Efeso 3:9 - Ka Lamana'a Monoꞌi Lu Mu Tifiꞌehina Ka Yabe

⁹ To Hu'mau suguna kamofihi hapa'a ai foya'a lito li su halinamofihi hapa'a ya'ma nani'ni lu huto huto nohugo bona'i kehelilabe luto nele'mo'ehinamo ni'ibe. Ya'ma Hu'mau ana'ina silaga'i li huto hulata nohina bouba koyapa koyapa'i ana suguna ka hapa'a ai'a komopa'agu fala kito minomo buto mino'ehibe.

Efeso 3:9 Referans Kwoze

Kolose 1:26

Ana suguna ka koyapa bona'magihi lu meepise mino'ehinaya to yatai lali aitoga komopati nobina bona'magi kumu lu hokolo hu noletabe. To lenali fegutoga bona'i aitoga neminamagi kumu lu hokolo hu lepalalibe. Ana suguna ka henana ni'ibe? Ma ni'ibe. Kilisitou lenali komopatinigu nominenogomo lenali Hu'mamofihi fana meha'agu minalabe.

Matiu 13:35

Ai lu huto huto bo moneuba ma luto kaga lu'ehinamofihi mana ka'a huto hilibe'mu yabe: Nani kaga lu noepito'nimo bame kagutigo liluna'mu yabe, Kaga koyapa'i me'mo li huto huto molo'ehina yana kanaguti fala kito minomo tito oto yatai kana'alo hiti nina nani lu lepiluna'mu yabe.

2 Timoti 1:9

Hu'mau ai'a bona'a lolo huto mino eto huto minalune luto lubuto biloto elesa molo limi'ehina. Ya higo minoto lito hu'ohuta ya'ma lamana foyafi lamana hapatifi ni'igo yana'mu lubuto bi'ehinamo ni'ifihe? O'e, ya huto meni'ibe. Ai'a komopa'atu kehelito lehe'mose'na'atu fi hetofa hu leto'ehina. Ai koyapa'i me'i le'mo huto mehu'ohuto'a Yesu Kilisitohi naga'i lolo hilabe luto lu limi'ehinamo ni'ibe.

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

Huto Hilina Ka 4:11

Sipi Boti Hu'ma laliti nohane. Kaisigo ana'ina silaga'i li huto huto molo'ahata to kai kagakalo ana'ina li huto hu su holoto nohane. Ya'mu kai hetofanaka ni'igi lali yagapanakamagita fana mehaka le'mo saga hino luto Kigikalo to amuyakalo le'mo ho tite le'mo bati hinogo minalina'a huto nohane.

Taitasi 1:2

Nani ka lamana'amofihi hapa'a ma luto ni'ibe. Hu'mau faga meluse bomofihi koyapa'i me'i hiti kokuluma hiti huto mehu'ehina kana'alo ya'ma amuya lemehi fi hetofa hu letalube luto mino kosaba huse'na lelepito lu'ehina fifa ito minolata nohune.

1 Timoti 3:16

Lali mono'mofihi suguna ka fala kito mino'ehina yamofihi legeya'a Yesuhi hapa'amu lite lu huto hilata nehana yamofihi koli'a hiti nasana ni'ibe. Kilisito kumu ma luto nokehelune. Ai ya'ma lali lugufa lolo huto li huto hu'ehina. To Sikalafu'uba ai hapa'a li huto higo fu ligo mino'ehina keheli'ohune. To agelo bona'magi ai'i be ge'ahana. To noto noto bona'i folagaha'anigu ai'a ka'a lu yege hago enali keheli su he'ahanamo ni'ibe. Melugu bona'magi ai kumu kehelite amuya mele'ahana. To kokulumamofihi fana meha'alo Hu'mau le'moto ti'ehina yabe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

2 Tesalonika 2:13

Lalalutigita, Sipi Bouba mehi lepi'ehina bona'ise. Hu'mau lenele'mo eto hu'ehina'mu luto lenali kohe toto lenubuto bilube luto Sikalafu'uba amuya'a hiti komopatini le'mo bati huto bona'ni lolo hu epalalube luto ligo hetofa kaga'agu bite i ke'me'ahago yana'mu lenali kumu asaga yupahi Hu'mamofihi legelo bilata nohune.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.

