Efeso 1:3 - Ka Lamana'a Monoꞌi Lu Mu Tifiꞌehina Ka Yabe

³ Sipi Boti Yesu Kilisitohi afo'afu Hu'ma ai lele'mo fulu huto kokulumaguti mono lusa fato fato'mofihi Kilisitotoga buto mino hepina'mu yabe luto limi'ehina yabe. Limina'mu yabe luto fokehi lilune.

Efeso 1:3 Referans Kwoze

1 Pita 1:3

Lali Sipi Boti Yesu Kilisitohi afo'afihi Hu'ma ai kumu foke ka lilune. To sipi ka'ya Yesu Kilisitohi fili'ehinaguti le'mo ho ti'ehibe. L'emo ho ti'ehibe luto komopa'a sipi huto li hokolo lu limigo kosaba komopati hiti huto hulata nohune. Huto huto minomo buto minolatanamofihi legeya'a kehelito geba huto minolata nohune.

2 Koliti 1:3

Sipi Boti Yesu Kilisitohi ai afo'afihi Hu'mamofihi fokehi lilune. Ai fulunamofihi afotifu to lele'mo fulu hulata afotifu nohibe.

Efeso 2:6

Ai Yesu Kilisito hiti moneka kokulumagu huto minoto asaga'na kaba huto minalune luto lele'mo ho tito aitoga lele'mo hepi'ehina yabe.

Efeso 1:20

Ana amuya'a sipinauba Kilisitou fili'ehinaguti le'mo ho tiloto kokulumagu le'moto tito Hu'mamofihi lamaga'aga le'mo malago mino'ehinamo ni'ibe. Ya'mana amuya'a lali komopatigu ni'ina kehelilabe luto Hu'mamofihi loka nohobe.

Efeso 6:12

Lenali ya'ma akeheli'ahabe. Lali fa'mene lugufa hiti bona'magita luba sabo menohune. Metepu kapo kaba nehana to Satahi kaba bo'a hiti enikibina bo sipi'a to sipi bo amuyana'a nehananamagi to foipa kene'i samahi tito kokuluma megesa'aga neminana enali luba li huto hu limilata nehabe.

Efeso 3:10

Hena'mube? Yatai Hu'mamofihi yagapana'a lali moneko'na huto nominenogo ya'ma kokulumagu agelo enigihiti bo to amuya'ani hiti bo nehanamagi lali bu legelete Hu'mamofihi keheli bati huse'na fato fato'mofihi yatai keheli bati hilabe luto ni'ibe.

Galesia 3:9

Ya'ma Abalahau keheli ule'ale huto agoya hu emilata hu'ehina hetofa kapogu giyaka ito bu'ehina. To enali ana hite Hu'mamofitoga agoya hu emilata ana kapoloko ite bilana'a enali lusa'agu bi falalabe.

Yoni 17:21

Komopa'ani hepito minela minela hite minalabe luto lu nokumube. Ke, Afo'niga. Kai to nani hiti minetogo nani to kai hiti mino mone huto minalu'ibe. To enali ana hite le'alitoga mine melenogo mino mone huto minalune. Ya hilenogo melugu bona'i kaika noho lifitogo limi'ohuna yamofihi keheli ule'ale hilabe.

Efeso 1:17

To Hu'mau Yesu Kilisito Sipi Botimofihi afo'afu, fana meha'a hiti afotifu, ai mehi lepito lenegekesa le'mo hokolo hinogo to Hu'mamofihi hapa'a lu lepilenogo lenali keheliya ite Hu'mamofihi hapa'a keheli fotogo hite ya hilabe luto loka nohobe.

