Aposolo 8:12 - Ka Lamana'a Monoꞌi Lu Mu Tifiꞌehina Ka Yabe

¹² To Filipiu Hu'mamofihi kapo'amu luto ka lamana'a lu noepito to Yesuhi gi'a ho epina kagamofihi komopa'anigu li melelete bo hiti ana'i hiti nagami'i fele'ahana.

Aposolo 8:12 Referans Kwoze

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Aposolo 1:3

Koyapa'i Yesu ai gabu foya li kofito fililoto ai alihi aposolo pana'amagitoga huto hu'ehina. Ai fili'ehinagati ho tiloto kosaba bo nohube luto babuna fato fato'i aposolo pana'a hu enubulo molo'ehina. To 40 yupaha kanagu aposolo pana'amagi Yesu enubulo huto huto huloto Hu'mamofihi Kapo'amofihi kaga'a beto hu epi'ehina yabe.

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

1 Pita 3:21

Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.

Aposolo 2:41

Ya luto Pitau lulago ai ka'a keheli bati hana bona'i ana yupahi nagami'i fele su he'ahana. Ya'mana yupahi bona'i nehana'alo Hu'mau molo emi'ehina 3,000 boana'i yabe.

Galesia 3:28

To ya hu'ehina'mu Yuta bona'i nehana to fegutoga bona'i nehana, kele kele'i yagapana'i lolo hite tina'a limina'a hite mine'ahana, fa'menego minelata hi'ahana boana'i fato hite minelata hi'ahana. Yamofihi su ho'ehigo yatai lenali asaga'i Yesu Kilisitotoga bite hepite moneko koguna lolo hi'ahabe.

Romu 10:10

Lali Hu'mamofitoga keheli ule'ale hunogo komopatigu lele'mo bati hilibe. To lali labagatiguti Yesu kibina boti nohibe luto nolunogomo ai lele'menogo minoba minoba hilune.

1 Koliti 11:11

Ya huto ni'inaya bona'i ya'ma ana'magihi kaba nehanaya to ana'i ya'ma bomagihi kaba nehana yamofihi Sipi Bomofihi bulo ya'ma boana'i fato fato'mofihi minalana yamofihi laga mehilina'mu yabe.

Aposolo 28:31

Ai Hu'mamofihi kapo'amofihi kaga'a lu yege ho epito Sipi Bo Yesu Kilisitohi kaga'a enelepito amuya kaga lu epilata higo bo moneuba kaga'a mone i laga mehu'ehigo Polu anaga mino'ehina yabe.

Aposolo 20:25

To ka mone hiti lu lepilugi keheli'ehilo. Lenali okaba'ni aku'i be megalabe. Nani lenalitoga bula ola nohuto ya'ma Hu'mamofihi Kapo'a kumu'i lu hokolo hu letoto humofa'na hu'ohuna bomofita okaba'ni alihi be megalabe luto akeheli'ohube.

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

Aposolo 18:8

To Kilisipau, Yuta bona'magi li nupa nehana mono noto kaba hu'ehina bouba ai lalameha'a hiti Sipi Bomofitoga komopa'ani emite Poluhi ka'a mege'i mele'ahana. Ya nehago Koliti bona'i luga'a babu lite Poluhi ka'a kehelilete ana mono ka li pili kete nagami'i fele'ahana yabe.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Aposolo 5:14

Ya hana babu boana'i Sipi Bomofitoga komopa'ani emi'ahana nehanalo luga'a yuhufa babu lite ete ikele ikele hi'ahana yabe.

Luku 9:60

Yesu ma luto lu'ehina: Kai he'mitogo filise bona'i suhi hite komopa'ani menimise'namagi fili'ehina bona'i keli halabe. Kai buto Hu'mamofihi kapo'a kumu lu yege homofa'na hubo, luto Yesu ana bo lu emi'ehina yabe.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Aposolo 8:4

Enali Yesutoga komopa'ani emi'ahanamagi tili tele hite bite minela minela hi'ahana hepatoga ka lamana'a lu yege he'ahana.

Aposolo 19:5

Polu ya luto lu epigo enali ana kaga kehelilete Sipi Bo Yesuhi gi'alo nagami'i fele'ahana.