Efeso 1:4

Ai ya'ma koyapa kana me'mofihi ana'ina huto mehu'ehigo nani naga'i lolo hilabe luto lele'mo'ehibe. To lali kumu yabe luto Kilisitou ho lifinogo lele'mo eto hinogo foipanati meminenogo to sibina mone laliti meni'igo gobisalo minalabe luto lele'mo'ehina yabe.

1 Koliti 2:7

O'e, nani keheli bati huto lulata nohuna'a Hu'mau koyapa'i komopa'agu suguna huto keheli molo'ehina yamofihi lu huto hulata nohube. Keheli molo'ehina ka'a ya'ma bona'magita lali Hu'mamofihi fana meha'agu minalune luto koyapa'i ana'ina li huto mehina yupahi Hu'mau le'mo keta mehuse huto molo leto'ehina.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Yoni 10:30

Afo'nifu hiti nani hiti moneko babeyafalo nohu'ibe.

Yoni 5:19

Ya hago Yesu lu epi'ehina: Nani ma'naka lu nolepube. Pana'uba nasana ai ekesaguti mone li huto hulata menohibe. Yata'a afo'afu lolo higo bu goloto lolo hulata nohibe. To afo'afu lolo hulata nohina suhi Pana'auba ana suhi lolo hulata nohibe.

Yoni 5:17

Ya nehago Yesu lu epi'ehina: Nani afo'nifu asaga kanagu lili'na lilata nohinago nani ana huto lili'na lilube.

Luku 24:47

To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.

Matiu 25:34

Ya hinogo'ni kibina bouba ai oloto nayahi lamaga'niga nehana bona'i ma luto lu epilina'mu yabe: Lenali alo. Afo'nifu lenele'mo bati hilibe. Koyapa'i ai kokuluma hiti me'i hiti lolo hu'ehina kana'alo Afo'nifu kapo'a li hokolo hu lepolo'ehina kapo lenali ete tilo.

Matiu 10:27

Kaga nani sininugu lu nolepuna lenali yegelo lu epilo. To kaga fulu huto lenalitinigo lu nolepuna lenali nohi lataha'alo ho ti'ehite lu yege he epilo.

Huto Hilina Ka 17:8

Kai akafu yagakafamo bu go'ahata ya'ma koyapa'i bu hiti mino'ehina yatai ya'ma menohibe. Alihi ma'isi ya'ma keliguti ho tito tiloto buto minoto ho fililina'mu yabe. Ya'ma metoga bona'i enali bu gelete topa hete minalabe. Enigi'ani melugu huto mehu'ehina'aga ema amuya bame tame hite nehana bona'magihi enigi'ani keye'ahana bukugu keyete memele'ahana bona'magihi ya suhi topa halune'mu habe. Hena'mube? Ya'ma akafu yagakafa koyapa'i mino'ehinamo yatai menohibe. Aku'i minoto ya'ma i gelehe huto alube'mu hibe.

Huto Hilina Ka 14:6

Agelo mone ya'ma ifo muyaluga ilege hoto nobigo bu go'ohuna ya'ma noto noto bona'magi ka lamana'a amuya moloto minoba minoba nohina ka'a metoga bona'i fato fato'i, to enugufa fato fato'i, ka'ani fato fato'i to naga'i fato fato'i lu huto hu epitomofa'na hu'ehina.

Romu 11:25

Nalalu'nigitabe. Mone suguna ka lu lenelepilugi kehelilo. Lenali kehelite lali kehelise'nati sipi bati nohune lite lenugufa limo titi hu laligi ma kaga lu nolepube. Yuta bona'magi Hu'mamofihi enemegesa hi emiba emiba hite komopa'anigu ule'ale hise'namofihi kana'a mone su halina'mu yabe. Fegutoga bona'magi Hu'mamofitoga komopa'ani emilana bai tenogomo Hu'mau Yuta bona'magihi aku'i enele'malina'mu yabe.

Efeso 3:2

Lenali nani kumu keheli'ahabe luto keheli'ohune. Hu'mau mehi nimito lenalitoga mono foya lilane luto lu neto'ehinamo keheli'ahana ni'ibe.

Efeso 6:19

Ya nehite nani kumu ya'ma nelesa melinogo Hu'mamo nabaga'ni le'mo babahi hulenogo hetofa ka lamana'a suguna'i ni'ina yamofihi nabaga li gelehe hinogo babahi hulenogo lu huto hilibe lite lenali Hu'mamofitoga lilo.

Kolose 4:3

To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.