Aposolo 5:13 - Ka Lamana'a Monoꞌi Lu Mu Tifiꞌehina Ka Yabe

¹³ Enali mone luga'a Hu'mamofihi komopa'ani emi'ahanamagi koli hilete enali hiti ete li nupa mehi'ahana yabe. Ya'mu lite enali boana'magi enofokehi helete lusi kaga lu epele'ahana yabe.

Aposolo 5:13 Referans Kwoze

Aposolo 2:47

Asaga yupahi utehi etehi Hu'mamofihi gi'a li saga hite minelata hago asaga boana'magi enugufagu bati hu'ehina yabe. To asaga yupahi Sipi Bouba boana'i luga'a enubuto bito enali folagaha'anigu molo emilata higo boana'i babu lu'ehina yabe.

Aposolo 4:21

Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.

Aposolo 19:17

Asaga Yuta bona'i hiti to Giliki bona'i hiti Efeso hepato neminanamagi foipa feleuba enoho'ehibe lite lana ka kehelilete enelesa'ani gofa ligo sipi koli hi'ahana. Ya hilete Sipi Bo Yesuhi gi'a liyafa hite fokehi he'ahana yabe.

Aposolo 5:5

Ananiasiu ana kaga keheliloto ana'asilo fililoto melugu limito ko'ehina. Ya higo enali ya hinamofihi kaga'a kehelina bona'i nelesa'ani gofa lu'ehina yabe.

Yoni 19:38

To alipo bo moneuba gi'a Yosefe yabe, Alimatia hepato bo ai Pailatitoga buto Yesuhi gufa'amo lilube'mu keligu halube luto loka ho'ehina. Ya'ma Yosefeu Yesu mege'i molo'ehina bo to Yuta bona'magi kumu koli nohuto legeso hu'ehina. Ai loka hago Pailatiu lu emi'ehina: O'yo, alibo ligo Yosefeu buto yafaloti Yesuhi gufa'a li he'mito molo'ehina.

Yoni 12:42

To Yuta enikibina bona'magi babu lite Yesutoga keheli ule'ale hite aku Felosi bona'i kumu koli hite lu huto mehise fa'mene mine'ahana. Lu meepi'ahana hena'mube? Enali Yesuhi kaga li pili kalune'mu nehanamagi enegekesa kehelite Felosi bona'magi Yesuhi agoya hu emi'ohuna'mu kehelilete mono nonuguti lele'mo he'mi lalibe lite fa'mene mine'ahana.

Yoni 9:22

Ito'afugo afo'afugo Yuta bona'i kumu koli nehite ya'ma kaga lu epi'aha'igo hena'mube? Koyapa'i Yuta bona'magi kaga lu laga hi'ahana: Bona'i moneuba Yesu kumu Hu'mamofihi le'mo ho ti'ehina pana'a nohibe luto linogomo yana'mu enali sipi mono nonuguti he'mi etete aku metilibe lite lu laga hi'ahana yabe.

Luku 19:48

Ya hana asaga boana'i Yesuhi kaga'a amuya melete keheli bati hilune'mu hago yana'mu enali ana bomagi Yesuhi halana kapo'a li hokolo mehi'ahana yabe.

Aposolo 5:26

Ya lite lago enali mono noto gimi bo yagi to luga'a gimi bo'a hiti enele'mo mege toloto buto aposolo bona'i sipi mono nonugati enele'mete e'ahana. Enali gimi bomagi aposolo bona'i osahi meepise enele'mete e'ahana yabe. Hena'mugope aposolo bomagi kaga'anilo kehelite nehana bona'magi enitaluga logo binogo efa kosatu'i legene ite loho fililafi lite enelesa'ani ligo yabe.

2 Koliti 10:15

Lali bona'i luga'amagihi enali foyagu laga'a keheli'ahana suhi huto moloto lali li'ohutamo ni'ibe luto lugufa lelito tise kaga lulata mone mehune. Keheli ule'ale huse'natini yamofito yahi lilenogo lali lenalitoga buto foyamofihi kupa'a Hu'mau molo leto'ehina'a ya'ma le'mo hofa talune luto ya'mu komopatigu lebesi'ehinamo ni'igo kehelito nominone.