Aposolo 9:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Ya noligo ana'asilo mele'isi Solihi bu'aguti faya'i ili'a legitana limo noigo bu'a aku'i i gili higo asaga'na bu go'ehina. Ya higo ai ho tito analo nagami'i folo'ehina yabe.

Aposolo 9:18 Referans Kwoze

2 Koliti 3:14

To enali komopa'ani fi hekini lago mineme bite nehago Hu'ma lu mu tifise'namofihi kaga tafa'a yauba aku'i ifi tago enali kaga leka sete keheli bati mehi'ahanamo ni'ibe. To ifi tete sa gi'ahana ya'ma fa'mene mone gulu mefalina'mu yabe. Kilisito moneko'uba gulu foto li he'milata bo nohinagihe.

Aposolo 22:16

To yatai hena'mu geba huto nominane? Ho tito buto Yesuhi gi'alo holoto foipanaka he'mito nagami'i folobo.

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Aposolo 2:41

Ya luto Pitau lulago ai ka'a keheli bati hana bona'i ana yupahi nagami'i fele su he'ahana. Ya'mana yupahi bona'i nehana'alo Hu'mau molo emi'ehina 3,000 boana'i yabe.

Aposolo 9:8

Soliu meluguti ho tiloto bu'a i gili hu'ehina ana'ina nesi'a mone bu mego'ehina yabe. Ya higo mege'i melete ana bona'magi yato lite Tamasiko hepalugu ti'ahana yabe.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.

Aposolo 9:19

Ya huloto alihi nose'na nolago amuya'a ai aku'i li'ehina yabe. Soliu nesi'a kana Yesuhi mege'i melelata bona'i hiti Tamasiko mino'ehina.

Aposolo 22:13

To ai oto nanitoga lebato ho tito minoloto lu'ehina: Solio, nalalu'niga kubu bati hino, ligo nani ana'asi bu go bati huto aimo bu go'ohuna.