Efeso 2:22 - Ka Lamana'a Monoꞌi Lu Mu Tifiꞌehina Ka Yabe

²² To lenali hiti bona'i luga'a hiti Kilisitotoga hepilete Hu'mamofihi noha'a lolo hite nehago ai'a Sikalafu'auba ana nonugu minolata nohibe.

Efeso 2:22 Referans Kwoze

1 Koliti 3:16

Lenali ya'ma Hu'mamofihi sipi mono noha'a nehabe to Hu'mamofihi Sikalafu'uba komopatinigu minoto nohina yamofihi mekeheli'ahafihe? Ya'ma lenali akeheli'ahana.

1 Yoni 4:16

Hu'mau komopa'a limilata nohina'a ya'ma bu goto keheli'ohune. To keheliya ito keheli'ohune. Hu'mamofihi hapa'a ya'ma mehi limilata'namofihi nohinagihe. Enali komopa'ani emite bite minete lite hilana'a enali Hu'mamofihi komopa'agu minalune'mu nehabe. To Hu'mau ai komopa'anigu minoto lito hilina'mu yabe.

1 Yoni 4:13

Hu'mau ai Sikalafu'a molo leto'ehinagihe. Ya limi'ehinamu'i ai'a lali'i lele'mo maha'aluga mololata nohigo yanagu minota, to ai komopatigu minoto ho tito nohina ya'ma keheli fe lu'ohune.

1 Yoni 3:24

Enali lu molo'ehina ka'a keheliya ite mege'i malalana'a enali Hu'mau hiti hepi lamana hite neminenogo Hu'mau ai'a komopa'anigu mino ho tito minalina'mu yabe. To ai Sikalafu'i molo leto'ehinamo ai'a lu limilago Hu'mau ai'a komopatigu minoto ho tito hulata nohibe luto kehelilata nohune.

Efeso 3:17

To Kilisito kumu keheli amuya melenogo ai'a komopatinigu minoto mino amuya malalibe luto loka nohobe. To Kilisitohi komopa'a lepilinanauba lufusatini limito lenele'mo amuya lolo hinogo,

2 Koliti 6:16

To Hu'mau hiti lugefa nasana hiti moneko nonugu minala'ifiye? Ya huto meni'ibe. Nekehelifihe? Hu'ma amuya moloto minoba minoba bomofihi noha'a lali ya'ma nohune. Ya hu'ehina'mu Hu'mau ma luto lu'ehinamo ni'ibe: Nani bona'nimagihi komopa'anigu minoto lito minoloto'ni enali folagaha'anigu humofa'na hilube. To nani enali sipi bo'ani lolo huto minalube. To enali nani yagapana'ni lolo hite minalabe.

1 Koliti 6:19

Lenali ya'ma lite mekeheli'ahafihe? Lenugufatini ya'ma Sikalafu'mofihi sipi mono nohi ni'ibe. Hu'mau lenali lenugafamofihi komopa'agu minoto lito hilibe luto molo lepolo'ehina yabe. Lenali ana lenugufamofihi afo'agita menehabe.

1 Koliti 3:9

Le'ali Hu'mamofihi lili'nalo bo'a nohu'ibe. Hu'mamofihi foya'a lenaliya nehabe. To mone hiti fono ka luto lenali Hu'mamofihi nohi hepa'a lolo hite nehabe.