yesu Kilisitohi malipu yafalo hago fili'ehinamofihi babeyafa'a lolo huto lu lepi'ohugo lenubutu bu go akutete bu ge'ahanamo ni'ina. Henabe luto aitogati he'mi'ahabe?

Matiu 27:4

Ya huloto ai lu epi'ehina: Nani foipana ameni'ina bomofihi yato li lepiloto'ni nani'ni foipana li nubufalo molo'ohube. To ai fililina'mu yabe. Ya luto ligo enali li'ahana: Ya lalinati meni'ibe. Ya'ma kai'naka ni'ibe.

Matiu 25:2

To nayahi mone kegi'a su hana yafana'i enali enekesagu fe melina yafana'i yabe. To nayahi luga kegi'a su hana yafana'i enali enekesagu fe lu'ehina yafana'i yabe.

Efeso 5:2

Ya nehite asaga bona kumu leniginaga fite minalo. Kilisito ai ana huto lali kumu yabe luto ginaga fito gufa'a sibi he'mi'ehina yamofihi Hu'mamofihi kuguhi koyo eminogo Hu'mau tu'a keheligo bati hu'ehinagihe.