Efeso 5:11 - Ka Lamana'a Monoꞌi Lu Mu Tifiꞌehina Ka Yabe

¹¹ Luga'amagi metepunagu to futu'a lolo nehinogomo enali hiti mino mehepilo. Lenali ya'ma ananamofihi'ya li fana tete li hokolo hi etalo.

Efeso 5:11 Referans Kwoze

Romu 13:12

Yatai kana'a sinihi gise suhi huto ni'ina ma'asi su halibe. Kokulumalugu go'i lilina'mu yabe. Lali foipana nohutana metepuhi nasana li he'mi su halune. To go'i lulenogomo lali gimi gito Sataha naga'i hiti lugufati foipana nohinana'a hiti luba hilune.

1 Timoti 5:20

Bo moneuba foipana linogomo luga'amagi enali kehelilete enelesa linogo foipana li lalibe luto bona'magihi enogobisalo lu huto huto le'mo bebe salane.

2 Tesalonika 3:6

Lalalutigita, Sipi Boti Yesu Kilisitou kaga'agu ya'ma lili'na ka'a lu nolepune. Kilisitohi bona'i luga'a lali ka lu lepi'ohutana he'mite neminete to lili'na melise fuli neminete nehanogo, enali hiti humofa'na hite meminalo.

Romu 16:17

Nalalu'nigitabe, lenegekesa lito'ni lu nolepube. Bona'i mone'amagi Yesuhi naga'a loko hilune'mu to keheli ule'ale hise'namu li sibina nehanamofihi kaba hu bati hilo. Nani kaga lepi'ohunanamofihi le'mo sibi saba hilata to hetofa mono kaga keheli he'milata nehana yabe. Lenemegesa hi epilo.

Huto Hilina Ka 18:4

Ya luto lulago kokulumaguti nogo mone ma luto limigo keheli'ohube: Yagapana'ni lenali ana nohi hepa'i ya'ma he'milete alo. Aitogati alo. Yalo minete ya hepa'mofihi foipa nasana le'mo bati hi lalagi. To lose lose nasana'a lenalitoga imo o laligi.

Taitasi 2:15

Kaga ya'ma lu nokumuna yamofihi lu enelepilata huto minobo. To bona'i enali kai kumu fa'mene bo nohibe lite li lalagi Hu'mau amuya'a hiti molo keto'ehina bo'amaka enegekesa lito sibina nehinogomo ka epekito enele'mo bebe soto hubo. To bati nehinogo kai bebe sose ka lu epito komopa'anigu enele'mo amuya molobo. To kai kumu kehelinogo notinogomo kebe meligino.

2 Tesalonika 3:14

Ya'ma fayahanagu ka'a koyoto noleputa ya'ma moneuba pelesa ito he'minogo ai hapa'amu kehelite yamofihi he'mi etenogo ai'ago minoto buya'amu filino.

Romu 6:21

Koyapa'i ya hite foipana li'ahanalo yatai lenubuya nohibe. To ya'ma hi'ahananauba lenele'mo bati hu'ehifihe? O'e. Ananauba lenele'mo sibina hu'ehinaya to filise kapolo lenele'mo malalibe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

2 Timoti 3:5

Ya hilete ya'ma mono'mofihi bu ganamofihi gufa'a lolo hilinaya aku'i lusi mono'mofihi amuya'a hiti ya'ma hapa'amofihi mekehelise analo enemegesa hi emilabe. Ya hilete minenogo enalitogati he'milotoka kemegesa hu epibo.

Galesia 6:8

Mone'a enali tafa komopa'anilo kehelite tafa komopa'animofihi foya ya'ma fililatana li huto hilana'mu yabe. To mone'amagi enali Sikalafu'mofihi foya lilana enali minete Sikalafu'mofihi legeya'a enemehi mefilise mino kosaba huse nasana lamana'a lilana'mu yabe.

1 Tesalonika 5:7

Enubu'i kelata nehana bona'i enali sinihinaga enubu'i kelata nehabe. To amuya nagami'i nelata hite negi nenalana bona'i enali sinihinaga nete nehabe.

Luku 3:19

To ya hu'ehina Yoni Helotihi yata'a gamani bo'aniuba babu foipa faipana huto to Helotiu go'afihi liha'a lito gi'a Helotiasi aitoga hu'ehinana'mu Yoniu ya'mana'mu ka emeki'ehina yabe.

Efeso 5:7

Ya'mu lenali bona'i ya hana'a hiti mino hepite meminalo.

Efeso 4:22

Tafa lenemehi hite minete lite hago to lenugufa yauba faga hite luto lenimi'i mololata hu'ehinamo ni'igo lenali koyapa komopatinimofihi sibina hi'ahana. Ya hu'ehinagi tafa komopatini he'milo.

Matiu 18:15

To bonaka moneuba kaga foipa'a lu keto'ehinogomo kai bitogo letalititisigo nehitetiti ana foipana'a lepibo. Letali letugufatitigu fala kite ya'mana kaga lu koguna iliyo. To kagaka keheli kiminogomo kalalukafihi ale'mo fulu hu'ahane.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Efeso 5:12

Ana'ina suguna'i hite nehanana yamofihi enubuya hulatana ni'inagihe. Yamofihi kaga melilune.

Kolose 1:12

Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

1 Timoti 5:22

Bona'i luga'a enali kumu mono foya lilabe luto li aku metose lataha'anilo kayahi moloto lusa gi epalane. Enali foipanauba kai kugupisalo ti laligi kaika komopaka kegekesa kaba hitogo komopaka gulu gulu linogo minalane.