Efeso 2:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Ya huto foto'i mine'ahana fegutoga bona'i lenali to lebato'isi gegisagu mino'ohutamo Yuta bona'i lali asaga'i fulunamofihi kaga ka lamana'a lu yege hoto limigo keheli'ohune.

Efeso 2:17 Referans Kwoze

Aposolo 10:36

Isilaeli bona'i koguna ite fulunaguti minalabe luto asaga bona'magihi Sipi Bo'ani Yesu Kilisitotoga ka lamana'a malago limi'ehina kaga, lenali kehelilata nehabe.

Aposolo 2:39

Koyapa'i Hu'mau ka molo'ehinaya lenalitoga hiti to yagapanatiniloga hiti to asaga'i me'i foto nehana hiti, asaga'i enali Sipi Boti Hu'matifu kehe ilina bona'i ya'manana epilina'mu yabe.

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

2 Koliti 5:20

Ya hu'ehina'mu lali Kilisitohi ka'a leli'ali bona'i Hu'mamofihi ka lamana'a lu lepilata nohuta keheliloto lenegekesa lito ya'ma Hu'mau lu lepilata nohina suhi huto nohune. Kilisito kumu Hu'mau lenele'mo fulu hinogo aitoga bite hepilo.

Luku 2:14

Ifo muyagu Hu'mamofihi gi'a le'mo saga hite mineno. To melugu bona'magi kumu Hu'mau ipa'agu ai laga besinana enalitoga fuluna hu noepalabe.

Matiu 10:13

To ya'mana nonuga bona'i bati bona'mo nehinogomo lenali enebe tigite fulunatini epilo. To hapa'ani bebe mesana bona'mo nehinogomo lenali fulunatini aku'i i behe huto lenalitiniloga alina'mu yabe.

Romu 10:14

Ya lutomo ni'igo enali Hu'mamofitoga komopa'ani memele'ahana bona'magi hiya hite aitoga kehe ilabe? To enali kaga'a mekeheli'ahana bona'magi hiya hite aitoga keheli amuya malalabe? To bo moneuba ka lamana'a lu meepilenogo hiya hite ana kaga'a kehelilabe?

Efeso 4:21

Lali Kilisito kumu ma'naka luto lu lepi'ohuto ni'ibe. To lenali ai'a mege'i nemalana bona'i nehitetini Yesu lamana huto nominana hapa'a lusiga luto keheli'ahanamo ni'ibe.

Luku 15:8

To mone hiti ni'igi a'i moneuba siliba efaha'a 10 molo'ehina. To mone fenene hinogo, hena nohibe? Ai libi'mo fulu kulu tiloto lito buto noha'a asaga'i lito sa sa nohibe.