Aposolo 6:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya hilete ya'mana bona'magi bati mehina suhi li huto hilete fato bona'i mone'amagihi enekesa bigo enali ma lite li'ahana: Ai Mosenogo Hu'manogo etigi holoto kiya yokolo ka lu etoto'ehibe.

Aposolo 6:11 Referans Kwoze

1 Timoti 1:13

Kohe toto yamofihi le'mo sibi saba huto kalana'i molo etoto kaga'a le'mo mumusopa i'ohunamo ni'inaya nani ya'ma mono ka'a mekeheli'ohutaya to katiya'i mino'ohuna, ya huna'mu Hu'mau osahi nimilube'mu nohuto ginaga fi nimi'ehina.

Romu 3:8

Nani ma kaga lilufi? Lali babu foipanati liloto nohutagi aku hetofana huto hilina'amu ya'ma hiluta ni'ifiye? O'e, ya huto meni'ibe. Bona'i luga'amagi lemege ka leli'ali hite ma lite li'ahana: Ai Polu ma luto lu'ehina: Lali foipanati linogomo Hu'mamofihi bebe sose'na'a huto hilina'mu yabe, lite li'ahana. Faga nelago nani ya'ma kaga melu'ohuna. Yamofihi nelana bona'i nehinogomo Hu'mau osahi epilina ya bati huto ni'ibe.

Aposolo 25:7

Ya higo Poluhi le'mete tilago Yuta bona'i Yelusale hepatoti limi'ahanamagi le'mo bego hilete kaga fato fato'i lu etete fisa i'ahana to ka hapa'a mone ya kaga'mu yabe lite lu hokolo mehi'ahana.

Aposolo 25:3

Kai bati huto lehe'moto Poluhi ho lifitogo Yelusale hepatoga eno. To hena'mugope, enali kapoga kofohi melete gimi gi'ehite ho fililune'mu nehite yabe.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 18:6

Ya luto lu epina enali ana ka'a keheli komopa'anigu memolose kiya hi etelata hago Polu ya nehagomo hulata nohina'a huto gukete'agati mumusopa i tili nohuto ma luto lu epi'ehina: Lenali lenugufatini le'mo lenubuto mebilana ya lenali hapatini'mu luto yabe. To nani yananalo kaba mehu'ohube. Yatai ya'maloti fegutoga bona'i nehanaga buloto Yesu kumu enali'i lu yege hoto minaluna'mu yabe.

Aposolo 15:21

To asaga nohi hepato bo mone minola minola hi'ehite asaga fuli kanagu Yuta bona'i li gehesa hite kaga lu keheli fa keheli nehana nonugu Mosehi keya ka'a leka so epilata to ana ka'a lu yege holata asaga nohi hepato nehanamoya lali ya'ma akeheli'ohune luto Yemesiu lu'ehina yabe.

Aposolo 6:13

To enali faga faga lu melete ka foya li etalana bona'i luga'a enele'mo mele'ahana. Ya'mana bomagi ma lite li'ahana: Asaga yupahi ya'ma bouba suguna mono nohatimofi hiti to Moseu keya ka li'ehinamofi kumu luto kaga lu sibina hulata nohina yabe.

Yoni 16:3

Enali ya'ma Afo'nifi hiti nani hiti bu le'ego bati mehise ya suhi lolo hilana'mu yabe.

Yoni 9:29

Hu'mau koyapa'i Mosehi kaga lu emi'ehina yamofihi akeheli'ohune. To Yesu ya'mana bomofihi hepa'agati o'ehina lali mekeheli'ohune.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.

Aposolo 26:11

Nani babu yupahi Yuta bona'magi li nupa hite minelata nehana nonugu posa gito enayato lito naga osatu enibi yigiloto Yesutoga komopa'ani neemina he'milafi luto naga'i epi'ohuna. Enali kumu luto nani nitaluga logo bilata higo fato fato hepato foto'i nehanalo enegene mane ito enoholata hu'ohuna yabe.

Aposolo 6:10

Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.

Aposolo 6:12

Enali ya lite lana kagauba asaga boana'i to keya ka enelepilata bo hiti to olopa napa bo enali enipaluga lu boyogo fi'ahana. Ya hago enali Sitifenitoga bite yato lite le'mete bite mono kanisole bona'magitoga le'mete bi'ahana.