Aposolo 5:11 - Ka Lamana'a Monoꞌi Lu Mu Tifiꞌehina Ka Yabe

¹¹ Asaga Hu'mamofitoga komopa'ani emi'ahananamagi to luga'a fato fato boana'magi hiti anana huto hu'ehinamofihi kaga'a keheli baga ilete enelesa'ani sipi lu'ehina yabe.

Aposolo 5:11 Referans Kwoze

Aposolo 5:5

Ananiasiu ana kaga keheliloto ana'asilo fililoto melugu limito ko'ehina. Ya higo enali ya hinamofihi kaga'a kehelina bona'i nelesa'ani gofa lu'ehina yabe.

Hibulu 4:1

To ya'ma minoba minoba hepato bu nehetilabe luto Hu'mau lu leto'ehinamo ni'ibe. Yamofihi kaga'a lu molo'ehinana su mehalube'mu hibe. Ya'mu lenalitogati kegi'a moneubafi moneuba ana kapogu buto tele bi haya kolo lalibe luto lelesati linagi kaba hu bati hilo luto nolune.

Aposolo 19:17

Asaga Yuta bona'i hiti to Giliki bona'i hiti Efeso hepato neminanamagi foipa feleuba enoho'ehibe lite lana ka kehelilete enelesa'ani gofa ligo sipi koli hi'ahana. Ya hilete Sipi Bo Yesuhi gi'a liyafa hite fokehi he'ahana yabe.

Filipai 2:12

Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

Hibulu 12:15

Lenalitogati bo mone Hu'mamofihi lehe'mose'na li he'mito i behe huto bu laligi kaba hite minalo. Ya nehite komopatinigu ekesa'namofihi foipana moneuba leneme'na leneme'na bito lulata nohina ya suhi huto komopatinimofihi ekesa'nauba sipi hulenogo bona'i yege yege'magihi komopa'ani haya kolo laligi kaba hi epelelete minalo.

Hibulu 12:28

Ya hilinagi lali Hu'mamofihi kapo'a lilune'mu nohutamofi kumu mopo mopo mehilina minoba minoba nasana lalitoga minalibe. Yana'mu lali Hu'mamofihi fokehi halutagihe. Ya huloto bita nohina'alo mege'i moloto aitoga legelo lagalo bito amuya'a hiti legeso huto agoya hu emino. Ya nohinogo ai'a kehelito bu go laga hinogo bati hulenogo agoya hu emito minalune.

Huto Hilina Ka 15:4

Sipi Bo, kai kumu ki'afu koli mehilina'mu yabe? Kigika sipinamo kumu ki'afu liyafa mehilina'mu yabe? Kai monekomaka pa solata nohane. Ya hu'ehina'mu noto noto bona'i kaitoga ete enalapusa fi kimilune'mu habe. Kai bati huto lelito oto moloto lito hu'ahata ya'ma yege yege bona'i asaga'magi bu galana'mu yabe.

1 Pita 1:17

Lenali Hu'mamofi kumu afotifu yabe lite lu emite, nunumu hite lilata nehabe. Ai loe bomale'ititihi bu goloto moneko babeyafa ni'inogo mone bo le'malina to mone bo he'mi etalina meni'ibe. Hapa'a ya huto meni'ibe. Ai asaga bona'magihi komopa'ani bu goto hapa'ani lamana huto eto huto loko hulata nohina bo nohibe. To ya nohigo lenali panana'amagita ma metoga nehana kanagu ai kumu koli hite minete keheli emite mine lite bilo.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

Aposolo 2:43

Sipi lili'na fato fato'i to topa hose'na hiti aposolo naga'magihi enayato Hu'mau babu luto li huto higo asaga boana'i enali be gelete enelesa'ani ligo koli hi'ahana.

Aposolo 9:31

Ya hulago Yutia kegi'afi Galili kegi'afi Samalia kegi'afi Yesutoga komopa'ani mele'ahana bona'magi fuluna agoyanaguti bati hite mine'ahana. Ya hago bona'i luga'a babu lite huto hilete enalitoga ete ikele'ahana. Ya hilete enali Sipi Bomofihi mege'i melete minago Sikalafu'uba enele'mo amuya molo'ehina yabe.