Aposolo 7:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ya huto asaga ketana aitoga huto hu'ehina. Aitoga fuluna emito ka keheliya ise'na kibina bo Felo ai okaba'alo bulo emi'ehina. Ya higo Iyipi gamani bomagihi kaba bo'ani hiti to ai noha'agu asaga fe'noha'alo hiti kaba gimi gilibe luto Felou Yosefehi le'mo molo'ehina ho ti'ehina.

Aposolo 7:10 Referans Kwoze

2 Timoti 4:18

To Sipi Bouba ai'a ya'ma asaga nele'mo sibi sibi hilana'mu nele'mo bati huto kokuluma kapo'agu he'mi netalina'mu yabe. Ai fana meha'a ya'ma mino lito buto minalube'mu aitoga lofokehi lino. Lama'naka.

Huto Hilina Ka 7:14

Ya luto noloka hago nona'a ma luto lu emi'ohuna: Kibina bo'nimaka ya'ma kaika keheli'ahatigi lu menonimine. Ya luto lugo ai lu'ehina: Enali kalana'i mele ketelata nehanamofihi komopa'aguti enabaga hiti e'ahanamo ni'ibe. Enali gukete'ani ya'ma sipisipi nala'amofihi golaha'atu okala hite lite hapa'a li lolo hite li'ahabe.

Yemesi 5:11

Keheli'ahafihe? Enali ule'ale hite lite mine'ahana bomu'i ya'ma Hu'mau lusa gi epolo'ehina bo yabe, luto lulata nohune. Koyapa bouba Yopu ai keke'i luto minoto kosele'i mehago mino'ehina'a akeheli'ahabe. Aliha'a ya'ma Sipi Bouba ana'ina lamana'a molo eto'ehina ya'ma akeheli'ahabe. Yana'mu Sipi Bouba lalitoga ginaga fito bu goloto komopa'a limito lele'mo hetofa hu letalinamo ni'ibe, luto kehelilune.