Aposolo 5:12 - Ka Lamana'a Monoꞌi Lu Mu Tifiꞌehina Ka Yabe

¹² Enali aposolo bomagi topa ho'ehinana babeyafana fato fato'i babu lite boana'magi folagaha'anigu li huto hi'ahana. Ya hago enali Hu'mamofitoga komopa'ani emite minelata hanamagi enali asaga yupahi utehi etehi Solomonihi Nosipenugu li nupa hilata hi'ahana yabe.

Aposolo 5:12 Referans Kwoze

Aposolo 19:11

Hu'mau Poluhi yato babeyafana fato fato'mofihi li huto hu'ehina yabe.

2 Koliti 12:12

Nani lenalitoga foya bati huto lugo topa hose suhi to ana'ina kosaba'i bu go bati huse nasana kosele'i meho'ehina'a hiti huto hulata nohina yanauba aposolo bomofihi hapa'ni li huto hulata hu'ehina.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.

Aposolo 14:3

Polugo Banabasiugo yatama kana'a Ikoniu hepato nehite amuya melete Sipi Bomofihi ka'a lu yege he'aha'ina. Ya ha'igo Sipi Bouba babeyafana lumofihi lumofihi fato fato'i topa hose nasana hiti li etayato higo li huto hi'aha'ina. To ya'mananauba ai fulu kaga'a lamana'a ni'ibe luto boana'i enelepilibe luto yabe.

Romu 15:19

To huse mehuse suhi huto ule'ale nasana lito oto mololoto nohuto Sikalafu'amofitogati amuya liloto topa hose'na'a hiti lilenogo kehelilabe. To nani Yelusale hepatogati hapi fito Kilisitohi ka lamana'a asaga'i lu huto holito buba buba huto ya'ma me'i le'mo bego bego huto Ililikamu metoga buto lu yege ho'ohuna.

Aposolo 3:11

Ana bouba Pitanogo Yoninogo etunu ki pili koloto Solomonihi Hasa yabe lite gi'a mele'ahanagu nehago babu boana'i lime gehesa hite yege fi'ahana. To enali ana boana'i enekesa'ubago higo enelesa'ani lu'ehina yabe.

Yoni 10:23

Ana yupapo Yesu ya'ma mono nonugu tito mone nosipetoga gi'a Solomonihi Nosipeto yabe ya nelana ai anagu kapo nomalago

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Aposolo 1:14

Ya'ma bo asaga'i enali komopa'ani monetoga melete li nupa hite numuna hite minelata hi'ahana. To ana'i luga'a hiti to Maliau Yesuhi ito'afi hiti to gonamu tamu'a enali ana hite moneko ete li nupa hite nunumu hite mine'ahana yabe.

Maki 16:20

To enali bu gelete, bite asaga hepatoga biba biba nehite Yesuhi hetofa kaga'a lu yege helata mine'ahabe. To Sipi Bouba enehe'moto enalitoga minago, enali sipi lili'na amuya'a hiti topa hose suhi lite hi'ahabe. To yana'mu bona'magi ya'ma bu gete enali: Lusiga nelabe lite keheli'ahana yabe.

Aposolo 16:18

Babu yupahi ya'ma pa'uba ya lumofa'na higo Poluhi kosele'a hago i behe huto ana foipa felemofihi ma luto lu emi'ehina: Yesu Kilisitohi gi'alo kehe nounagi leke ho limito bufa hubo. Ya ligo ana foipa feleuba ana'asilo ana pa'mofihi komopa'aguti mele'isi hele ko limi'ehina.

Aposolo 9:40

Ya hago Pitau asaga bona'i ana hasaguti enele'mo fegu toloto lapusa nohi filoto nunumu hu'ehina. Ya huloto ai ana a'mofihi i behe huto bu goloto ma luto lu'ehina: Tabitao, kai ho tibo. Ya noligo bu i gili huto Pitahi bu goloto sipaloti ho tito analo mino'ehibe.

Aposolo 9:33

Ya huloto bo mone'mofihi gi'a Eniasiu yabe luto nohinamofihi bu go'ehina. To ai ana bo gi yahi foipa lo'ehigo kapo memolose sipa'aloko koloto nominago kufu'a nayahi mone kegi'a su hoto mone kegi'ati loegi monegi heleko molo'ehina yabe.

Aposolo 2:46

Asaga yupahi utehi etehi moneko naga'i lolo hite sipi mono nonuga li nupa hite bilata hi'ahana, to noha'anigu nose'na monekolugu nupa hite nelata hi'ahana, to fuluna kiya yokolo'nagu minete nose'na nelata hi'ahana yabe.

Yoni 4:48

Ya higo Yesu lu emi'ehina: Lenali kaga'ni keheli menimise nehite babeyafana fato fato'i li huto hinogo'ni bu gelete nani kumu keheli ule'ale hilata nehabe.

Aposolo 28:9

Ai ya huto ye kolago babu bona'i ana ti'ehina metoga enebesigo mine'ahananamagi Polutoga ago ai ana huto enele'mo ye ko su ho'ehina yabe.