Aposolo 6:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya nohigo luga'a bomagi ho tilete ai kaga'a pelesa i'ahana. Ya'mana bona'i enali Yuta bona'i fato mono ka nekehelina bo, enali fato mono'ani Lali Foyati yabe lite gi'a helata nehabe. To enali Sailini hepatoti yagi Alekasatilia yagi, to mone'amagi Silisia yagi to Esia, asaga ya'ma hepatogati ete li nupa hite nehana bomagi yabe.

Aposolo 6:9 Referans Kwoze

Aposolo 23:34

To gamani bouba ana fayahi leka soloto: Kai hiya kegi'a bo nohane luto Poluhi loka ho'ehina. Ya higo: Nani Silisia bo nohube luto Polu lu emi'ehina.

Aposolo 22:3

Nani Yuta bona'i nohube. Meya Silisia kapogu Tasasi hepatoga ito'nifu analo'i neketo'ehina. Yalo ma Yelusale hepatoga nele'mete ago sukulu tito to ya'ma babafi bo gi'a Gamelieli nelepito minago ya'ma tatatigihi mono'i keya ka'ani keheliya ito ya'ma hapa'agu keheli amuya huto hofa to'ohuna yabe. To lenali yatai hi'ahana suhi huto nani ana huto hulata minoto Hu'mamofitoga amuya moloto mino'ohuna.

Aposolo 15:41

Polu Silia kegi'a hiti Silisia kegi'a hiti buloto Hu'mamofitoga komopa'ani emi'ahana boana'i kaga lu epito enele'mo amuya molomo bu'ehina.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Matiu 27:32

Enali kapo melete nebite Sailini metoga bo gi'a Simoni ai'i be gelete fitu fo etete Yesuhi he'moto malipu yafa'a kofi etobo lago ai kofi he'mo'ehina.

Galesia 1:21

Yelusale hepatoga ya huto minoloto'ni ya'ma Silia metoga to Silisia metoga ya'ma buto mino'ohuna yabe.

Aposolo 21:27

To ana kanagu 7 yege yupahi su halube'mu nohigo, Yuta bona'magi Esia kapoguti e'ahana enali Poluhi sipi mono nonugu nohigo be gelete asaga li gehesa he'ahana boana'magihi kenasabo bi epelete Poluhi nu nekite kehe ite ma labe:

Aposolo 19:10

To ai ya huto minoto kufu loemo li he'mina kana'agu Yuta bona'ifi Giliki bona'ifi to silaga bona'i Esia melugu mine'ahanamagi Sipi Bomofihi ka'a akeheli su he'ahana yabe.

Aposolo 18:24

To Alekasatilia hepatoti Yuta bo mone oto Efeso hepato mino'ehina bomofihi gi'a Apolosi yabe. Ai kaga le'mo bati huto lu epilata nohina to ana huto Hu'mamofihi mono ka fayanugu ge'ahanamofihi keheli bati hu'ehina bo yabe.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Luku 21:12

Ya hu'ehina ya'mana asaga'na huto mehu'ehinogo yata'a lenegene mane hite lenele'mo sibina hilana'mu yabe. Enali mono nonugu lenele'mo melete naga'i lepilana'mu yabe. Enali nani nigi'ni li melugu malalune lite lenele'mo gihiti bo enubulo hiti gamani bona enubulo hiti bite ka foya lilana'mu yabe.

Maki 13:9

To ya'ma huto nohinogo lenalitini kaba hi bati hilo. Boana'magi alihi lenali'i kefefe hite bite mono nonugu lenele'mete bite ka foya lilete osahi lepilabe. Nani kumu lite lenele'mete bite gamani bona enubulo to enikibina bona enubulo lenele'mete bite ka foya li lepalalabe. To ya hinogo lenali nani kumu ka lamana'a lu epilabe.

