Aposolo 9:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Hu'mamofitoga komopa'a emito minolata hina bo mone Tamasiko hepalugu mino'ehina gi'a Ananiasi. To bamulugu Sipi Bouba: Ananiasio luto kehe i'ehina. Ya ligo Ananiasiu lu emi'ehina: Sipi Bo, nani ma nohube.

Aposolo 9:10 Referans Kwoze

Aposolo 22:12

To bo mone mono'i mege'i malalata bomo, ai'a gi'a Ananiasi yabe ai kumu asaga Yuta bona'magi fokehi nelina bo ai anaga mino'ehina.

Aposolo 10:3

Utehi yege liyofo nohigo bamu'i bu go'ehina. Ai ana bamulugu Hu'mamofihi agelouba nonugu tito ma luto lu'ehina: Koniliasio.

Aposolo 2:17

Ya'ma suhi kokuluma hiti me'i hiti su halina yupahi li huto hiluna'mu yabe luto Hu'ma lu'ehina: Nani Sikalafu'nimofihi amuya'a asaga boanatoga molo baga iluna'mu yabe. Lenali panatinimagi to patinimagi hiti enali lu huto huto bona suhi lite kaga lu yege halana'mu yabe. To nani fato fato'na neheya kola botinimagihi enali enubulo li huto hiluna'mu yabe, to oyafatinimagi bamu'i nani hu enubulo malaluna'mu yabe.

Aposolo 9:9

Loegi monegi kanagu bu'a i gili mehigo ya'mana kana'aluga nagami'i hiti nose'na hiti mo sito mino'ehina yabe.

Aposolo 11:5

Nani Yopa hepalugu nunumu nohunagati bamu'i mone ma huto bu go'ohube. Sipi sa nekisa'a loegi loegi ni'inalo naga'i gi hepi'ahanana kokulumaluguti limito nani nugufalo mino'ehibe.

Aposolo 12:9

Ya ligo Pitau ya'mana hasaguti he'mito agelo mege'i lifito bu'ehina ya hu'ehina agelouba ma'naka luto ya'mana nohu netabe luto mekeheli'ehina fa'mene bamu'i bu nogobe luto ekesa keheli'ehina.

Aposolo 16:9

To ana folugu'i Masetonia bouba ma luto kehe noigo Polu bamu'i bu go'ehina: Kai hege nagamilugu igofa hoto Masetonia bona'i oto lehe'mobo.

Aposolo 16:10

Polu ya huto bamu'i abu golago lali mele'isi Masetonia biluta kapo'mu sa sa hu'ohuta. Hena'mugope Masetonia bonatoga ka lamana'a lu yege halo luto Hu'mau lali'i kehe noibe lutoti lu keheli'ohuta.

Aposolo 18:9

Mone folugu'i Poluhi bamu'i hu bulo mololoto Sipi Bouba ma luto lu emi'ehina: Kai koli mehuse kaga lu hokolo huto lu epibo. Kai kosele'i nahabe luto kabaga hekini loloto meminobo.

2 Koliti 11:32

Nani Tamasiko hepatoga nohugo gihiti bo Aletasi gamaniuba naga nonugu nele'mo malalube'mu nohuto lito nohi hepato gegisa'amofihi kasinugu kofohi mele'ahana.

Galesia 1:17

To Yelusale hepatoga aposolo kohe tete lolo hite mine'ahana'a bu enagalube kagamu'i enoloka halube luto meti'ohunamo ni'ibe. Anaga mebuse ka me'i mone Alebia metoga fotoga buto minoto i behe huto Tamasiko hepatoga buto neheti'ohuna.

Aposolo 9:12

To bamulugu bo mone gi'a Ananiasiu yaha'a bu'alo meko higo ana bu'a aku'i i gili hilube'mu bu go'ehibe. Sipi Bouba ya luto lu emi'ehina yabe.