Aposolo 6:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya hinogo laliti nunumu huse'na hiti to boana'i kaga lu yege hose'namofihi lili'na'asigo li eto huto lito bilune.

Aposolo 6:4 Referans Kwoze

Aposolo 1:14

Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.

Aposolo 2:42

Enali aposolo pana'magi kaga'ani mone'a hiti kehelilune lite amuya mele'ahana, to enigibo nagabo enehe'mola, nose'na monekolugu li nupa hite nela hite to nunumu monekolugu li nupa hilete hilata hi'ahana yabe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

Romu 1:9

Nani Hu'mamofihi pana'amu ya'ma hetofa ka lamana'a lu yege hoba hoba nohube luto'ni ya'mana lusiga noluta Hu'mau ai keheli bati hu'ehina. Ma'naka luto nani asaga yupahi ete hiti ute hiti lenali kumu Hu'mamofitoga nunumu nohugo ana huto ai keheli'ehina yabe.

Kolose 4:17

To mone bo, Akipasi, ma lite lu emilo: Sipi Botiu kimi'ehina lili'na yamofihi mehe'mise li baga ibo.

Kolose 2:1

To nani lenali'i to Leotisea hepatoga bona kumu to nokaba'ni bu mege'ahana bona kumu lusi lili'na noluna nekehelifiye?

Filipai 1:4

Lenali ka lamana'a yata'a hapi fite kehelilete ana'asi nani ana kaga lili'nalo nehe'mete minete hi'ahana ya'mu kehelugo lenali kumu yabe luto komopa'nigu bati higo minoto Sipi Bomofitoga fokehi luba luba huto nominobe.

1 Koliti 9:16

Ka lamana'a lu huto hulata nohube. Yana'mu lusi bo nohube luto liluna yamofihi bati mehilina'mu yabe. Lili'na'amofihi nani nugupisalo molo'ehinamo ni'ibe. Ka lamana'a lu yege mehotita akae, bati mehina suhi huto minotita'mu yabe.

Kolose 4:12

To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

Luku 1:23

Alihi Sekalaiyahi mono nonugu lili'na luga'a su holago ai hepa'aga bu'ehina.