Biblia Todo Logo
Bib sou entènèt

- Piblisite -




Aposolo 4:21 - Ka Lamana'a Monoꞌi Lu Mu Tifiꞌehina Ka Yabe

21 Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.

Gade chapit la Kopi




Aposolo 4:21
18 Referans Kwoze  

Ya lite lago enali mono noto gimi bo yagi to luga'a gimi bo'a hiti enele'mo mege toloto buto aposolo bona'i sipi mono nonugati enele'mete e'ahana. Enali gimi bomagi aposolo bona'i osahi meepise enele'mete e'ahana yabe. Hena'mugope aposolo bomagi kaga'anilo kehelite nehana bona'magi enitaluga logo binogo efa kosatu'i legene ite loho fililafi lite enelesa'ani ligo yabe.


To enali mono bona'i to kaga keheli bati hi'ahana bona'i enali boana'magihi koli hilete ma lite li'ahana: Lali hena hulototi Yesuhi ho fala kilune?


Ana yupahi keya ka babafi bo to sipi mono noto kaba enali kumu luto Yesu bame ka ligo enali keheli sibina hilete Yesuhi ana hepato naga'i emilune'mu hana babu boana'magi mege'i nemalago koli he'ahana yabe.


To lali fa'mene bona'magi hina yabe luto liluta asaga bona'i ma nehanamagi efa kosatu'i he'milago hehe hite lahalana'mu yabe. Hena'mugope enali Yoniu lu yege hose bo yabe lite amuya melete keheli neemina yabe lite li'ahana.


Ya hilete enali yato lilune'mu nehana. To Yesu kumu lu yege hose bo nohifi boana'magi lite nehite Felosi bomagi enali kumu koli hi'ahana yabe.


To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.


Ya luto ligo kanisole bona'magi kaga'a mege'i mele'ahana. Ya hilete aposolo bona'i kehe ilete naga osatu enibi yigi'ahana. To enali amuya ka epekite aku aku'i Yesuhi gi'a helete kaga lu epimofa'na mehilo. Ya lite lu epilete aposolo bona'i he'mi epalago bi'ahana.


Ya'mu luto etali ya'mana kaga fato fato hepatoga boana'magihi lu epimofa'na mehiliyo, to letali Yesuhi gi'a aku aku'i mone'a hiti helete boana'i kaga lu meepiliyo luto etegekesa bilune li'ahana.


Ya luto Yesu lulago Yesuhi ka'auba fateha'a bona'i enubuya sipi higo lipite nehago luga'amagi asaga Yesu Yesu hetofana hinana'mu lite enegelo bite mine'ahana.


To asaga bona'i topa hete afoya gofa ilete Hu'mamofihi gi'a li saga hite li'ahana: Yatai fato huse'i hetofana bu gone lite li'ahana yabe.


Ya hu'ehina ya'mana suhi asaga bona'i li nupa hite nose'na nete minelata kanalo ya mehilune. Ya hiluta asaga boana'magi luba li huto hilana'mu yabe lite sumi ka li'ahana.


Ya higo asaga boana'i enali enekesa yigi babu li'ahana yabe. Hena'mugope negi bona'i aku'i kaga lila, felisa'ani kuyugu hina bona'i bati hu epolola, enigi'ani sibina hu'ehina bona'i kapo melela, to enali enubu'ani pisi lu'ehina bona'i enubu'ani i gili hula hinana be gelete'ani yabe. Ya hilete enali Isilaeli bona'magihi Hu'ma'anifu ai kumu fokehi hete gi'a li saga hi'ahana yabe.


Ya hago Yesu ana foipa fele li he'mi etago ana bouba kaga hapi fito lu'ehina yabe. Ya higo asaga boana'i topa hete enekesa yigi babu lilete ma lite li'ahana: Koyapa'i Isilaeli melugu ya'ma huse'na huto higo bu mego'ohuta suhi huto hibe, lite li'ahana yabe.


To Pitaugo Yoniugo topa ho'ehinamo sipi lili'na li huto hite le'mo bati hi'aha'ina bo ai koyapa bo kufu'a 40 li he'mi'ehina bo yabe.


Enali mone luga'a Hu'mamofihi komopa'ani emi'ahanamagi koli hilete enali hiti ete li nupa mehi'ahana yabe. Ya'mu lite enali boana'magi enofokehi helete lusi kaga lu epele'ahana yabe.


Swiv nou:

Piblisite


Piblisite