Aposolo 8:1 - Ka Lamana'a Monoꞌi Lu Mu Tifiꞌehina Ka Yabe

¹ Ya'mana kana'aloti fato bona'magi hapi fite Yelusale hepalugu Yesutoga komopa'ani molo emite neminana boana'i enegene mane ite neenahago tili tele hite Yutia kegi'a nebago Samalia kegi'a nebago hi'ahana yabe. Ya hana 12'a aposolo bona'i Yelusale analo mine'ahana yabe.

Aposolo 8:1 Referans Kwoze

Aposolo 22:20

To kai kumu kaga lu epise bo, Sitifeni efa kosatu afili'ahana halune'mu nehago nani yanaga minoto halana bomofihi kata'ani kaba huto to golahi limito filifa hu'ehina'a bati suhi nehabe luloto mino'ohuna ya'ma enali keheli'ahabe.

Aposolo 7:58

Ya hilete hepaluguti fegutoga le'mo melelete efaha osahi hapi fite gufalo he'mi mele'ahana. Enali yata'a Sitifenihi faga lube molobe hi ete'ahana bona'magi gukete'ani kisite neheya kola bo mone gi'a Soliu yabe luto nohina bomofihi metoga mele'ahana.

Aposolo 5:40

Ya luto ligo kanisole bona'magi kaga'a mege'i mele'ahana. Ya hilete aposolo bona'i kehe ilete naga osatu enibi yigi'ahana. To enali amuya ka epekite aku aku'i Yesuhi gi'a helete kaga lu epimofa'na mehilo. Ya lite lu epilete aposolo bona'i he'mi epalago bi'ahana.

Aposolo 5:33

Enali kanisole bona'magi aposolo bomagi lanaga kehelilete enitaluga logo bigo enoho fililune'mu hi'ahana.

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Aposolo 8:14

Enali aposolo naga'i luga'a Yelusale hepatoga mine'ahanamagi Samalia bona'magi Hu'mamofihi mono ka'a li tokolo habe lago keheli'ahana. Ya hilete Pitanogo Yoninogo ana hepato etoho lifi mele'ahana.

Aposolo 9:31

Ya hulago Yutia kegi'afi Galili kegi'afi Samalia kegi'afi Yesutoga komopa'ani mele'ahana bona'magi fuluna agoyanaguti bati hite mine'ahana. Ya hago bona'i luga'a babu lite huto hilete enalitoga ete ikele'ahana. Ya hilete enali Sipi Bomofihi mege'i melete minago Sikalafu'uba enele'mo amuya molo'ehina yabe.

Aposolo 8:4

Enali Yesutoga komopa'ani emi'ahanamagi tili tele hite bite minela minela hi'ahana hepatoga ka lamana'a lu yege he'ahana.

Yoni 15:20

Nani kaga mone ma luto lu lepi'ohunamo yamofihi lenegekesu mehese kehelilo. Kele kele pana'uba kaba bo'auba lolo huto moloto nohina nasana be meligilina'mu yabe. Enali nani'i kalana'i mele netelata nehanaya lenali hiti ana hite kalana'i mele lepalalune'mu habe. Nani kaga'ni kehelite li gu mei'ahanamo ni'inagi lenali kagatini ana suhi hite kehelite li gu meilune'mu habe.

Hibulu 11:27

To Moseu ai keheli ule'ale hu'ehina'mu yabe luto gihiti bo, Felohi ita bilata nohina'mu ya'ma lesa meligo keheli he'mito Iyipi me'i ya'ma he'mi'ehina. He'miloto i behe huto aku'i analo mebulata nohuto Hu'mamofihi bu megolatanamofihi ai bu'atu bu go'ehina lolo higo aitoga buto i kolo'ehina yabe.

Filipai 1:12

Nalalu'nigita, nani kumu keheli'ahana ka lu hokolo hu nolepube. Nanitoga nasana keta'a hiti huto hu'ehina yanauba ka lamana'a fi hetofa hiligopa ka lamana'auba bu baga ito buto lilibe luto huto hu'ehina.

Aposolo 13:1

Atioki hepalugu Hu'mamofihi kaga'a mege'i melete neminana boana'magi folagaha'anigu kaga lu yege holata bo luga'a hiti to kaga enelepise bo hiti mine'ahanamagi enigi'ani Banabasi yagi Simioni fato gi'a Nupa Bo yabe lilata hana bo yagi to Lusiu, Sailini hepato bo yagi Manaeni ai Helotihi gamanilo hofa to'ehina bo yagi to Soliu yagi hite mine'ahana yabe.

