Aposolo 6:6 - Ka Lamana'a Monoꞌi Lu Mu Tifiꞌehina Ka Yabe

⁶ Enali ya'mana bo li nupa hite ete aposolo bona'magi naga'magi enubulo ho tigo enali ana bomagihi enugufalo enayahi li saga hite melelete nunumu hi epelete lusana epi'ahana lusa gi epele'ahana.

Aposolo 6:6 Referans Kwoze

2 Timoti 1:6

Anana'mu keheliloto'ni lu'ohuna ka'a ya'ma aku'i kehelilane Nani koyapa'i nayahi latahakalo molo'ohugo lusa negi ketago Hu'mamofihi mono ka'amofihi amuya fi hele hu keto'ehinamofihi ya'ma kaba hu bati huto amuya moloto minomo tito minetogo logo libi suhi huto lolo hino.

Aposolo 1:24

Ya hilete yalo enali nunumu ma lite hi'ahana: Sipi Bo, kai asaga bomagihi komopa'anigu bu go fulu tise bo nohane. To yamu'i, Sipi Botimaka, ma bo loeguti hiya bouba ya'mana hepa'i lito lili'na lilifi kai lelepibo. To Yutasiu kapo'aga bilube'mu nohuto aposolo lili'na he'mi'ehinana'a ana lili'na kosaba bo lilinamo ni'ibe.

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

Aposolo 8:17

To Pitaugo Yoniugo etayaha'atiti enali lataha'anilo mala'igo Sikalafu'i enalitoga limi'ehina.

Aposolo 13:3

Ya ligo enali nose'na mo site minete nunumu hi etetelete enayaha babeyafa hite lusana etimilete etoho lifigo bi'aha'ina yabe.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.

1 Timoti 5:22

Bona'i luga'a enali kumu mono foya lilabe luto li aku metose lataha'anilo kayahi moloto lusa gi epalane. Enali foipanauba kai kugupisalo ti laligi kaika komopaka kegekesa kaba hitogo komopaka gulu gulu linogo minalane.

Hibulu 6:2

To mono nagami'i fololata nohuta ka'a to lataha'anilo layahi moloto lusa gilata nohuta to filise'naguti ho tise'na to foipana lolo hu epoloto ka foya lilata nohuta buba buba huse'namofihi kaga'a hena'mu aku'i yamofihi lito hapi filune?

Aposolo 9:12

To bamulugu bo mone gi'a Ananiasiu yaha'a bu'alo meko higo ana bu'a aku'i i gili hilube'mu bu go'ehibe. Sipi Bouba ya luto lu emi'ehina yabe.

Aposolo 19:6

Ya nehago Polu lataha'anilo yahi noligo enalitoga Sikalafu'i limigo fato fato nogo hite Hu'mamofihi ka'a ana nogoguti li'ahana.