Efeso 1:15 - Ka Lamana'a Monoꞌi Lu Mu Tifiꞌehina Ka Yabe

^15-16 To ya nohigo nani lenali Sipi Boti Yesu kumu keheli ule'ale hite agoya emilata nemina, to Hu'mamofihi bona'i asagatoga lenemehi epite minelata nehana ka keheliloto lenali kumu luto Hu'mamofitoga fokehi hoba hoba nohuna ya'ma menohe'mube. Lenali kumu yabe luto Hu'mamofitoga lulata nohuna ni'ibe.

Efeso 1:15 Referans Kwoze

Filemoni 1:5

Kai Sipi Boti Yesu kumu kemehi emilata huto Hu'mamofihi bona'a enalitoga amuya moloto kehelito komopaka epilata nohane. Yamofihi ka'a ya'ma bona'magi lago kehelube.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.

2 Tesalonika 1:3

Lalalutigita, lali asaga yupahi lenali kumu yabe luto Hu'mamofitoga fokehi lito minolata nohune. Lenali Hu'mamofitoga keheli amuya melelata nehanamofihi hofa tana'mu luto komopatini ai eminogo ai eminogo hilana hofa tana'mu luto bati huto fokehi nolune.

1 Yoni 4:21

Kilisitou lu molo'ehina ka'a ma luto kehelilata nohune. Lenali Hu'mamofihi komopatini emite nehanamagita lenalalutinigihi ya'ma komopatini ana hite epilo.

1 Yoni 3:17

Bona'i luga'a enali yaga nose'na to fe'noho nasanauba babu luto ni'igo to enalalu'anigihi enumuhi meni'igo nehinogo bu gelete to komopa'ani hekini lete meenehe'malata nehanaya enali kumu ma luto kehelilune. Komopa'ani Hu'mamofitoga mone memalalata nehabe luto keheliloto ya lilune.

1 Pita 1:22

Lenali kaga lamanamofihi kehelilata hite mege'i malalana ni'igo lenalitoga hapa'a lana'mu luto lenalalutinigihi komopatinigu faga melise lenemehatini lusiga lite epilata nehabe. Ya'mu yabe lite komopatini ai eminogo ai eminogo mu tifite minalo.

1 Timoti 1:14

Ya hu'ehigo Sipi Botiuba mehi nimito to nehe'mose'na'a babu luto nimito keheli nele'mo amuya moloto to Yesu Kilisitou buto i ke'moto yabe luto komopa'ni emi'ohuna yana'mu nele'mo ule'ale hu neto'ehibe.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

1 Tesalonika 4:9

To lenali Yesuhi bona'a luga'amagi komopatini epilabe luto hena'mu fayahana lepiba lepiba hilune? Hu'mau komopatinigu ai lenemehi eminogo ai lenemehi eminogo hite minalabe luto'a hapa'a lu epi'ehinamo ni'ibe.

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

Romu 1:8

Yata'a nani lenali kumu Hu'mamofitoga gelo nohube. Hena'mube? Asaga hepatoga nobunogo noto noto bona'magi lenali Yesu Kilisito mege'i nemalanamu'i ya'ma kaga liba liba nehana yagi akehelito gelo nobube.

Efeso 1:1

Oho, Efeso bona'ise. Lenali Hu'mamofihi naga'ise. Lenali Sipi Boti Yesu Kilisitotoga ule'ale hite neminana bona'ise. Nehafihe? Nani Poluita Hu'mamofihi kaga'a lu molo'ehina'mu ya'ma Yesu Kilisitohi aposolo bo lolo hu'ohunamofita fayahi ya'ma koyoto nolepube.

Efeso 3:18

lenali to mono ka keheli'ahana bona'i luga'a hiti asaga'i Kilisito komopa'a lepi'ehinana yamofihi keheli amuya malalabe luto loka nohobe.