Efeso 4:21 - Ka Lamana'a Monoꞌi Lu Mu Tifiꞌehina Ka Yabe

²¹ Lali Kilisito kumu ma'naka luto lu lepi'ohuto ni'ibe. To lenali ai'a mege'i nemalana bona'i nehitetini Yesu lamana huto nominana hapa'a lusiga luto keheli'ahanamo ni'ibe.

Efeso 4:21 Referans Kwoze

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Kolose 2:7

Lenali yaga legi hite minete aitoga lufusatini limite bati hite tiba tiba hite amuya yafa lolo hilo. To Hu'mamofihi kaga yata'a lu lenelepi'ohunana amuya melete keheli emiba emiba hite minalo. To Hu'mamofitoga lenegelo bite komopatinigu sabiyana bai tenogo minalo.

Yoni 14:17

Noto noto bona'magi ai'i bu megelata to mekehelilata nehite ana Sikalafu enalitoga melimilina'mu yabe. To lenali ai'i kehelilata nehabe. Hena'mube? Ai lenali hiti moneka minoto komopatinigu huto nohibe.

2 Koliti 11:10

Kilisitohi ka lamana'a komopa'nigu ni'igo lama'naka nolube. Ana suhi hulata nohuna nugufa le'mo napa huto hu tegi huto noluna kapo henana'mu Akaiya kapotiniguti mone fi hekini melalana'mu yabe.

2 Koliti 1:20

Hu'mau lu limi'ehina ka'a fato fato'mofihi ya'ma ai'a kago legeya'a holata nohibe. Yana'mu ya'ma Hu'mamofihi fayaha'a mino baga ito nominabe, luto Yesu yabe luto lama'naka luto Hu'mamofihi fokehi lulata nohune.

Yoni 14:6

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

Yoni 10:27

To sipisipi yaga'nimagi nogo'ni kehelilata nehabe. Nani enali kumu keheliya igo nemege'i mele'ahana.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.

Luku 10:16

Yesu koko panana'amagihi ma luto lu epolo'ehina: Bo moneuba katini keheli lepilinaya nani'ni ka keheli nimilibe. To bo moneuba megesa hu lepilinaya nani'i megesa hu nimilina'mu yabe. To bo moneuba nani'i megesa hu nimilina aiya noho lifi'ehina Bomofihi ya'ma Hu'mamofihi megesa hu emilina'mu yabe.

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Romu 10:14

Ya lutomo ni'igo enali Hu'mamofitoga komopa'ani memele'ahana bona'magi hiya hite aitoga kehe ilabe? To enali kaga'a mekeheli'ahana bona'magi hiya hite aitoga keheli amuya malalabe? To bo moneuba ka lamana'a lu meepilenogo hiya hite ana kaga'a kehelilabe?

Efeso 2:17

Ya huto foto'i mine'ahana fegutoga bona'i lenali to lebato'isi gegisagu mino'ohutamo Yuta bona'i lali asaga'i fulunamofihi kaga ka lamana'a lu yege hoto limigo keheli'ohune.

Kolose 1:5

To lenali Hu'mamofihi hetofa kaga, ya'ma ka lamana'a lenalitoga kohe toto o'ehina kanaguti Hu'mamofihi bati hina'a kokulumaga molo lepolo'ehina'a alihi lilune lite bu mege'ahana'mu geba hite neminabe.

Kolose 1:6

Ana ka lamana'auba lenali keheli'ahana kagauba buto asaga melugu bonatoga nehetito i futili huto enele'mo bati nohina yabe. Ana kaga hapa'a ma ni'ina. Hu'mau foipa bona'magihi enele'mo bati hulata bo nohibe. Lenali yata'a kehelite komopatini i gelehe hi'ahana supo hite fato fato bona'magi yatai ana hite hetofa kaga'a kehelite neminago Hu'mau lusa gi epololata nohibe.