Efeso 4:32 - Ka Lamana'a Monoꞌi Lu Mu Tifiꞌehina Ka Yabe

³² Lenali komopatini fulu hinogo ai ginaga fi emigo ai ginaga fi emigo hite minalo. Hu'mau ai'a Kilisito kumu yabe luto foipanatini li he'mi lepolo'ehinamo ni'igo lenali ana suhi hite foipanatini ai li he'mi etenogo ai li he'mi etenogo ihe'ma ahe'ma hite minalo.

Efeso 4:32 Referans Kwoze

Maki 11:25

To numuna hilube'mu nohutoka to bo moneuba koyapa sibina mone hu keto'ehina'a ni'inogomo kai ya'ma hu'ehinana komopakaguti li he'miloto komopaka fulu hino. Ya nohutoka numuna hilane. Kai ya huletogo kokulumalo Afokafu Hu'mau ana huto kaika foipanaka he'mi ketoto kaitoga komopa'a fulu hilina'mu yabe.

2 Koliti 2:10

Lenali bo mone'mofihi foipana'a li pa so etelago nani ana huto li pa so etolata nohube. Ai'a foipana'a lu huto hu'ehina ya'ma li huto hu neto'ehina ni'igo ya'ma pa nosobe. Ya hu'ehina lenali kumu kehelito Kilisitohi bulo ya'ma

Efeso 5:1

Lenali Hu'mamofihi yagapana'a laga besi'ehinana'a lolo hite nehanagi ai babeyafalo minalo.

Luku 6:35

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

Luku 6:37

Lenali bona'i enele'mo yegelo memelenogo Hu'mau ana huto lenele'mo yegelo memalalibe. To lenali bona'i enifisa fato fato meinogo ya hinogo Hu'mau lenali'i lenifisa fato meilibe. To lenali bona'i foipana'a hu lepololenogo li he'milanaya Hu'mau ana huto foipanatini li he'mito pa so lepalalina'mu yabe.

1 Koliti 13:4

Eniginaga fise nehilana bona'magi enipakafa mehese agoya hite minalune'mu habe. Enali siko mehise enali'ani'mu kehelinogo metinogo enali'ani enigi'ani lelite metilana'mu li saga mehilune'mu habe.

Luku 17:4

To sebeni'a yupahi moneko yegegu foipana huloto sebeni'a yupahi kaitoga oto ma luto lu kimilibe: Nani yatai komopa'ni i gelehe nohube, ya lulenogomo kai yalo foipana'a li he'mi etobo.

Matiu 6:12

To kai foipanati li he'mi letobo, to lali ana huto bona'magi foipana nehiletana li he'mi epalalune.

1 Yoni 2:12

Lenali pa'ni pana'ni nehanamagita, Yesu Kilisitohi gi'alo yabe luto foipanatini li he'mi lepolo'ehinamo ni'ibe. Ya huto ni'inagi fayahi ya'ma koyo nolepube.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

1 Yoni 1:9

Ya hu'ehinaya to foipanati Hu'mamofitoga lu huto nohunogomo ai eto'ehina bo to faga melulata nohina bouba ai ka'a beto huto'a foipanati nokala huto asaga foipanati li he'mi leto su halina'mu yabe.

2 Koliti 2:7

Yatai ya'ma boya komopa'agu sibina hinogo mono'i he'mi su ho lalibe lite foipana'a pa so etete le'mo bati hilo.

Yemesi 5:11

Keheli'ahafihe? Enali ule'ale hite lite mine'ahana bomu'i ya'ma Hu'mau lusa gi epolo'ehina bo yabe, luto lulata nohune. Koyapa bouba Yopu ai keke'i luto minoto kosele'i mehago mino'ehina'a akeheli'ahabe. Aliha'a ya'ma Sipi Bouba ana'ina lamana'a molo eto'ehina ya'ma akeheli'ahabe. Yana'mu Sipi Bouba lalitoga ginaga fito bu goloto komopa'a limito lele'mo hetofa hu letalinamo ni'ibe, luto kehelilune.

2 Koliti 6:6

Ya huto nominotaya komopati besa lago nohuto kehelise'na minoto komopati fulu higo minoto lalalutigihi noenehe'motogo Sikalafu'i hiti minoto komopati bati huto epilata nohune.

Luku 11:4

Kai foipanati li he'mi letetogo lali ana huto asaga bona'magi foipana nehi letana li he'mi epalalune. To kai sipi fi taga huse'nagu lele'mo memolobo.

Luku 1:78

To afotifu Hu'mamofihi fuluna hiti keke'i luse'na hiti ya'mana nohibe. Ai kokulumalugu fana tose'na lali kumu'i huto hilina yana'uba lehe'moto ana huto bona'i luga'a filise'namofihi metepugu nehana'a ya'ma enele'mo fana talina'mu yabe. To ai fulu kapogu lele'moto bilina'mu yabe. Sekalaiyau ya luto nama lu'ehina yabe.

2 Pita 1:7

Hu'mamofi kumu keta mehise agoya hu emilata hite neminana enali hepite koguna ite minolata nehana yamofito molo emilabe. Hepito koguna ite minolatanamofihi yalo'i komopatini hiti epite keke'i luse'na'alo molo emilabe.

Aposolo 28:2

Ya'mana hepato boana'magi hetofana hite lele'mo bati hi'ahana. To ko'i ilube'mu nohigo yasi higo logo gelete asaga'i lele'mete ana logolo laba hulago lota hu'ohuta yabe.