Efeso 1:18 - Ka Lamana'a Monoꞌi Lu Mu Tifiꞌehina Ka Yabe

¹⁸ To lenegekesa yigise'namofihi li hokolo hulenogo Hu'ma hiti alihi mine bati hilana hapa'a kehelilabe luto, to lenali panana'a alihi lepilube luto lu molo'ehina'a kehelilabe luto, loka nohobe.

Efeso 1:18 Referans Kwoze

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Luku 24:45

To ai ya luto lu epito enegekesa lu hokolo higo enali Hu'mamofihi ka'a fayahi go'ehina keheli bebe se'ahana.

Efeso 1:7

Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.

Efeso 5:8

Lenali koyapa'i enali suhi hite metepugu mine'ahanamo ni'ibe. Yatai ya'ma Sipi Bomofitoga nehepite fana mehatini hiti lolo hite nehabe. Ya'mu fana mehenamofihi legeya'a lolo hite yanamofihi babeyafalo minalabe.

Efeso 3:16

Hu'mau ai'a fana meha'a babu luto hefu tegi ni'inaguti ai'a meha'a lenalitoga ho lifinogo limito amuya'a li huto hu lepinogo kehelite amuya melelenogo ai'a komopatinigu hofa toto ule'ale hilibe luto loka nohobe.

Efeso 4:4

Henabe lutobe? Lali ka'a kehelito nominotamagita Kilisitohi gufa'a tegi huto moneko'na alolo hu'ohutagihe. To ana huto Hu'mamofihi Sikalafu'uba moneko'na nohinagihe. To lali'i Hu'mau alihi hetofa suhi Kilisito tegi huto lele'mo lolo hilibe luto lele'mo'ehinamomu'i moneko huto lofokehi lito bu mego'ohuta fa'mene geba nohutagihe.

Taitasi 3:7

Ya higo Yesuhi lehe'mose nasana'auba Hu'mamofihi bulo lele'mo bebe sose'namu to lali minoba minoba huse'namu fifa ilata nohutamofihi lilabe luto ya hu leto'ehinamo ni'ibe.

2 Tesalonika 1:11

Ya'mu lali hiti kana'amu kana'amu lenali kumu yabe luto Hu'mamofitoga lulata nohune. Hu'mau elesa molo lepi'ehinamofihi legeya'amo kehelinogo lamana'a hilibe luto loka nohone. To ai'a amuya'aloti fi hetofa hu lepelenogo lamana'amu kehelite neminamofihi legeya'a lolo hilabe luto to aitoga keheli ule'ale hite aitoga agoya hu emilata nehanamofihi foya'a lelite bilabe luto nolune.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

1 Timoti 6:12

Ya nohutoka kemehi emise'namofi kumu keheli ule'ale huto minoto, to mino kosaba'namofihi kapogu hololu luto bilata yamofihi mina'a lilane. Lelito buto amuya mololata yamofihi li pili koto lilane. To kaika ya hilube luto silaga bona'magihi enogobisalo mono ka ya suhi nohube luto lu molo'ehitogo Hu'mau ana huto kemehi emise'na ya suhi huto minalane luto elesa molo kimi'ehinamo ni'ibe.

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

Efeso 1:11

To silaga'i ya'ma Hu'mau komopa'atu keheliloto lu molo'ehinalo lilata nohibe. Ai'a koyapa kana'a ekesa kehelito lu molo'ehinalo Kilisito hiti moneko'na minalabe luto lele'mo'ehibe.

Hibulu 10:32

Lenali koyapa'i ana'ina lolo hite mine'ahanamofihi aku'i kehelilo. Kana'a ya'ma yupahi komopatinigu Hu'mamofihi fana meha'auba fi fana to lepelenogo keke'i luse'namofihi komopa'agu minete keta'a hiti foya lite amuya melete lite mine'ahana.

1 Tesalonika 2:12

Ya huloto lenegekesa lito lenele'mo amuya moloto huto lu lepolo'ohutamo ni'ibe. To Hu'mau ai kapogu lenele'malina bouba to fana meha'a lepilina bouba bu goto lenofokehi lilibe lite laga hina hite minalo, luto lu lepiba lepiba hu'ohuta ni'ibe.

2 Koliti 4:4

Enali ya'ma ana metogati gihiti bo moneuba gi'a Satau, ai komopa'ani fi hekini lago Kilisitotoga keheli meemise neminabe. To ai komopa'ani fi hekini lago enali ka lamana'amofihi fana meha'auba komopa'anigu limilenogo Kilisito Hu'mamofihi babeyafalo nominana bomofihi fana meha'a bu go fe lite bu menegabe.

Taitasi 2:13

Ya nohuto Sipi Boti, Hu'mau lubuto bilata bo, to Yesu Kilisitou fana meha'a hiti huto hilina kana'amu geba hulata nohuta, yamofihi sekele mamu'a hiti nasanamo ni'inaya yana'mu fifa ilata nohune.

2 Tesalonika 2:16

To Sipi Boti Yesu Kilisito ai, to afotifu Hu'mau, lenali komopatinigu lenele'mo bati bati hinogo kolina'a meminana bona'i lolo hilabe nolube. To ai lenele'mo amuya hinogo lenali hetofa suhi hulata hite to hetofa kaga lulata hite minalabe luto nolube. Ai Hu'mau mehi limi'ehina bouba, to fa'mene lehe'moto komopatigu ai'a koyapa koyapa koli mehuse minolatana molo leto'ehina bouba, to ai kumu hetofa kehelise'na limi'ehina bouba, Hu'mau ai ya'mamofihi hu lepalalibe luto nolube.

