Efeso 4:24 - Ka Lamana'a Monoꞌi Lu Mu Tifiꞌehina Ka Yabe

²⁴ To kosaba lenemehi li hepite minalo. Hu'mamofihi eto'ehina mehi to fotogo hu'ehina mehi tegi hite kosaba lenemehi hepite lolo hilo.

Efeso 4:24 Referans Kwoze

2 Koliti 5:17

Ya hu'ehina'mu bona'i moneuba Kilisitotoga hepiloto molo emi'ehilina ai yuhufana lolo nohilibe. Tafa hapa'a su ho etolago kosaba hapa'a ahuto hu'ehilina yabe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Romu 13:14

Lenali lenugufaluga laga besise'namofihi foipa nasanamu'i lenegekesa yigi yigi mehite ananamofihi le'mo laba hilo. Sipi Boti, Yesu Kilisitohi helegu'i lite ya suhi hite neminana bona'i lenali li so kite aitoga minete ule'ale hite minalo.

Efeso 6:11

To Satau ai suguna'i lenimi'i malalube'mu nohinogomo lenele'mo sibina hu lalibe luto Hu'mamofitogati gimi mage'i luba nasana asaga'i li lenayanugu melelete minete kaba hite minalo.

Romu 6:4

To Yesu Kilisito fililago keli he'ahana suhi luto moneko'na hilune luto nagami'i folo'ohune. To ana huto afotifihi hetofa amuya'auba Kilisitohi fili'ehinagati le'mo ho ti'ehina supo huto lali yuhufa hapati huto minalune luto nagami'i folo'ohune. Nagami'i folose hapa'a ya huto ni'ibe.

2 Koliti 3:18

Lali ya'ma logobisati aitoga ifi toto sa megi'ehinogo Sipi Bomofihi fana meha'a gapo gapo'i legitanagu bu galata suhi huto Sipi Bomofihi fana meha'a bu goto nohutogo ai fana meha'auba fi fana to letoto lele'mo gelehe higo Sipi Bomofihi suhi lolo huto nohuta yabe. Ya'ma Sipi Bomofihi Meha'a ai ya hu letalata nohibe.

2 Koliti 4:16

Lali ya hu'ehina'mu yabe luto kosele'i kasele'i mehone. Lugufati lagabu'i gilata nohinaya kana'amu kana'amu komopatigu lele'mo amuya hulata to kosaba'i asaga yupahi limilata nohibe.

Romu 13:12

Yatai kana'a sinihi gise suhi huto ni'ina ma'asi su halibe. Kokulumalugu go'i lilina'mu yabe. Lali foipana nohutana metepuhi nasana li he'mi su halune. To go'i lulenogomo lali gimi gito Sataha naga'i hiti lugufati foipana nohinana'a hiti luba hilune.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

1 Pita 2:2

He'mi su hete yagapana'i ya suhi hite lenali Hu'mamofihi hetofa kaga'muko lepesinogo minalo. To yamofihi nemebite Hu'mamofihi ka'a hiti minete hofa talabe. To Hu'mau foipana nagaluguti lenele'mo gulu halibe.

Romu 8:29

Hu'mau fuku lu'ehina bona'i enali'i pana'a Yesu yabe moneko babeyafa hite gona'a lolo huto minalabe luto Yesu yege'a pana'i minoto naga'a enele'mo molo'ehina yabe.

Yoni 17:17

Ka lamana'a ya'ma komopa'anigu limilina'a yamofitu enele'mo eto hubo. Kai kaka ya'ma lamana'a ni'ibe.

Galesia 6:15

Lugufalo Hu'mamofihi keya'i laga hu'ehina ya ni'ifihe? Laga mehu'ehina ya ni'ifihe? Yamofihi ya'ma lamana'a meni'ibe. Kosaba lemehati hiti minaluta nasana moneko'isi lamana'a ni'ibe.

Galesia 3:27

Mono nagami'i felelete Kilisitotoga molo emi'ahana silaga'i Kilisitohi legegeto suhi molo emite hepi'ahana.

1 Koliti 15:53

Lugufa ya'ma fulupa ito tuguma'i bilata nohina nasanauba amuya moloto minolata nohina nasana ya'ma gukete suhi huto lito i gololo tilube'mu hibe. To filise'namofihi lolo hu lalutigi minoba minoba nasana lito i gololo bilibe.

Efeso 2:15

To ai Kilisitou Yuta bona'magihi keya kamofihi komopa'agu ya'ma lilo melilo lite fato fato ka li'ahanamo ya'ma pa salube luto ai'a gufa'a nohe'mito fili'ehigo ana ka su ho'ehina ni'ibe. To ya huloto lali loe bona'i fatehi mino'ohuta bona'i kosaba naga'i moneko lele'mo huto huloto aitoga lele'mo hepilago lali fulu huto koguna ito nominota ni'ibe.

Hibulu 12:14

Lenali bona'i asaga'i enali hiti koguna ite minalune lite nelite to komopatini hepinogo mino eto hite minalune litemo amuya malalo. Komopa'ani kolo tago nehilana'amagi enali Sipi Bomofihi be megalana'mu yabe.

Hibulu 1:8

To ya hu'ehinaya pana'amu ya'ma ma luto lu'ehinamo fayahi keye'ahanamo ni'ibe: Oho, Hu'mao. Kai kefa hisa amuya'a hiti ya'ma minomo buto minalina'mu yabe. To enali amuya'amofihi fatusa'a lito minoto enali foya hapa'alo le'mo fotogo huto kaba hulata nohane.

Luku 1:75

Ai bu'alo foipana melise minalutaya hetofana huto minoba minoba hiluta'mu yabe. To Sekalaiyau pana'a kumu ka mone hiti ma luto lu'ehina:

Romu 7:6

To yatai keya ka nagaluguti Hu'mau gulu ho leto'ehina. Lali koyapa hapa'a keya kalugu koyo'ehinamofihi hapa'amu fili'ohuto yuhufa hapati li moloto nohune. Koyapa keya kamofihi foya'amo melise nohuta yuhufasi Sikalafu'i mege'i moloto foya'a nolune.

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

2 Pita 1:4

Ya huloto ai kaga lu molo leto'ehina'a hetofa hetofana'a to mina'a ti'ehina'a ya'ma limi'ehina yabe. Ya huto limigo legeya'a lalitoga huto hilenogo melugu bona'magihi enegekesa'ani enugufa'ani laga epesise kapolo mege'i nemalana anamofihi fililata kapolo lenali lenemegesa hu emite to Hu'mamofihi hetofa hapa'a, ya'ma babeyafa hite minalabe.