Efeso 4:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Aku'i lali liginaga fi epito Hu'mamofihi kaga ma'naka luto ai lu eminogo ai lu eminogo hutoti ai latahati lolo huto nohina bo Kilisitotoga mino kikipa holototi fato fato suhi huto aitoga hofa talune.

Efeso 4:15 Referans Kwoze

1 Yoni 3:18

Palala'ni pana'nimagitabe. Lali komopati Hu'mamofi hiti lalalutigi hiti noepito ya'ma kagatuko to labagagutiko melilune. Komopatiguti layatuko to labagatuko luto moloto hilune.

Efeso 4:25

To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.

Efeso 2:21

Ya huto ai nohi asaga'i lele'mo ule'ale higo i ke'moto buto lamana nohi Sipi Botimofihi yabe luto minomo buto sipi huto hiluta nohibe.

Efeso 1:22

To Hu'mau asaga'na Kilisitohi maha'alugu li nupa huto molo epoloto ai Hu'mamofihi keheli'ohuta bona'magihi kaba boti minalibe luto latahati le'mo lolo hu'ehina yabe.

1 Pita 2:2

He'mi su hete yagapana'i ya suhi hite lenali Hu'mamofihi hetofa kaga'muko lepesinogo minalo. To yamofihi nemebite Hu'mamofihi ka'a hiti minete hofa talabe. To Hu'mau foipana nagaluguti lenele'mo gulu halibe.

Romu 12:9

Lenali leniginaga fise'namu fato bona'mofihi leniginaga fi emite lusiga lite komopatini emilo. Foipa faipa huse'namofihi hapa'a lagati melebesibe lite lenemegesa hu emilo. Ya hite, asaga lamana huse'namofihi li pili kete mineme bite minalo.

Yoni 1:47

Natanieliu Yesu nohinalo nobigo bu goloto ai kumu ma luto lu'ehina: Bu galo. Ma bo lusi Isilaeli meto bo faga faga menina bo nohinagihe.

Efeso 5:23

Kilisitou ai bona'magita latahati lolo huto minoto lele'mo nupa huto kaba hu letoto nohina suhi luto bona'magi liha'ani kaba hilabe. To Kilisitou lali ya'ma gufa'a nohutogo ai'asigoko lubuto bilata bo nohibe.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

2 Koliti 8:8

Nani lenogo'na bito melu'ohube. Mono ka nekehelina bona'magihi luga'aga ana foya'mu babahi hi'ahabe. Yamofihi lu lepinogo'ni lenali enehe'mose'na legege hite ya'ma huto ni'inamofihi hapa'a huto hilibe luto nolube.

1 Koliti 11:3

To kaga mone linogo'ni kehelilabe, kehelilo. Bo ya'ma ana'magihi afo'anigita nehabe, to Kilisito ya'ma bomagita afotinifu nohinagi to Hu'ma ya'ma Kilisitohi afo'afu nohibe.

Efeso 1:4

Ai ya'ma koyapa kana me'mofihi ana'ina huto mehu'ehigo nani naga'i lolo hilabe luto lele'mo'ehibe. To lali kumu yabe luto Kilisitou ho lifinogo lele'mo eto hinogo foipanati meminenogo to sibina mone laliti meni'igo gobisalo minalabe luto lele'mo'ehina yabe.