Aposolo 5:42 - Ka Lamana'a Monoꞌi Lu Mu Tifiꞌehina Ka Yabe

⁴² To asaga yupahi sipi mono nonugufi to enali'ani noha'anilugafi li nupa hite minete boana'i kaga lamana'a enelepite to Yesu Hu'mau le'mo ho ti'ehina bomofi kumu'i lu epiba lu epiba hite mine'ahana yabe.

Aposolo 5:42 Referans Kwoze

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

Aposolo 20:20

To kaga lu yege hoto mono nasana'mu lenelepito mone lenehe'malina ka fala mekise lu lepi'ohuna. Ya'ma asaga bona'ni li gehesa nehanogo lu lepilata huto to lenali nohatinigu moneko'na moneko'na nehago lu lepila huto mino'ohuna yabe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

Aposolo 8:35

Ya luto loka holago Filipiu hapi fito kaga lu'ehina: Ai ya'mana hupamone mono kagaguti hapi fito luto buto Yesuhi kaga bebe sosemofihi ni'inalo molo emito lu emi'ehina.

Luku 21:37

To asaga yupahi Yesu sipi mono nonugu boana'i mono kaga lu enelepi'ehina. Ya huloto folugu'a Oliba kosagu tito kolata hu'ehina yabe.

Aposolo 17:3

Mesiau gabu foya liloto filito aku ho tilibe luto Hu'mau le'mo ho ti'ehina. Ya'ma Yesu kumu kaga lu nolepuna boya ai Mesiau nohibe luto lu yege hago enali enegekesa keheliya i'ahana.

Aposolo 9:20

Soliu mono nohi ni'inaga bu bebe soloto Yesu kumu ma luto lu epi'ehina: Yesu ai Hu'mamofihi Pana'a nohibe.

Aposolo 4:29

Oho, Sipi Bo, amuya kaga asaga'i li'ahanamofito kai yatai kehelibo, ya huloto lali kai koko pananaka lehe'mobo. Ya hu'ehitogo lali amuya moloto koli mehuse kai kagaka lu yege ho ketalune.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.

1 Koliti 2:2

O'e. Nani ma luto keheli amuya mololoto bu'ohunamo ni'ibe. Nani lenalitoga buto nohuto'ni kaga luga'a melu'ohuna yagi Yesu Kilisito ai kumu hiti to malipu yafalo he'ahana yamofihi ka'asigo beto hu lepilube luto keheli'ohunamo ni'ibe.

Aposolo 17:18

To luga'a Epikuli bona'i to Sitoiki bona'i kaga enelepilata bo'animagi Polu hiti kenasabo bilete luga'amagi ma lite li'ahana: Ya'ma hagulu hagulu ka nolina bo ai henamofihi kaga lu epilube'mu nohibe? To luga'a bona'magi li'ahana: Ai fato melugu meha'agi kaga'ani lu yege nohabe. Polu Yesu kumu ai fili'ehinagati aku'i ho ti'ehibe luto ka lamana'a lu yege ho epina'mu ya lite li'ahana yabe.

Aposolo 11:20

To Hu'mamofitoga komopa'ani melete minana bona'i Saipalasi bo hiti to Sailini bo hiti Atioki hepatoga bite Sipi Bo Yesuhi ka lamana'a fegutoga bona'i hiti enalitoga lu yege hete lu epi'ahana yabe.

Aposolo 8:5

Filipiu sipi hepa'i monelugu Samalia limiloto ka lamana'a boana'i enubulo lu yege nohoto Mesiahi gi ho'ehina yabe.

Aposolo 4:20

To le'ali kaga lu yege hose'nati'a mehe'milu'ina'mu yabe. Asaga'na le'ubulo huto higo bu go'ohu'inanamofihifi to le'ekesatu'i keheli'ohu'ina le'ali lu yege homofa'na hilu'ina'mu yabe.

Luku 22:53

Nani asaga yupahi lenali hiti sipi mono nonugu minolata hu'ohuna lenali nani naga'i menimi'ahana yabe. Ya hi'ahana yatai lenali kanatini huto nohigo metepunamofihi amuya'a hiti yabe, Yesu ya luto lu'ehina.

Aposolo 13:32

Ya'mu luto lali yatai lenalitoga ka lamana'a ma luto lu epilune luto noone. Ya'manana koyapa'i Hu'mau tatatigi epilube lu'ehinana yatai lali panana'animagita alimi'ehibe. Mono nama buku kupa'agu 2 enali keye'ahana Yesuhi le'mo ho tilibe luto mono kagu ma luto ni'ibe: Kai nani pana'ni nohane. Yatai'isi kai afokafita lolo hu'ohube.

Galesia 1:16

Elesa molo nimi'ehina ya'ma keheligo tigo ka'a ya'ma fegutoga bona'i enalitoga ka lamana'a lu yege hoto ya'ma luto lu hofa talane luto pana'amofihi hapa'a lu huto huto nelepi'ehina. To ya hu'ehinaya ana kagamu'i ya'ma nani fato'i lu nimilo luto bona'magihi suhi lolo huto loka meho epolo'ohunamo ni'ibe.