Aposolo 4:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ya lite lago Pitaugo Yoniugo ma lite kanisole bomagihi ka'anilo lu epi'aha'ina: Lenalitini loko hite hiya kagauba Hu'mamofihi bulo bati hilifi lite kehelilo. Lenali kagamofihi mege'i malalu'ifi to Hu'mamofihi mege'i malalu'ifi lenaligo kehelilo lite li'aha'ina yabe.

Aposolo 4:19 Referans Kwoze

Aposolo 5:29

Ya lite lago Pitau yagi to luga'a aposolo bomagi kaga'anilo nona'a lu epi'ahana: Lali bona'magi kaga'anilo enemege'i memalaluta, Hu'mamofihi ai kaga'asigo mege'i malaluta'mu yabe.

1 Koliti 10:15

Lenali komopatini lenegekesa hiti'namo nehabe. Yamofihi kaga'a ya'ma lilugi lenalitini kehelite bu go fe lilo.

1 Timoti 2:3

Ya hilana nasanauba bati hilube'mu hibe. To lubuto bilata Bo, Hu'mau ai ya nehana'mu keheligo bati nohibe.

Yoni 7:24

Lenubutu bu gelata nehananamofi loko hilata nehanana nehe'mite ma'nakamofinogo loko hilo.

Matiu 22:21

Sipi Lomu kaba bomofihina'a ni'ibe, li'ahana. Ya nelago Yesu ma luto lu epi'ehina: Ya hinogomo Lomu kaba bomofihi nasana'a emilo, to Hu'mamofihi nana'aya Hu'mamofitogago emilo, luto Yesu lu epi'ehina yabe.

Yemesi 2:4

Lenali ya hite bona'magita guna melete enele'mo fato fato nehite lenegekesa foipa'a kehelite bona'i enele'mo sibina hilata nehabe.

Efeso 6:1

Panala'i pana'i lenali Sipi Bomofi kumu lite kehelite itotinigi afotinigihi agoya hu epite enali ka'ani keheli epilo. Yauba ya'ma lenali kapo lamana'a hokolo nohibe.

2 Koliti 4:2

Ya nohutoti foipana amuya'a hiti huto hu lalibe luto suguna huto sibi hapa'a lilata nasana lemegesa hu emiloto mone fagamofihi gupisalo minoto Hu'mamofihi ka'a li sibina hulata ya'ma ya suhi menohune. Lali Hu'mamofihi bulo ai'a ka'a lu aku toto ma'naka luto lu huto huto lu noleputogo bona'i asaga'magi lali hapati keheligo fu luto ni'ibe.

Hibulu 11:23

Moseu huto hulago ito'afugo afo'afugo ya'ma keheli ule'ale hilata alobole neha'ibe lite yagapana'atiti'mu pana'i hetofanamo ni'ibe lite bu go laga hilete Iyipi bo Felo, gihiti bo ai lagaso pana'i asaga'i kele lilo, luto kaga moloto lina'mu yabe lite yamofihi etali etelesa meligo keheli he'mi'aha'ina. Ya nehite ikahi loebe monebe nobigo le'mo fala kite le'mo melete mine'aha'ina yabe.

Luku 22:8

Yesu Pitanogo Yoninogo etele'mo kohe toloto bite letali Pasa nose'na li loloba nehi'inogo buto nalune luto etoho lifi'ehina yabe.

Aposolo 4:13

Pitaugo Yoniugo etali koli mehise amuya melete kaga lu yege ha'ina enali bu ge'ahana. To etali babafi bomale'i memina'ina fa'mene bole neha'ibe lite kanisole bomagi akeheli'ahana. Ya'mu lite enali kaba kanisole bomagi enekesa yigi babu lilete ma lite akeheli'ahana, koyapa'i etali Yesuhi mege'i melete moneka mine'ahana yabe.

Aposolo 5:28

Lenali boana'magitoga Yesuhi gi'a helete kaga lu meepilo luto ule'ale ka luto laga hu lepolo'ohuta yabe. Ya hu'ohuto bu galo, lenali kaga'tinimouba asaga Yelusale hepa'mogu bu baga i'ehibe. To lenali lali kaluga lilete Yesuhi enali ho fili'ahana yabe lilune'mu nehabe.