Aposolo 5:41 - Ka Lamana'a Monoꞌi Lu Mu Tifiꞌehina Ka Yabe

⁴¹ Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Aposolo 5:41 Referans Kwoze

Yemesi 1:2

Nigibo nagabose, kalana'i nemele lepelenogomo yamofihi enimi'i melenogo lenali ule'a'ale hite keheli'ahanamofihi hapa'a huto hilibe lite keheli'ehite keheli sibina mehise lenegelo bite minalo. Lenali mono kagu amuya malalabe lite kalana'i mele lepalalana nasana yamagi lenele'mo bati hilune'mu nehabe.

Luku 6:22

To bona'magi enipakafa lenehenogomo lenofokehi halo. To lenali Kokulumaguti limi'ehina Bo mege'i nemelenogomo bona'magi lenipakafa halanamo'mu nolube. To enali lenele'mo he'milana yabe. To ka foipa'a li lepalalabe. To lenigitini li sibina sabana hite halana'mu yabe. To asaga ya'mana nehi lepelenogo lenali sipi lenofokehi halo.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Yoni 15:21

Noho lifi'ehina bomu'i keheli fe meli'ahana ya'mu nani nigi'ni lenalitoga ni'ina'mu yabe lite ya hi lepalalune'mu habe.

2 Koliti 12:10

To Kilisito kumu yabe luto amuya memalaluna ni'ifihe? To nele'mobe hokobe hi netalana ni'ifihe? Keke'i luse'namofihi gupisalo minaluna ni'ifihe? To bauna fise'na to kalana'i melese'namofihi gupisalo minalunamo ni'ifihe? O'yo. Fa'mene yana'mu komopa'nigu keheli sibina mehu'ohube. Nani lapa mebi'ohunalo ya'ma ai'a amuya'a nimilago amuya mololata nohunagihe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Romu 5:3

To keta nohinauba lali'i huto hu letolenogo ana huto legelo bito minolata nohune. Hena'mube? Ya'ma keta nolebesinanauba lele'mo amuya melenogo mino lito bilune.

Hibulu 10:34

Lenali lenigibo lenalalutinigihi naga nonugu nehago enali kumu yabe lite komopatinigu ekafa'i ho'ehinamo ni'ibe. To asaga fe'nohatini bauna fite lilago ya'ma komopatinimofihi fe'nohi lamana'a amuya moloto minomo buse'namofihi molo'ohune lite kehelilete lenegelo bilata hi'ahanamo ni'ibe.

Aposolo 5:21

Aposolo bona'magi ka'a liyafa hilete folugu'i go'i yuhufa noligo sipi mono nonugu tilete hapi fite ka enelepite mine'ahana. To sipi mono noto kaba bo yagi lalu'agihi kehe i nupa huloto kanisole bona'i hiti Yuta bona'magi olopa bo'ani hiti ete li gehesa hi'ahana. Ya hilete aposolo bona'i naga nonugati enele'mete alabe lite enoho lifi'ahana yabe.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

3 Yoni 1:7

Enali Kilisitohi gi'amu yabe lite me'ani he'milete Hu'mamofihi mekeheli'ahana bona'magitogati yogo fe'nohi melise mono foyalo bi'ahanamo ni'ibe.