Efeso 4:29 - Ka Lamana'a Monoꞌi Lu Mu Tifiꞌehina Ka Yabe

²⁹ Huli ka mone lenabagaguti mone melilo. Kaga lamana'a lite ai he'menogo ai he'menogo hilana kapomo sa hi lepalalana ka linogo enali katini kehelilana bona'i luga'a keheli bati hinogo enele'mo bati hilanagihe.

Efeso 4:29 Referans Kwoze

Kolose 4:6

To lenali kaga nelanaya ka laga'a hiti fulu'a hiti lite neminenogomo enali ka kehelilabe. To enali mone kaga lenoloka nehenogomo ka'anilo nona'a bati hite aku'i lu epilabe lite kehelilo.

1 Tesalonika 5:11

To ya huto ni'igo lenali komopatini ai eminogo ai eminogo hite minete to ai he'menogo ai he'menogo hite minete amuya melenogo yanauba lenemehatini hofa toto tinogo bati hite lilata nehana ya suhi hinogo lelite bite minalabe.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

1 Pita 2:12

Ya nehite Hu'mamofihi mekeheli'ahana bona'magihi komopa'ani legi mehinogo mino eto hite minalo. Ya hite nehinogo Hu'mamofihi mekeheli'ahana bona'magi kohe tete lenali kumu foipana lilata nehana bona'i nehabe lite lenifisa ite aku alihi to lenali bite folagaha'anigu minenogo to hapatini bati hinogo enali bu negenogo yata'a kehelise'na'ani he'mite lenali kumu Hu'mamofihi fokeha'a lilabe. Yesu Kilisitou nehetilina kanagu ya hilana'mu yabe.

Luku 4:22

To enali gi'a liyafa hilete kaga hetofana baga'aguti lina'mu enekesa yigi babu li'ahana. Ya hilete'ani enali li'ahana: Ma bose, ya'mana pana'iba Yosefehe pana'mo nohifi fato pana'i nohibe?

1 Pita 3:1

To ya higo ana'magita lenali ana hite bahatinimagihi agoya hi epite minalo. To bahatini Hu'mamofihi kamu'i mekehelise minelata nehana ya nehinogo komopa'ani enele'mo keta mehuse hilabe lite agoya hi epite minalo. Lenali ya hite mineletetini ka lu meepise fa'mene komopatini bati hinogo minenogo enali bu lenegelete Hu'ma ma'naka luto lenalitoga nominabe lite kehelilabe. To bahatinimagi ya'ma lenali komopatini gulu gulu linogo bati hite minete nehago kehelite enali komopa'ani i gelehe hite Hu'mamofihi kaga kehelite ananalo mege'i malalabe.

Efeso 4:16

Lali ya huto aitoga hepito minenogo ai kaba hu noletabe. To lali gumita'a fato fato nekisa'a moneko moneko nominenogo, ai fato fato nagatu lele'mo hepilago moneko gufa'a lolo huto nominone. To lali ya huto nohutogo fato fato nekisa'a lili'na'a li bati bati hulata nohigo ai ginaga fi emigo ai ginaga fi emigo huto nohigo gufa'a asaga'i moneko huto amuya moloto hofa notabe.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.

Romu 14:19

Ya hu'ehina'mu lenali bonaloga fulu huse'namofihi nasana'mu le'mo saga hino. Lenali ya hite bonatini enehe'mago ai le'mo amuya melenogo ai le'mo amuya melenogo hite bati hite minalabe.

Romu 15:2

To bona'i keheliya meina'a keta epesilina nasana yamofihi lenali enele'mo bati hilo. Bonatinimagihi lenogotinifihi suhi huto nohigo Kilisitotoga enele'mo hetofa hite amuya melenogo ya bati huto huto hilina'mu yabe.

Yoni 1:37

Loe pana'alobomale'i Yoniu ya luto lina'a akehelilete Yesuhi mege'i lifite bi'aha'ina.