Efeso 5:13 - Ka Lamana'a Monoꞌi Lu Mu Tifiꞌehina Ka Yabe

¹³ To huto hulata nasana yauba fana nototo asaga'namofihi okaba'a le'mo huto nohinana ni'ibe. To ya'ma le'mo huto hu'ehinamofihi lusi hapa'a fana mehena hiti'na lolo nohigo bu galune.

Efeso 5:13 Referans Kwoze

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

Hibulu 1:13

Hu'mau ai'a pana'amofihi lu emi'ehina ka'a ya'ma agelo mone'i ai ya'ma luto lu emilina'a meni'ibe: Kai oto lamaga'niga mino lito buto nohitogo fatehaka enele'mo tulu hinogo kigigusa'aluga minalana'mu yabe.

Efeso 5:12

Ana'ina suguna'i hite nehanana yamofihi enubuya hulatana ni'inagihe. Yamofihi kaga melilune.