Aposolo 7:25 - Ka Lamana'a Monoꞌi Lu Mu Tifiꞌehina Ka Yabe

²⁵ Mosehi ai naga'amagi ma lite enekesa kehelilafi luto ai keheli'ehina yabe. Ya'ma bouba Iyipi bona'magi enayanuguti lele'mo lubuto bilifi lite keheli bebe salafi luto keheli'ehina. Enali keheli bebe mese'ahana yabe.

Aposolo 7:25 Referans Kwoze

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

1 Koliti 15:10

Nani aposolo lolo huto nani hapa'ni fato fato huto ni'ina yamofihi Hu'ma komopa'a hokolo hina bouba lu netago lolo hu'ohube. To ai komopa'a bati hina bouba aposolo lili'nalo nele'mo malago fa'mene lolo mehube. Nani foya li'ohuna yamofihi aposolo luga'a enebe ligito li'ohuna yabe. To nani hena'niloti lutine? Hu'ma komopa'a bati hinauba nanitoga minago li'ohube.

Romu 15:18

Ya'ma foya hena'ni huto lutita ni'ibe? Ya nohuto'ni nelesa meligo Yesu Kilisitou nehe'mago'ni fegutoga bona'magihi Hu'mamofitoga enele'mo'ohunamofihi kagasigo lu epilata nohube. Yesu Kilisitou nele'mo hetofa higo fegutoga bona'magihi mono ka keheliya ilabe luto foya'a li etoto mino'ohuna. Ya'mu keta mehuse huto lu lepilugi kehelilo. Nani ya'ma mono ka lu huto huse'a lu noepube.

Aposolo 21:19

Polu enebe tigito'a kaga'a asaga'i lu epito ya'ma Hu'mau fegutoga bona'i hetofa hu epolo'ehina'a ya'ma Poluhi foya'a li'ehina'mu asaga'na yamofihi kaga lu epi'ehina yabe.

Aposolo 15:7

Enali kenasabo bite kaga lumupa ilago Pitau ho tiloto ma luto lu'ehina: Nalalu'nigitase. Koyapa kanagu nani'i fegutoga bona'magitoga ka lamana'a lu yege ho epilenogo enali ana kaga kehelite li komopa'anigu malalabe luto Hu'mau lenali folagahatiniguti nele'mo ho ti'ehina lenali keheliya i'ahabe.

Aposolo 15:4

To enali Yelusale hepato henetigo Yesuhi kaga kehelise bona'magi hite aposolo bona'i hiti to olopa bona'magi etebe tigi'ahana. Ya hago etalitoga Hu'mau etoto'ehinamofihi hapa hapa'a lu epi'aha'ina yabe.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Luku 18:34

Yesu ya luto lu epina kaga enali aposolo panana'amagi hapa'a mekeheli'ahana yabe. Yesu lina kaga hapa'auba enalitoga fala ki epolo'ehigo ana kaga lu epina enali keheli bati mehi'ahana yabe.

Luku 9:45

Ya lina enali ana ka hapa'a mekeheli'ahana yabe. Ana kamofihi hapa'a fala kito ni'igo enali keheli hokolo mehite aku'i loka halupi hena hilupi lite loe lae hite enelesa lu'ehina yabe.

Maki 9:32

Ya ligo, enali ya'ma ka'a enelepise'namofihi mekehelise nehanati to aku'i enelesa'ani ligo hapa'a loka mehese mine'ahana yabe.

1 Koliti 3:9

Le'ali Hu'mamofihi lili'nalo bo'a nohu'ibe. Hu'mamofihi foya'a lenaliya nehabe. To mone hiti fono ka luto lenali Hu'mamofihi nohi hepa'a lolo hite nehabe.

Aposolo 7:24

Iyipi bo moneuba Isilaeli bomofihi kaga lube sibina hube nohu etago bu goloto Isilaeli bomofitoga moloto Iyipi bo nona'a emito ho fili'ehina yabe.

Aposolo 7:26

Nohi koto ete kaga Moseu ana huto Isilaeli bo loemo luba neha'igo bu etogo'ehina. Ai ana bole etele'mo baba ilube'mu huloto ma luto lu etimi'ehina: Nalalu'nile'ita letali moneko naga'mo neha'ina letali letugufagu hena luba neha'ibe?