Aposolo 6:13 - Ka Lamana'a Monoꞌi Lu Mu Tifiꞌehina Ka Yabe

¹³ To enali faga faga lu melete ka foya li etalana bona'i luga'a enele'mo mele'ahana. Ya'mana bomagi ma lite li'ahana: Asaga yupahi ya'ma bouba suguna mono nohatimofi hiti to Moseu keya ka li'ehinamofi kumu luto kaga lu sibina hulata nohina yabe.

Aposolo 6:13 Referans Kwoze

Aposolo 6:11

Ya hilete ya'mana bona'magi bati mehina suhi li huto hilete fato bona'i mone'amagihi enekesa bigo enali ma lite li'ahana: Ai Mosenogo Hu'manogo etigi holoto kiya yokolo ka lu etoto'ehibe.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 25:8

Ya hago Polu gufa'a li buto bito ka'anilo nona'a ma luto lu epi'ehina: Nani Yuta bona'magi Keya ka'ani li gofa hola to sipi mono nohi li sibina hula to Lomu sipi gamanimofihi kaga lu sibina hula mehu'ohube luto lu'ehina.

Aposolo 7:58

Ya hilete hepaluguti fegutoga le'mo melelete efaha osahi hapi fite gufalo he'mi mele'ahana. Enali yata'a Sitifenihi faga lube molobe hi ete'ahana bona'magi gukete'ani kisite neheya kola bo mone gi'a Soliu yabe luto nohina bomofihi metoga mele'ahana.

Matiu 24:15

To foipa bati mehina napauba hepa'i li sibina hulata nohina lenali bu galana'mu yabe. To koyapa'i kaga lu huto huto bo Tanieliu anana'mu alu'ehina yabe. Ya'manana ai hepa'i Hu'mamofihi molo emise hetofa hepa'i folagaha'alo ho tito ya'ma sibina huto hilinamo'mu kaga lu'ehina yabe. Bo moneuba ya'mana kaga leka soloto ai ekesa yigi fe lino.

Matiu 26:59

Enali sipi mono babafi bona'i hiti to asaga kanisole bomagi bo moneuba Yesuhi faga lu etenogo ho fililana bo'mu sa sa hi'ahana.

Hibulu 7:12

Ya'ma mamufa gilata foya li'ahana yamofihi tafa'a enele'mo kosaba'i huto mone li huto hulenogo ana tafa'amofihi ka'a keya ka lu'ehina'a ana suhi huto topa nehenogo fato'mofihi kosaba ka mone huto hilina'mu yabe.