Aposolo 7:51 - Ka Lamana'a Monoꞌi Lu Mu Tifiꞌehina Ka Yabe

⁵¹ Lenali kegeiyo bona'i. Lenali kaga mana'a Hu'mau molo'ehina li komopatinigu melete meminana bona'i yabe. Lenali asaga'i tatatinigi hi'ahana ana supo lite nehabe. Asaga yupahi lenali Sikalafu'i le'mo he'milata nehabe.

Aposolo 7:51 Referans Kwoze

Efeso 4:30

Hu'mamofihi Sikalafu'a le'mo ipagu sibina mehilo, yamofihi lenigiki ka lite le'mo felu kalu mehalo. Hena'mube? Hu'mau alihi kana napa'a huto hulenogomo lenalimoya gulu hoto fi hetofa hu letalibe luto Sikalafu'a yaga osahi tegi huto lepi'ehina ni'ibe.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Aposolo 6:10

Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.

Kolose 2:11

To lenali Kilisitotoga elago ai lenugufatini laga mehuse komopatinigu foipa hapatini amuya'a laga hu he'mi lepolo'ehina. Ya nohuto enugufa laga nehana suhi huto komopatinigu hu lepolo'ehina.

Romu 2:25

Kai Yuta bona'i enugufa laga hi'ahananaloga keheli emito to keya ka mege'i mololetogo hetofana huto hilibe. To kai keya ka mege'i memololetogo ya'ma kugufa laga hu'ahata ni'inamo fenene hilina suhi hilibe.

Aposolo 7:39

To tatatigi kaga'a keheli he'mi'ahana. Ya hilete enali Mosehi le'mo felu hete fato le'mo nemelete Iyipi melugu aku i behe hite bilune'mu hi'ahana.

Aposolo 7:27

Ya noligo ai gona'a nohana bouba Mosehi le'mo felu holoto ma luto lu emi'ehina: Kuyu'afu lu ketago kai kabati'a minoto le'ali kaga loko hilube'mu nohane?

Aposolo 7:9

Enali tatatigi Yosefehi ipakafa helete fato bona'i le'mo neepite efahi li'ahana yabe. Ya hago Iyipi metoga le'mete bi'ahana. To Hu'mau ai hiti moneka mino'ehina.

Aposolo 7:35

Ya'mana Mosehi Isilaeli bona'magihi enemegesa hu emi'ahana yabe. Kuyu'afu kele'mo ho tigo kaba hu letoto kagati loko hilube'mu nohane? Enali ya lite loka he'ahana. Ya'mana bouba kaba bo'anifi to enehe'mose bo yabe luto Hu'mau ho lifi'ehina yabe. Ufeha'a hiti yafa lagaso'agu agelouba logo guluya meha'agu bu go'ehinana ya'ma kene'uba Mosehi he'mo'ehina.