Matiu 10:17

Lenali kaba hu bati hilo. Enali bona'i luga'amagi naga'i lepelete ka foya li lepelete enali li nupa hite minelata nehana nonugu lenele'mo melete naga osatu lenibi yigilana'mu yabe.

1 Koliti 1:20

Ya'mu kehelise'nati ni'ibe lite neminana bona'i hiya'a hite minalabe? To mono kamofihi keheli akeheli nohune lilata nehana bona'i hiya'a hite minalabe? To yatai kanamofihi hapa'amu kaga foya lilana bona'i hiya'a hite minalabe? Hu'mau ai'a bona'magi kehelise'na'ani fa'mene kaga ni'ibe luto keheli'ehina yabe.

Aposolo 26:11

Nani babu yupahi Yuta bona'magi li nupa hite minelata nehana nonugu posa gito enayato lito naga osatu enibi yigiloto Yesutoga komopa'ani neemina he'milafi luto naga'i epi'ohuna. Enali kumu luto nani nitaluga logo bilata higo fato fato hepato foto'i nehanalo enegene mane ito enoholata hu'ohuna yabe.

Aposolo 22:19

Ya luto ligo nani ma luto lu emi'ohube: Kibina Bo'nise, koyapa nani asaga fato fato mono nonugu tito agoya hu kimi'ahanamagihi enele'moto naga'i epito to segi osahi epito mino'ohuna ya'ma enali keheli bati hi'ahana.

Aposolo 21:39

To Polu ma luto lu emi'ehina: Nani Yuta bo Silisia kapogu Tasasi hepato olopa nohi hepato yanugu ito'nifu neketo'ehina. Nani ya'ma li gehesa nehana'amagihi kaga lu epiluna bati huto ni'ifihe?

Aposolo 19:26

Ma bo Polu nohinanamofihi hapa'a lenalitini lenubutu be gelete akehelilata nehabe. Ai silaga bona'i Efeso maga asaga'i nehana hiti to asaga Esia kegi'a bu baga iloto ma luto lu epilata nohibe: Bona'magi enayatu ana'ina meha'a lolo hite komopa'ani emilata nehanaya faga faga suhi nehabe luto lu epilata nohibe.

Aposolo 13:45

Ya hago Yuta bona'magi babu boana'i li gehesa hana bu gelete siko hilete enipakafa he'ahana. Ya hilete Polu kaga nolina kaga'a li sibi hite fagalo bo nohatagi kaga meluse analo he'mibo lite bunepa i'ahana.

Aposolo 13:1

Atioki hepalugu Hu'mamofihi kaga'a mege'i melete neminana boana'magi folagaha'anigu kaga lu yege holata bo luga'a hiti to kaga enelepise bo hiti mine'ahanamagi enigi'ani Banabasi yagi Simioni fato gi'a Nupa Bo yabe lilata hana bo yagi to Lusiu, Sailini hepato bo yagi Manaeni ai Helotihi gamanilo hofa to'ehina bo yagi to Soliu yagi hite mine'ahana yabe.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Matiu 23:34

Ya hu'ehinagi lenali kehelilo. Nani kaga lu yege hose bo luga'a hiti, to lataha'anigu kaga bati huto ni'ilina bo hiti to mono ka keheli bati hi'ahana bona'i hiti lenalitoga enoho lifinogo'ni bilana'mu yabe. Enali folagaha'aniguti luga'a enoho fililabe, to luga'a malipu yafalo enahalabe, to luga'a mono nohatinigu nehinogo naga osatu'i enibi yigilana'mu yabe. To lenali mone hepatoti enele'mo he'minogo fato hepalugu netinogo enegene mane ite enele'mo fato hepato malalana'mu yabe.

Aposolo 6:10

Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.

Aposolo 24:18

Ya hilube'mu nohuto keya kauba lu'ehinamofihi mege'i moloto nani nugufa'ni okala hilube luto sipi mono nonugu tito nohugo enali be nege'ahana. To babu boana'i nani hiti moneka meminago to luga'a bona'magi luba kaga meli'ahana.