Aposolo 6:5 - Ka Lamana'a Monoꞌi Lu Mu Tifiꞌehina Ka Yabe

⁵ Asaga boana'magi aposolo bona'magi lu huto hana kalo enegelo bi'ahana. Ya hilete Sitifenitoga Sikalafu'uba bai tana bo le'mo ho ti'ahana. To Filipiu yagi Polokolu yagi Nikeno yagi Timoni yagi Pamenasiu yagi to Nikolasiu ai Atioki hepatogati fegutoga bo Yuta bona'magi mono kagamofitoga komopa'a molo'ehina bo hiti enele'mo ho ti'ahana yabe.

Aposolo 6:5 Referans Kwoze

Aposolo 11:24

Banabasiu ai hetofa bo minoto komopa'a Hu'mamofitogago emito minago Sikalafu'uba aitoga bai tago mino'ehina. Ya higo babu boana'i komopa'ani i gelehe hite Sipi Bomofihi naga'a hiti ikelete moneka mine'ahana yabe.

Aposolo 21:8

Koloto etepo anagati he'mito buto Sisalia hepatoga nehetito kaga lamana'a lu epilata bo, gi'a Filipi yabe, ai'a noha'agu ti'ohune. Ya'mana bo koyapa kanagu Yelusale hepalugu mono bona'magi ai'a hiti to lalu'afu 6 enali hiti enele'mo ho ti'ahana.

Aposolo 6:8

Sitifenitoga Hu'mau Sikalafu'a emilago amuya sipi liloto boana'magihi folagaha'anigu babeyafana fato fato'i li huto hu'ehina.

Aposolo 7:1

Sipi mono noto kaba bouba Sitifenihi loka ho'ehina: Enali ma'naka nelafihe?

Aposolo 6:3

Nigibo nagabose. Lenali nayahi mone kegi'a su hago mone kegi'ati loemo heleko melenogo lenali folagahatiniguti enele'mo ho tilo. Enalitoga Sikalafu'uba bai tago kaga keheli bati hi'ahago boana'magi enali kumuko nelilana bo yabe. Ya hilete ya'mana bo enele'mo melenogo ya'mana lili'na kaba hite lilabe.

Aposolo 13:1

Atioki hepalugu Hu'mamofihi kaga'a mege'i melete neminana boana'magi folagaha'anigu kaga lu yege holata bo luga'a hiti to kaga enelepise bo hiti mine'ahanamagi enigi'ani Banabasi yagi Simioni fato gi'a Nupa Bo yabe lilata hana bo yagi to Lusiu, Sailini hepato bo yagi Manaeni ai Helotihi gamanilo hofa to'ehina bo yagi to Soliu yagi hite mine'ahana yabe.

Aposolo 11:19

Sitifenihi ho fili'ahana kana'aluga komopa'ani emito mine'ahana bona'magi enegene mane ite enahago enali tili tele hite fato fato hepato bi'ahana yabe. Luga'amagi Fonisia hepato foto'i nebago Saipalasi to Atioki hepatoga nebago hilete ka lamana'a Yuta bona'magisigo lu epi'ahana.

Aposolo 6:10

Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.

Huto Hilina Ka 2:15

Ana suhi hite, lenali hepatiniga bona'i luga'a enali Nikolasihi bona'a enali bona'magihi foipana lilete ana suhi mege'i nemalabe.

Huto Hilina Ka 2:6

Luga'a ya'ma lenali kumu kehelugo bati hulata nohibe. Lenali Nikolasihi bona'a ya'ma lenali ana'ina lolo hite melete nehana ya'ma laga'ni menonebesibe luto lu'ohube. Yana'mu nani hiti lenali hiti moneko kumu menolebesibe.

Aposolo 15:22

To aposolo bona'i hiti to olopa bona'i hiti asaga mono bona'i hiti kaga lu monetoga melelete enali bo luga'a folagaha'aniguti enele'mo ho tinogo Atioki hepato Polunogo Banabasinogo hiti enoho lifinogo bilabe lite keheli'ahana. Ya hilete enali Yutasihi fato gi'a Basabasiu yabe lite gi helata nehana bo hiti to Silasi hiti etele'mo ho ti'ahana. Ya'mana bole asaga bona'magi bati bo neha'ibe lite lilata nehana bole yabe.

Matiu 23:15

Keya kaga kehelise bo hiti Felosi bo, lenali ehetinio. Lenali loe kaga lulata bo lenabaga kaba hilo. Lenali koko boti lilune lite mone bo ai mono kagatimofihi mege'i malalibe lite hege nagami beletoga to hepato hepato sa sa hilata bo yabe. Ya hite, koko panatini le'meletemo aku'i lenali logo kapolo lenalitini suhi lite le'mo melelata nehabe. Ya hu'ehina ai lenebege ligito babu luto foipana'a nominabe.

Aposolo 2:4

To Sikalafu'uba asaga aposolo pana enalitoga bai tago enali fato fato kaga li'ahana, ai Sikalafu'uba li enabagalo malana kaga li'ahana yabe.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Aposolo 11:22

Ya'mana kagauba Yelusale hepato Yesuhi nehanalo henetigo analoti Banabasihi ho lifigo Atioki hepatoga bu'ehina yabe.

Aposolo 11:26

Ya huto Solihi bu goloto Atioki aku'i le'moto o'ehina. Ya hilete ana hepato kufu mone'a mino baga ite Yesuhi naga'a enele'mo nupa hite sipi luga'a ka mana'a enelepi'aha'ina yabe. Aposolo bomagi Atioki hepato yata'a yupahi Kilisiteni enigi li'ahana yabe.

Aposolo 11:27

Ya'mana kana'alo Yelusale hepatoti kaga lu yege holata bo Atioki limi'ahana yabe.

Aposolo 22:20

To kai kumu kaga lu epise bo, Sitifeni efa kosatu afili'ahana halune'mu nehago nani yanaga minoto halana bomofihi kata'ani kaba huto to golahi limito filifa hu'ehina'a bati suhi nehabe luloto mino'ohuna ya'ma enali keheli'ahabe.