2 Koliti 11:31

Sipi Bo Yesuhi afo'afu Hu'ma ai'a ya'ma nani kumu bati huto nokehelibe lama'naka luto'nimofihi keheli'ehibe. Ai gi'a li saga huto fokehi luba luba hulata hiluna'mu yabe.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

1 Koliti 12:12

Bona'magita lali Kilisitohi lugufa moneko'na tegi huto nohune. To lugufamofihi kele kele nehi etana nasana ligi layahati lokaba labaga lubu legekesa yamofihi babu luto ni'ibe. Enali ya'ma nekisa'a li nupa hago lugufa moneko lolo huto ni'ibe. Kilisitohi gufa'a ana suhi huto ni'ibe.

Romu 12:5

Ya huto lali yege yege bona'i fato fato nohuta li nupa huto Kilisitotoga hepito moneko'na nohune. To gufa'a moneko'isi suhi huto kegi'a moneko moneko li nupa huto hepi'ohune. Ai'a gufa'a legi huto nominone.

Efeso 1:10

Alihi kana'a huto hulenogo Kilisitou ana'ina asaga'i kokulumagu nehanamagi to melugu nehanamagi li nupa napa huto lataha'a lolo hilibe luto ai hiti moneko'na hite minalabe luto lu'ehina.

2 Koliti 5:17

Ya hu'ehina'mu bona'i moneuba Kilisitotoga hepiloto molo emi'ehilina ai yuhufana lolo nohilibe. Tafa hapa'a su ho etolago kosaba hapa'a ahuto hu'ehilina yabe.

Romu 15:6

Ya hinogomo lenali asaga'i moneko'na hite lenonogotini Hu'mamofihi kanipo filana'mu yabe. Sipi Boti Yesu Kilisitohi afo'afitoga lenegelo bilabe. Ya'ma aitoga loka ho lepoloto nunumu nohube.

Hibulu 8:5

Enali foya'ani tafa nopofihi babeyafana ya suhi hite anagu lolo hilata nehabe to legeya'a ya'ma kokulumagu ni'ibe. Ana suhi huto Moseu ai mono kamofihi go nohi gilube luto nohigo Hu'mau ma luto lu emi'ehina: Keheli'ohubo. Kosagu babeyafa'a kelepi'ohunamo ana suhi huto ana'ina silaga'i lolo hubo, luto lu eto'ehina yabe.

Filipai 2:11

To enabagaguti enabagaguti ya'ma Yesu Kilisitohi ai Sipi Boti nohibe lite nelite kululu kululu tite halana yanauba tito minoto afo'afu Hu'mamofihi gelo bise'na lolo huto minalibe.

1 Koliti 1:30

Ya hu'ehinaya Hu'mau lali Yesu Kilisitotoga lele'mo hepi'ehina yabe. Kilisitou ai ya'ma lali Hu'mamofihi ka'a keheli bebe salutamofihi hapa'a minalibe luto yabe. To ai Hu'mamofihi gobisalo mino fu luto minalutamofihi hapa'a minalibe luto, to foipanati li he'mi letelenogo komopati gulu gulu linogo minalutamofihi hapa'a minalibe luto yabe. To ai Kilisitou lali'i foipanaguti gulu ho letalibe luto yabe.

Hibulu 9:23

Ma metoga mono nasana silaga'namofihi hapa'a ya kokulumagu ni'inamofihi babeyafa'a fa'menena golaha'atu nagami ite nokala hite li gulu gulu lilabe luto keya ka ya lu'ehinamo ni'ibe. To kokulumagu nasana lamana'auba ai'a ya'ma lokiya fi emilata nasana eto huto mino'ehina yanauba nagami ito hapa'a hetofana lolo hilibe luto le'mo hokolo hilinamofihi kapo'a moneko'isi ni'ibe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Yoni 14:20

Yana yupahi huto hulenogo lenali Afo'nifitoga i ke'maluna ya'ma kehelilabe. To lenali nanitoga i ke'malana to nani lenali hiti minaluna ya'ma kehelilabe.

Luku 2:28

Simioniu ai ana pana'i yahi komopa'alo le'mo mololoto'a Hu'mamofitoga fokehi hoto ma luto lu'ehina: