Aposolo 8:25 - Ka Lamana'a Monoꞌi Lu Mu Tifiꞌehina Ka Yabe

²⁵ Alihi etali bu ge'aha'inanamofihi kaga'a hiti Hu'mamofihi kaga'a hiti lu epi su helete etali i behe hite Yelusale kapo melete bi'aha'ina. Etali kapo melete nebite Samalia fato fato hepato ka lamana'a lu epime lu epime bi'aha'ina yabe.

Aposolo 8:25 Referans Kwoze

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

Aposolo 28:31

Ai Hu'mamofihi kapo'amofihi kaga'a lu yege ho epito Sipi Bo Yesu Kilisitohi kaga'a enelepito amuya kaga lu epilata higo bo moneuba kaga'a mone i laga mehu'ehigo Polu anaga mino'ehina yabe.

Aposolo 28:28

To Polu mone kaga hiti lu epi'ehina: Yatai nani Hu'mau enubuto bilata kaga'a lu nimi'ohuto fegutoga bona'i nehanalo noho lifi'ehinagi enali ana ka lamana'a kehelilune'mu nehabe.

Aposolo 28:23

To enali kana mone melelete ana kana'alo babu bona'i ete Polu nohina nonugu li nupa hi'ahana. Etehi hapi fito Polu kaga hapa hapa'a lu epiba lu epiba huto nohigo buto yege limi foloto sinihi gi'ehina. To ai ana huto Hu'mamofihi Kapo'amu kaga'a le'mo bati huto lu epi'ehina. To ai kaga koyapa'i lu huto huse bomagi hiti to Moseu hiti fayahi keye'ahanamofihi lu yege ho epi'ehina. To ya'ma kaga'atu enele'mo amuya moloto komopa'ani li keta mehuse hinogo Yesutoga komopa'ani emite minalabe luto lu'ehina yabe.

Aposolo 18:5

Alihi Silasiugo Timotiugo Masetonia hepa'i he'mite ai nohinalo limi'igo asaga yupahi Polu mono kaga lu epiba lu epiba huto nohuto ma luto Yuta bona'i lu epi'ehina: Yesu ma'naka luto Hu'mau le'mo ho ti'ehina bo nohibe.

Aposolo 8:40

To Filipiu Asitoti hepalugu huto hu'ehina. Ai hepato hepato bula ola huto ka lamana'a lu yege homofa'na hu'ehina. Ya huloto alihi Sisalia hepalugu heneti'ehina yabe.

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Yoni 15:27

Lenali ya'ma foya hapi hu'ohunaguti nani hiti mineme bite mine'ahanamo ni'inagihe, lenali hiti hapa'nimu ana suko hite li huto hilana'mu yabe, luto Yesu ya lu'ehina yabe.

Matiu 10:5

Yesu nayaha'ni su hago nigigusaga loemo leheko malago koko panana enoho lifiloto ma kaga lu epi'ehina: Lenali fegutoga bona nagatoga bite ise megilo. To lenali Samalia bona'magi hepatoga mebilo.

Luku 16:28

Nani nogona'ni 5 magi nehana. Enali ya'mana gabu'i gise hepatoga mealabe luto Lasalasiu lipoti epilina ni'ibe.

Aposolo 13:12

Ya higo gamani bouba anana huto hina bu goloto topa holoto Sipi Bomofihi kaga enelepinamofihi komopa'agu li molo'ehina yabe.