Aposolo 7:38

Ya'mana bouba Isilaeli bona'i ka melugu ai hiti li nupa hi'ahana. Ai tatatigi hiti to agelouba Sainai kosagu Moseu hiti kaga li'ahana yabe. Hu'mamofihi kaga'a minoba minoba huse'mofihi liloto ya'ma lalitoga lu limi'ehina bo nohibe.

Aposolo 5:20

Lenali bite sipi mono nonugu ho tilete hetofa kapomu'i lite bona'i ka lamana'a lu epilo.

Aposolo 5:18

Enali aposolo bona'i enayato lite sipi naga nonugu enele'me mele'ahana yabe.

Aposolo 2:47

Asaga yupahi utehi etehi Hu'mamofihi gi'a li saga hite minelata hago asaga boana'magi enugufagu bati hu'ehina yabe. To asaga yupahi Sipi Bouba boana'i luga'a enubuto bito enali folagaha'anigu molo emilata higo boana'i babu lu'ehina yabe.

Yoni 16:2

Enali ya hite mono nohi fi hekini lo lepalalana'mu. To kana mone hupamone hilube'mu lenoho fililabe lite nehinogo Hu'mamofihi lemehi noemupihe lite lenahalana'mu yabe.

Matiu 23:34

Ya hu'ehinagi lenali kehelilo. Nani kaga lu yege hose bo luga'a hiti, to lataha'anigu kaga bati huto ni'ilina bo hiti to mono ka keheli bati hi'ahana bona'i hiti lenalitoga enoho lifinogo'ni bilana'mu yabe. Enali folagaha'aniguti luga'a enoho fililabe, to luga'a malipu yafalo enahalabe, to luga'a mono nohatinigu nehinogo naga osatu'i enibi yigilana'mu yabe. To lenali mone hepatoti enele'mo he'minogo fato hepalugu netinogo enegene mane ite enele'mo fato hepato malalana'mu yabe.

Matiu 22:6

Ya nehago luga'a bona'magi ana gihiti bomofihi koko pana'a enayato lilete naga osatu luga'a nebiyigite to luga enoho fili'ahana yabe.

Matiu 5:13

Bona'i lenali me'mofihi hege'a legi hite nehabe. Ya hu'ehina ana hegemofihi laga'a abu su holagomo lenali aku'i hena hago ana hegemofihi laga lenalitoga olata nohibe? Ya hina hegemofihi lilina'a meminolata nohibe. Enali bati mehu'ehibe lite li nehe'migo boana'i analo lapasa ite kapo melelata nehabe.

Aposolo 7:54

Ya luto kaga enali kehelilete enipagu logo bigo enabagalo heni kofilete Sitifenihi sipi ipakafa he'ahana.

Aposolo 8:2

Hapa'ani bati hina bona'i Hu'mamofihi ka'amofihi mege'i nemalana bona'magi Sitifenihi sipi yibi nama nehi etete le'mo keli he'ahana yabe.

Aposolo 8:5

Filipiu sipi hepa'i monelugu Samalia limiloto ka lamana'a boana'i enubulo lu yege nohoto Mesiahi gi ho'ehina yabe.

Aposolo 13:36

To Tebitiu Hu'mamofihi mege'i moloto lili'na lito boana'magi folagaha'anigu melugu mino'ehinamo akeheli'ohuna. Ya huloto alihi filigo tatatigi kene keli beleha'alo keli ho etago tuguma bi'ehina yabe.

Aposolo 26:10

To nani ya'mana suhi Yelusale hepalugu ali huto hu'ohube. Mono noto kaba bona'magitogati kaga liloto'ni Hu'mamofihi bona'a babu lito nagalugu enele'mo mologo alihi enoho nefiligomo nani bati hite nugufagu laga hina suhi nehabe lulata hu'ohuna yabe.

Romu 1:32

To bona'i moneuba Hu'mamofihi keya ka mege'i memalalinagi fililina'mu yabe lite nelana ya'ma keheli fiya i'ahana. Ana mono ka akeheli'ahanaya aku foipana'ani hilata nehabe. To bona'i moneuba foipana li huto hinogo enali bu gelete bati huto yagi yana suhi hubo, lite lu emi'ahana yabe.