Aposolo 4:3 - Ka Lamana'a Monoꞌi Lu Mu Tifiꞌehina Ka Yabe

³ Ya hilete enali etayato lite naga ite sinihi agilube'mu nohigo nonuga etele'me mele'ahana yabe.

Aposolo 4:3 Referans Kwoze

Aposolo 5:18

Enali aposolo bona'i enayato lite sipi naga nonugu enele'me mele'ahana yabe.

Aposolo 9:2

Ai ana kaga lu emigo sipi mono noto kaba bouba fayahi mone Yuta bona'i mono nonuga gehesa hi'ahananamagi Tamasiko hepato bite neminanamagitoga go'ehina. Ya huloto ya'mana fayahi Solihi emi'ehina. Ana fayanugu ma luto go'ehina. Enali Sipi Bomofihi Kapo mana'alo mege'i nemalalana bo hiti ana'i hiti Soliu bu enogolotomo ai enele'mo naga ito Yelusale enele'moto alibe.

Aposolo 8:3

Soliu ai amuya mololoto Yesuhi bona'magihi le'mo sibina hilube'mu nohube luto lu'ehina. Bona'magi noha'aniluga tiloto limiloto nohuto Yesutoga komopa'ani emite minana bona'i kefefe ho lito limi limi fegutoga huloto bo hiti ana'i hiti nagalugu enele'mo molo'ehina yabe.

Aposolo 6:12

Enali ya lite lana kagauba asaga boana'i to keya ka enelepilata bo hiti to olopa napa bo enali enipaluga lu boyogo fi'ahana. Ya hago enali Sitifenitoga bite yato lite le'mete bite mono kanisole bona'magitoga le'mete bi'ahana.

Yoni 18:12

To gimi bomagi hiti to kaba bo'aniuba Yesuhi naga'i emite to Yuta gimi bona'i hiti le'mete bite

Luku 22:54

Ai ya luto alulago enali yato lite bilete le'mete mono bomagihi kaba bo'animofihi nonuga le'mete ti'ahana. Ye nehago Pitau ai enemege'i lifito fala kito bu'ehina.

Luku 22:52

To sipi mono bona'i to mono noto kaba gimi negina bona'i to olopa bona'i enali Yesuhi le'malune lite ana bona'i ma luto Yesu lu epi'ehina: Lenali emita'i nelite osahi nelite hite neanaba lenali lubalo bo le'malune'mu nehafihe?

Matiu 4:12

Yonihi naga foyagu le'mo malabe lite lana'a Yesu akeheliloto ai Galili melugu bufa hu'ehina.