Aposolo 4:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ya hiletemo lenali asaga'i hiti to Isilaeli naga'i hiti ya'manana keheli bebe salo. Yesu Kilisitou Nasalete Bo ai gi'alo ma bomofihi gufa'a amuya moloto bati hu'ehibe. Ya higo ai folagahatinigu yatai lenubulo ho ti'ehibe. Lenali Yesuhi malipu yafalo hago fili'ehinamoya Hu'mau aku'i kene keliguti le'mo ho ti'ehibe.

Aposolo 4:10 Referans Kwoze

Aposolo 3:6

Ya higo Pitau ma luto lu emi'ehina: Nani efahi meli'ohube, ya hu'ohunaya nani li'ohunana kimilube. Yesu Kilisitou Nasalete Bomofihi gi'alo nolu ketonagi kai kapo molobo.

Aposolo 2:36

Ya hu'ehinagi asaga Isilaeli naga'magita ya'mananalo keheli bebe salune. Ya'mana Yesuhi lenali malipu yafalo hago fili'ehina, ai'i Hu'mau Sipi Bo le'mo lolo higo nohina ai Yesu Kilisitou nohibe luto, Pitau ya luto lu epi'ehina yabe.

Aposolo 28:28

To Polu mone kaga hiti lu epi'ehina: Yatai nani Hu'mau enubuto bilata kaga'a lu nimi'ohuto fegutoga bona'i nehanalo noho lifi'ehinagi enali ana ka lamana'a kehelilune'mu nehabe.

Romu 1:4

Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

Matiu 2:23

Ai buto Nasalete hepato nohi gito mino'ehina. Ya higo kaga lu huto huto bona'magi li'ahanauba legeya'a li huto nohibe lite li'ahana: Enali Nasalete bo yabe lite lilata hilana'mu yabe.

Aposolo 2:32

Ya'mana Yesuhi Hu'mau ale'mo ho ti'ehigo lali bu golototi ai kaga'a lu yege nohone.

Luku 18:37

To enali ma lite lu emi'ahana: Yesu Nasalete hepalo bo kapo moloto noabe.