Aposolo 8:7 - Ka Lamana'a Monoꞌi Lu Mu Tifiꞌehina Ka Yabe

⁷ Babu bona'magiluguti foipa felemagi sipi kehe ilete leheko limi'ahana yabe. To bona'i enugufa'ani ketipa'i fili'ehinafi to enigigusa sibina hu'ehinafi ya'ma bona'i Filipiu enele'mo bati hu'ehina.

Aposolo 8:7 Referans Kwoze

Matiu 10:1

To Yesu aposolo panana'a nayaha'ni su hago nigigusaga loemo leheko malago enele'mo nupa huloto foipa felefi to bona'i enugufagu enebesila to ketana nina li he'mi epalalabe luto amuyana epi'ehina yabe.

Aposolo 5:16

Yelusale hepa kegi'ati babu bona'i li nupa hite neete enebesise bona'anifi to foipa fele komopa'anigu minana hiti enele'mete ana bona'i ye ke su he'ahana yabe.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.

Yoni 14:12

Lusiga lu nolepube. Bona'i mone'amagi nanitoga keheli ule'ale hu niminogo ya'ma nani amuya foya'ni suhi hite lilana'mu to, ma'naka luto mone hiti foya'nimofihi be ligite babu lite lilabe. Hena'mube? Nani Afo'nifitoga tito minenogo'ni enehe'menogo babu lite amuya lili'namo lilabe.

Luku 10:17

To 70 bo'a Yesu enoho lifito lili'na epina enofokehenaguti aku'i ete li nupa hi'ahana. Ya hilete enali ma li'ahana: Sipi Bo, kai kigika nohonogo foipa felemagi hiti labaga liyafa hite ka keheli limibe li'ahana.

Maki 9:26

Ya ligo ana feleuba sipi nogo moloto pana'i kalake gofana huto ho etoto he'mi etoto bufa hulago, ana pana'i fili'ehina legi huto minabe. To asaga bona'magi bu gete: Afilifa hu'ehibe lite li'ahana.

Matiu 11:5

Enali enubu pisi lina bona'i aku'i enubu'ani i gili higo asaga'na bu negabe. To enigi enayahi sibina hu'ehina bona'i kapo malabe. To ililogo bona'i enele'mo gololo tugo babe. To enekesa hekini lana bona'i enekesa li hokolo hugo kaga kehelite babe. To fili'ahana bona'i aku'i ho ti kosaba habe. To fe'noha'ani menina boana'i ka lamana'a kehelibe.

Matiu 4:24

Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Aposolo 8:6

Ana hepato bona'i enali li nupa hilete ka'a enegekesa hokolo hite nekehelite babeyafana li huto hina hiti bu ge'ahana yabe.