Aposolo 8:21 - Ka Lamana'a Monoꞌi Lu Mu Tifiꞌehina Ka Yabe

²¹ Lili'nati mone'a ya'mana ma'naka luto kai nasanaka meni'ibe. Kai komopaka Hu'mamofihi bulo'i bebe soto meni'ibe.

Aposolo 8:21 Referans Kwoze

Hibulu 4:13

To ana'ina li huto hu'ehina ya'ma moneubafi moneubafi Hu'mamofihi bulo ya'ma suguna'i nasana mone meni'ibe. Ai bulo melugu kokulumagu ana'ina silaga'i sa gi'ahanagu meni'ina to li hokolo huse'i ni'ibe. To mone yupahi lali asaga'i li lolo hulata nohutamofihi hapa'a yanamofihi Hu'mamofitoga tito ai bulo lu eminogoti ka foya li letalina'mu yabe.

Yoni 21:17

To Yesu ge'noka mone hiti Pitahi ho'ehina: Simonio, Yonihi pana'a yale, nani kumu nokebesifihe? Ya luto loka hago Pitau kehelito Yesu loegi monegi loka ho'ehina kiginaga fi nonimitaya yana'mu ipa'agu gabu nogigo ka lu emi'ehina: Sipi Bo yale, kai yege yege'na keheli baga ito niginaga fi nokumunaya akeheli'ahane. Ya luto ligo Yesu lu emi'ehina: Kai sipisipi yaga'ni kaba hu epolobo.

Huto Hilina Ka 22:19

To luga'amagi enali bukugu suguna ka huto hilina'mu ya'ma mone lu laga hite he'milana bona'i enalitoga Hu'ma ule'ale huto minoba minoba yafamofihi legeya'a mone'a mo si epalalina'mu, to nohi hepa'i lamana'a enali metilana'mu yabe. Ana nasanamofihi ka'a ya'ma bukugu koyoto mologo ni'ibe.

Huto Hilina Ka 20:6

Ana fili'ahanaguti ho ti'ahana'a bu go'ohuna ya'ma molo emilata nehana bona'i enegelo bite enali komopa'anigu laga'a kehelilatamofihi gupisalo ba'nesabe. Bona'i ya hi'ahana'amagi enali fililana napa 2 yanauba ya'ma enugufa pata mesilube'mu hibe. Enali Hu'mamofihi to Kilisitohi mamufa gi emilata bona'i lolo hite minalune'mu habe. Ya nehinogo ai hiti enigihiti bo foya lelite biba biba hite kufu moneko tauseni bu enebe ligilina'mu yabe.

Huto Hilina Ka 2:23

To ana a'mofihi yagapana'a enoho fili su halibe. Ya suhi hulenogo'ni noto noto bo mono ka keheli'ahanamagi nani bati'namofihi komopa'ani enegekesamofihi hapa'a bu go fe lu'ahata bo nohane lite keheliya ilabe. Nani bona'i asaga'i hite melete hilanamofihi afo'anifita pa soto nona'a eto eto huto epilube'mu nohube luto nolube.

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Efeso 5:5

Lenali ya'ma ka kehelite minalo. Moko lilata bona'i to anananamo'mu enipagu hilina bona'i enali Kilisitohi to Hu'mamofihi kapolo minete lite metilana'mu yabe. To ana huto enali fato bomofihi nasana'a lilube luto enipagu hilina bona'i enali ana hite ana kapolo metilana'mu yabe. To hena'mube? Enali Hu'mamofitoga enemehi meemise ma melugu nasanatoga enemehi emilata lugefa nasana suhi huto mege'i melelata nehana bati mehibe.

Aposolo 8:37

Ya luto ligo Filipiu lu emi'ehina: Ka lamana'amofihi komopakagu li malalata nagami'i falalata'mu habe. Luto ligo nani komopa'nigu li molo'ohube. Yesu Mesiau Hu'mamofihi Pana'a lamana'a nohibe luto komopa'nigu keheli mana hu'ohube luto ana bouba lu'ehina.