Aposolo 9:21 - Ka Lamana'a Monoꞌi Lu Mu Tifiꞌehina Ka Yabe

²¹ Ya higo asaga bona'i enali Solihi kaga'a kehelite minana otopa helete sumi ka lite ai loka hago ai loka he'ahana. Yesuhi gi'a ya'ma lite Yelusale nehago ya'mana bouba enoho fili'ehinamo ni'ifi fato bo nohibe? Ai ana supo huto bona'i magati naga ito sipi mono noto kaba bo nohinalo enele'moto bilube'mu nohifi hena nohibe?

Aposolo 9:21 Referans Kwoze

Aposolo 8:3

Soliu ai amuya mololoto Yesuhi bona'magihi le'mo sibina hilube'mu nohube luto lu'ehina. Bona'magi noha'aniluga tiloto limiloto nohuto Yesutoga komopa'ani emite minana bona'i kefefe ho lito limi limi fegutoga huloto bo hiti ana'i hiti nagalugu enele'mo molo'ehina yabe.

2 Tesalonika 1:10

To ana yupapoya Yesuhi bona'amagi asaga'i yege'a fite enegelo bite fokeha'a lilana'mu yabe. To aitoga keheli emi'ahana bona'i asaga'i gi'a liyafa hite minalana'mu yabe. Lenali ya'ma kaga'a lu lepugo kehelite aitoga agoya hu emi'ahana ni'inagihe. Ya'mu lenali Hu'mamofihi bona'i hiti minalana'mu ni'ibe.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.

Aposolo 4:13

Pitaugo Yoniugo etali koli mehise amuya melete kaga lu yege ha'ina enali bu ge'ahana. To etali babafi bomale'i memina'ina fa'mene bole neha'ibe lite kanisole bomagi akeheli'ahana. Ya'mu lite enali kaba kanisole bomagi enekesa yigi babu lilete ma lite akeheli'ahana, koyapa'i etali Yesuhi mege'i melete moneka mine'ahana yabe.

Aposolo 3:10

Enali ana bona'magi ya'ma bo ai sipi mono nopofihi Hetofa Kasiha'alo nohuto ana'ina'mu kehe ilata bo ma nohibe lite akeheli'ahana. Ya hilete hena suhi huto hifi lite topa he baga ilete enekesauba loe lae hu'ehina yabe.

Aposolo 2:12

Ya hilete enali topa helete enekesa yigi babu lilete enali'ani ma lite ai loka hago ai loka hago hi'ahana: Ya'ma kaga nelanaguti hena suhi huto hilina ni'ibe?

Aposolo 2:6

Ya hite nehanalo sipi nogo kokulumaluguti malana kehelilete babu bona'i limo gehesa hilete aposolo pana'magi kaga fato fato nogo hite nelago limo gehesa hana bona'magi nogo'aniguti fato fato'i kaga nelago kehelila kehelila hi'ahana. Ya hilete enali ana kagalo topa helete enegelo gofa bi'ahana.

Aposolo 7:59

Ya hilete efaha osahi Sitifenihi gufalo ite mine'ahana. To Sitifeniu ma luto nunumu hu'ehina: Sipi Bo Yesu, kai nemeha'ni libo.

Aposolo 9:22

Ya lite lana Soliu lu yege ho epina kagauba amuya molo'ehina. Ya higo Yuta bona'i luga'a Tamasiko hepalugu neminanamagi kaga'a lina kehelilete topa he'ahana. To Yesu bo mana'i Mesiau nohibe luto lu epina kagauba amuya molo'ehina'mu enali Solihi nona'a lu meemi'ahana yabe.