Aposolo 4:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Ya'mu luto etali ya'mana kaga fato fato hepatoga boana'magihi lu epimofa'na mehiliyo, to letali Yesuhi gi'a aku aku'i mone'a hiti helete boana'i kaga lu meepiliyo luto etegekesa bilune li'ahana.

Aposolo 4:17 Referans Kwoze

Aposolo 5:28

Lenali boana'magitoga Yesuhi gi'a helete kaga lu meepilo luto ule'ale ka luto laga hu lepolo'ohuta yabe. Ya hu'ohuto bu galo, lenali kaga'tinimouba asaga Yelusale hepa'mogu bu baga i'ehibe. To lenali lali kaluga lilete Yesuhi enali ho fili'ahana yabe lilune'mu nehabe.

1 Tesalonika 1:8

Lenalitogati ya'ma Sipi Bomofihi hetofa kagauba sipi huto buto Masetonia metoga to Akaiya metoga bu'ehina. Ya hu'ehina ya'asigo meni'ibe. Lenali Hu'mamofi kumu keheli amuya mele'ahanamofihi kaga'a noto noto hepatoga bulago yamofihi lu lepiluta'a mone mehibe.

Aposolo 5:24

Ya lite lago enali sipi mono noto kaba bo hiti to enali sipi mono noto gimi bona'magi hiti aposolo bona'i hena hi'ahafi lite enegekesa yigi babu li'ahana.

Aposolo 4:21

Ya lite la'igo enali kanisole bona'magi amuya melete kaga lu etetelete etele'mo he'mi'ahana. Enali naga'i etimilana kaga li huto mehi'ahana yabe. Hena'mugope asaga boana'magi huto hu enubulo molo'ehinamofi kumu lite Hu'mamofitogago enegelo bi emite gi'a liyafa hana'mu yabe.

Matiu 27:64

Ya hu'ehinagi kai gimi bonakamagihi kaga litogo bite loegi monegi yupahi minalifa lite kene keli baga'alo amuya melete i hekini leno. Koko pana'amagi faga lite gufa'a gumina lilete asaga boanatoga ai aku'i kene keliguti ho ti'ehibe lite enimi'i mele lalabe. Yatai faga li'ahanauba koyapa'i faga lilanamofihi be ligilibe.

Matiu 9:30

Yesu ya ligo etubu'atiti ana'asilo mele'isi i gili hu'ehina yabe. Ya higo Yesu etekesa bito ma luto lu etimi'ehina: Letali ya'mana huto nohu letotonamofihi kaga'a bona'i lu meepilo.

Yoni 15:21

Noho lifi'ehina bomu'i keheli fe meli'ahana ya'mu nani nigi'ni lenalitoga ni'ina'mu yabe lite ya hi lepalalune'mu habe.

Efeso 6:9

To lenali hiti bona'i lenali koko yagapanatinimagihi ana hite keheli bati hi epelete ana suhi hite enehe'mete luba ka lu meepilo. Ya nehite ma lite kehelilo. Koko yagapanatini hiti to lenali hiti ya'ma kokulumagu Sipi Bo afotinigu moneko'i nohibe. Ai enigihiti bona'i to enigi menina bona'i moneko legege nehabe luto kehelito bona'i silaga'i kaba hulata nohibe.

1 Pita 2:23

Enali huli ka lu emilago ai ka nona'a lu meepi'ehinamo ni'ibe. To osahi emilago ai enipakafa mehose fa'mene minoto kaga'ani loko hilina bo, Hu'ma ai bati hu epololata bo, aitoga mino moloto fifa ito mino'ehinamo ni'ibe.