1 Tesalonika 5:8

To lali fana mehenamofihi naga'i lolo hu'ohuta ya'ma komopati kaba huto minalune. Ya nohuto Yesutoga keheli amuya malaluta to komopati asaga bonatoga epiluta yanauba heleguti lolo hilibe. To Hu'mau lubuto bilina keheli'ohutanauba lali latahati li sibina hu lalina kakiliti lolo hu letalibe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Matiu 13:15

Ma bona'magihi komopa'ani hekini loto ni'ibe, ya hu'ehigo enekesa'aniuba kaga kehelilina'mu kosele'i aho'ehibe. To enali enekesa'ani negi no su ho'ehibe. Ya hu'ehigo enubu'aniuba ana'ina bu megalina'mu yabe, to enekesa'aniuba kaga mekehelilina'mu yabe, to lataha'aniguti kaga mana'a keheli fe melilana'mu yabe. To enali nanitoga lele'mo bati hilibe lite i behe hite enogo nani enele'mo bati hiluna'mu yabe, luto Hu'mau lu'ehina yabe.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.

Hibulu 6:4

To mono ka keheli'ahana bona'i luga'amagi nehinogo Hu'mamofihi fana meha'auba komopa'ani le'mo besa lago to kokulumaguti nose'na nete enele'mo'ehina to Sikalafu'i mone'i li'ahana enali yanamofihi enemegesa hi emite minenogomo hena hinogo aku'i enele'mo gelehe huto tiligi salune?

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.

Kolose 1:23

To lenali yatai amuya melete Yesutoga minete komopatini emite minete ka lamana'amofihi yata'a keheli ule'ale hi'ahana kamu'i li pili kete ya'ma legeya'a huto hilinamofihi geba hite kehelise'natini mopo mopo mehilata nohigo ya hite minalo. Ya'ma nani Poluita, ka lamana'a nasanamofihi kele kele bo nohuna, asaga bona'i melugu neminanamofihi ya'ma nani ka lu yege holata nohunamofihi, ya'ma kehelilo.

Kolose 1:5

To lenali Hu'mamofihi hetofa kaga, ya'ma ka lamana'a lenalitoga kohe toto o'ehina kanaguti Hu'mamofihi bati hina'a kokulumaga molo lepolo'ehina'a alihi lilune lite bu mege'ahana'mu geba hite neminabe.

Efeso 2:12

Ana kanagu lenali Kilisito hiti hepite memine'ahana ni'ibe. To Yuta bona'i enali fulilo meminese lenali fa'mene ino bano mine'ahana. To Hu'mau ai'a bonatoga lu molo epolo'ehina kaga alihi le'mo huto hilina ka yabe luto lu molo epolo'ehina kaga lenalitoga lu memalago lenali fegutoga bona'i fa'mene mine'ahana yabe. Lenali Hu'mamofihi mekehelise nehite ai lele'mo bati hilibe lite mekehelise minete ma melugu fa'mene sibina hite mine'ahana ni'ibe.

Galesia 5:5

To lali ya'ma Hu'mamofihi Sikalafu'mofihi keheli ule'ale hu'ohuta'mu yabe luto foipanati meminenogo Hu'mau lele'mo bati hu'ehina bona'i minalune luto yamofihi agoya hu etoto minolata nohune.

1 Pita 1:3

Lali Sipi Boti Yesu Kilisitohi afo'afihi Hu'ma ai kumu foke ka lilune. To sipi ka'ya Yesu Kilisitohi fili'ehinaguti le'mo ho ti'ehibe. L'emo ho ti'ehibe luto komopa'a sipi huto li hokolo lu limigo kosaba komopati hiti huto hulata nohune. Huto huto minomo buto minolatanamofihi legeya'a kehelito geba huto minolata nohune.

Aposolo 16:14

Ya'mana analuguti mone a'mofihi gi'a Litia yabe luto nohinauba kagati keheli'ehina. Ai Taitaila hepato a'uba safa guketelo bisinisi nomalana a'i yabe. Ai Hu'mamofitogago agoya hu emito nominana'mu luto Sipi Bouba ekesa'a li hokolo higo Polu lina kaga keheliya i'ehina.

Filipai 3:14

Yamu'i nani yokolo'na hite hololu lilata nehana bona'i suhi luto mina'a lilube luto amuya moloto nohube. Ana mina'a henana ni'ibe? Hu'mau Yesu Kilisito kumu luto kokuluma kapolo nele'mo malalinamo ni'ibe. Ya'ma lilube luto gili gili huto amuya moloto nobube.

Maki 10:17

To alihi Yesu kapo malalube'mu nohigo, bo moneuba hololu luto oto aitoga lahupa nohi fito ma luto loka ho'ehina: Oho afo'nigabe. Bati bo nohane. Nani hena'ni hulenogo'ni nemehuba minoba minoba hilibe? Lu nimibo.

Romu 2:4

Hu'mau bona'magihi hetofa hu epalalina hiti eniginaga filata nohina hiti ni'ina'mu kai o'e luto kemegesa hu emito nominane ya huto ni'ifihe? Hu'mau kai kumu keke'i nolu ketoto komopa'a i gelehe hilibe luto noluna yamofihi kegeba huba huba nohinaya menokehelipi? Komopaka i gelehe huse'naka yamofihi geba huto yatama kana nominabe.

Romu 11:29

Hu'mau ekesa loe lae mehuse'i nohibe. Ai'a bita hu'ehina bona'magihi fuku luto lusa gi epalalina'mu kehelilo. Ka'a enali kumu lu molo'ehina'a huto hilina'mu yabe.

Kolose 1:12

Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.